ماينكر المعروف والطيب والجاه الا الردي واهل السلوم المصده

[تاجر مواشي]

اغنام - ابل - دواجن - طيور



القلب خاويته على كل مشهاه
طاوعت شوره بين هاته وودّه

يامـا تحمّلته على كثر مـاجاه
ويامـا تحمّل ميلة الوقت ضدّه

والهاجس اللي حدّ قلبي على اقصاه
ما فكني والقلب ما باح سـدّه

اسايره عن هرجة الناس وادراه
واكافحه مابين حـدّه وردّه

والموقف اللي راح والله ماانساه
حتى ولو طوّل مع الوقت مـدّه

كلمة خبيث وناقل ٍ داه برداه
ويلفها مابين مزحه وجـدّه

الهمهمه والنمنمه والمحاباه
طبع الضعيف وسلم خاله وجـدّه

يبغي المراجل مـير ماهي بوياه
لو لبسوه ثياب ماهي بقـدّه

يابعدها عن ميّت النار بعداه
ماهي بحول مكبرين المخـدّه

الحرّ حرّ ويجذبه طيب مجناه
وينومسه فعله على كلّ هـدّه

والنذل تعرف صبغته من مخاواه
في (مـرحـبا) ودّه ولا هو بودّه

محد ٍتخيّرله رجال ٍ منقّاه
لاشك لاشفت أبيض الوجه بدّه

تحدّك الخوّه على اللي تحاشاه
وعزّي لمن سود الليالي تحدّه

ماينكر المعروف والطيب والجاه
الاّ الردي وأهل السلوم المصدّه