مثل ماتتبع عيـون العطاشـى غيمـة الحيـرة =تبعتك وانت مثل السالفة عن رحلة الغـادي !!

[حمدان بن سالم]

لمع برق الجروح ولاهقيت إن المطـر خيـرة= مدام إن السحابـة غاضبـة لاتامـن الـوادي


إذا شفت الوجيه الفارغـة تضحـك بتكشيـرة= حذاري تركب أمواج البحر لو البحر هـادي

أنا اللي تهت في حسن الظنون وحرمة الجيرة=تعبت أنهل من إدروس الزمان وعبرة أجـدادي

عبث مدّيـت كفـي للذنـوب وماتـت الغيـرة= وتغنّت بي شياطين الخطا في صوتها الشـادي

عذابي كنت أشوف في عيونـي سيّـد الديـرة =تجاوزت الخيال وكنت أشوف فارس أمجادي

رُمَسْت الروح في نيـران حبـك يالله الخيـرة= وصلتك وانت أبعد من مداي وشرهة عنادي !

أشوف الموت في صمت الشجر توحي تباشيره= هلا بالموت قالت خطوتي يوم ارتخى زنـادي

مثل ماتتبع عيـون العطاشـى غيمـة الحيـرة =تبعتك وانت مثل السالفة عن رحلة الغـادي !!

نعم سلّمت لك قلـب العنـا بـأول مخاسيـره= لمستك يوم هابوك البشر وأسمعتك إنشـادي !

صنعتك لغز في مشوار عمري صعب تفسيـره= تحاصرك الهقاوي وانت لاهي داخل فـوادي

عشقتك وانت في نزوات حبك مثـل تسعيـره= على حسب الظروف الراهنة تنقص وتزدادي

صحيح إن الخطر ياظالمي يعكـس محاذيره =غرست إسهام غدرك بالحشا مع حزة إرقادي

ألا ياحـر نيـران النـدم ياصعـب تصويـره= إذا طاح الصقر من فوق عرشه بأول إهـدادي

أجل طاح العزيـز وتوّجـوا أبطـال تعثيـره= عجايب كيف صاروا عزوتي هم أول أندادي !

غريمي لاتهنّـى دام جرحـي مانشـف بيـره= ترى لابد مـن كبواتهـا ماتنهـض إجيـادي

عزاي أني رميتك من سمـوّك تبكـي السيـرة= نزعت التاج عن راسك جهر والظالم البادي !!


شعـر/ حـمـدان بــن سـالـم العـنـزي

[محمد الجبري]

قصيدة رائعة الله يعطيك العافية


عشقتك وانـت فـي نـزوات حبـك مثـل تسعيـره على حسب الظروف الراهنة تنقـص وتـزدادي

اقتبس هالبيت وان كانت القصيدة كلها رائعة

[حامد الجهني]

حمدان بن سالم العنزي

السلام عليكم ورحمة الله وبركاته

أيها الشاعر الذي شغلت قلبه هموم وهموم وهموم 0
تأملت وتألمت لهذا النبض ولعل الله يجعل له فجرا قريبا.

صح لسانك أخي رائع بكل ما تحمله الكلمة من معنى

أخوك
الجهني

[مبـــارك]

الأخ الغالي الشاعر حمدان بن سالم ..

صح لســانك يالغالي .. قصيدة رائعة وجزلة

لك كل الشكر والتقدير ..

تحيــاتي لك .

أخوك / مبــارك الدوسري

[عبدالله محمد]

الأخ حمدان هذه أول قصيده أقراءها لك وأجدك أكثر من مبدع بصراحه كل بيت أحلى من الثاني كل حرف أحلى من الأخر دعني أهنئ نفسي على أنني إجتمعت بشاعر مبدع من أول قصيده قرأتها له شاعر أتوقع أنه سيمتعنا كثيرا شاعر متمكن شاعر فرض نفسه من أول حظور له دعني أهنئك على مستواك الرائع وإمكانياتك الكبيره وأتمنى وبكل شوق أن أرى لك كل جديد وأن تمتعنا بقصائدك الرائعه .
وتقبل خالص تحياتي.
أخوك الشاعر : عبدالله محمد

[أبوعبدالرحمن]

حمدان

صح قلبك وكلك يالجزل


وسلمت اناملك على مانثرته لنا هنا من جزالة وابداع


تحيتي لك

[فهد الروقي]

رُمَسْـت الـروح فـي نـيـران حـبـك يالله الخـيـرة&&&&وصلتك وأنته أبعد من مداي وشرهـة عنـادي
الشاعر حمدان بن سالم .....صح لسانك ....

[مفرح بن مناحي]

صححححححح لسانك يا حمدان

قصيدة رااااااائعة لا يكتبها إلا الكبار

لله درّك

لا أملك إلا أن أشكرك على اتحافنا بهذه الدرّة ..

بانتظار غيثك القادم ..

لك أطيب تحية ..

[حمدان بن سالم]

شكري وتقديري لكل من شرفني بالمرور

وأدعو الله أن أكون في مستوى ردودكم