يـــــــــــــا صــــــــــاحــــــــــــ بـــــــــــــي كـــــــــــل(ن)ســـــــــ رى

[تاجر مواشي]

اغنام - ابل - دواجن - طيور

بسم الله الرحمن الرحيم

السلام عليكم

هذي ابيات كتبتها جديده

ويهمني جداً رأيكم فيها واتمنى ان تحوز على رضاكم


يقول:



يا صاحبي كل(ن)سرى في درب ما يبخص مداه............والناس تجهل وش تبا تجني بعد غرس الشجر

الله عطا خلقه عقول(ن)راجحه كل(ن)عطاه............وشمس الحقيقه ساطعه واشد من شمس الظهر

ناس(ن)تهيت زرعها وتقول ربي في سماه............بيمدها ويعينها مادام هو رب البشر

لو سمعه الجاهل يبا يفجر وخلاقه عصاه............ويقول ربي يغفر الزلات في يوم الحشر

دام السحايب ما نشت وشلون يا شيخ الدهاه............وشلون تستبشر تقول الليل هذا به مطر

لو قيل ورعك يعمل المنقود والله ما نهاه............بيقوله درب الفخر واقول ذا درب الفقر

ولو شاف له رجال به نخوه يتمتم وش بلاه............لاشك بانه واحد(ن)مرجوج عقله مندمر

والي ما يبخص فالصقر ماهي غريبه لاشواه............ويمكن خساره كيته بالعب من جمر(ن)حمر

واللي تذرى بالبناء واللي تذرى بالعباه............ما ينفعه نصب الذرى والناس مفتاح الخبر

راع الوفاء دايم وفي ولا الردي باين رداه............وريح الزقاير يختلف بالحيل عن ريح العطر

ومن لا تفكر بالدروب اللي تحاكيها خطاه............ويثمن الكلمه ويملك له بعد حلم وصبر

بيضيع ضيعه يا عرب بالعون مخروقه خباه............ويهيم ما يدري عن اللي يكسبه واللي خسر