][ محمد السبيعي .. في مدارات ( عيون الغلا ) ][

[خــــالـــــد]

نشرت جريدة الجزرة اليومية في عددها الصادر في تاريخ

21/6/1426هـ .. يوم الأربعاء

قصيدة لـ شاعرنا الكبير

محمــد السبيــعي والمسماه بـ " عيون الغلا "

إليكم ما نشر .. .. ..



دخيل عيونك اللي غمضها شوق ونظرها شوق=وأنا في لحظتين الشوق تفكيري معك غادي
دخيل الذوق في عيونك إذا عانق جمال وذوق=ودخيل الهمس في نظرة عيونك يوم يزدادي
ودخيل النظرة اللي تبتدي من تحت.. تطلع فوق=دخيلك يا الخجل مالك ومال الناعس الهادي
ودخيل الموق لارسل له تناهيت تصيب الموق=تناهيت تسافر بي وتصبح شربي وزادي
دخيلك وش تسوي في دخيلك يوم جاك يسوق=ركابه في عيونك وأصبحت بيديك تنقادي
عيونك يا الغلا فيها رعد.. فيها مطر وبروق=سوات البحر جزر ومد لو يشدي له الشادي
لها من فوقها سيوفٍ تخلي خافقي محروق=وتظلل خدك سهومٍ هدفها كله فوادي
أنا شاعرك يا عيون الغلا وفيك القصيد يروق=حروف الشعر في وصفك تجي من غير ميعادي
تجي تشبه لصبحٍ يبتسم للشمس وقت شروق=تجي مثل الندى اللي لاحتضنه الورد معتادي
لك الله يا جمال يسلب الإحساس والمعلوق=ولك الله يا خفوقٍ كم نهيته عنك ما فادي


صح لسانك يا ابو تركي ...





أخوكم/خالد

[مبـــارك]

صح لســانك ياأبو تركي ..

ولاهنت ياخالد على الخبر الحلووو

يستاهل محمد

تحيــاتي لكم

[محمد السليس]

صح لساانك الى الابد يا استااذي محمد السبيعي

ولاهنت يااخاالد على هذه الاشاره الطيبه لرجل غالي على قلوبناا

ودايم وانت راعي الاوله يا ابو وليد

دمت بخير

[أبوعبدالرحمن]

الله يعطيك العافية يا خالد

وكل الشكر لجريدة الجزيرة على اهتمامها بشعراء غرابيل وللاستاذ زبن بن عمير

وصح قلبك يابوتركي

[عبدالرحمن الجبابرة]

تغنيّت بها في ذات خلوة في استراحة ما بعد الظهر كعادتي في تصفح مدارات الجزيرة

شكرى وتقديري لهذا الإمتاع للشاعر ولجزيرة الإبداع

[مازن]

صح لسان شاعرنا الرائع دوماً محمد السبيعي

وطبعاً خـالـد له الشكر والتقدير لك لايكفي دوم متألق في طرحك وموضوعاتك التي لاتنتهي في أساطير غرابيل

تحياتي لكم

[محمد الدغيري]

صح لـ سانه

وسلم يا خالد على نقل الخبر

.
:
.
تحيه عطره
محمد الدغيري

[فارس]

صح لســانك يامحمد

ولاهنت ياخالد على الخبر ومشكور

وشكراً للجزيرة

تحيــاتي لكم