عذيب ... من برك للحمل يشيله ..!!

[الاسهم السعودية]

السلام عليكم

اليوم دخلت عذيب بسعر 20.05 وصار عندي شغل وطلعت وماشاء الله وصلت فوق مادري كم بالضبط المهم ارتفعت

رجعت حصلتها 19.95

سالت قلت ابيع ماحد رد للاسف

اتمنى من الاخوه المحللين والمشرفين خصوصا في المتابعه ان يهتمو بالاسئله اكثر ولا يركزو على التنكيت والمزح بينهم او بين الاعضاء

فيه قسم اتوقع بالمنتدى للضحك والفرفشه

احترم جميع المشرفين والمحللين وهؤلاء لم يتم تعيينهم الا لانهم ثقات وبعد تجربه ناجحه لهم

ان لااحمل احد مسؤولية خسارتي

لكن الي قاهرني اني كنت اطلب النصيحه من ناااس كانو يملكون الرأي والمشوره وفي ساعتها النصيحه تساوي جبل من ذهب

كنت اسال واغلب سوالفهم تنكيت ومبسوطين الله يزيدهم وناسه وربح يارب وعسى روس اموالهم تدبل مره ومرتين وثلاث

قدر الله وماشاء فعل

الله يعوضني ويعوضكم خير ويبارك لمن ربح

الفلوس بصراحه كنت ناوي اسحب منها اليوم لكن بعد هبوط عذيب وقفت وماني مستعد ابيع او اشتري الى ان تعوض الخساره

اتمنى ممن يحمل كلمة محلل او مسؤول بالمتابعه او مشرف بالاسهم او متابع

ان يركز في قسم المتابعه ع الاسئله واستفسارات الناس

ياجماعه ترونا جهال مو خبراء بالتحليل ومجتهدين على قدنا نحتاج النصيحه

المحللين جزاهم الله خير يعملون مجانا ولا يردون الا الدعاء

لكن من برك للحمل يشيله ....

التنكيت والمزح وقت المعمعه والمضاربه بالاسهم مو وقته خصوصا اذا كنت تنسخ رد قبل وبعد وترد على النكته بنكته وتترك الاستفسار ..!!

تحياتي لكم واتمنى ان لايتم حذف الموضوع لانه موجه للكل الاعضاء والمحللين قبل ذالك