الله لا يهنيج

[حواء غرابيل]

السلام عليكم انا متزوجه من 8 سنين عمري الحين 35 المهم ريلي متزوج علي ...... عندي 3 يهال يابنات والله عيونه زايغه وكل يوم يتناجر معاي على اتفه الاسباب مو معطيني حقي انا مو مقصره معاه بس من اول ماتزوج وهو على هالحاله لمن تزوجت يعني باول الايام كان مدلعني والكل حاسدني عليه وخاصتا بنت عمه ودايما تتصل عليه ودز له مسجات حب وغرام هي مو ياهل هي شكبرها عمرها بنص الاربعين هو اول شي ماكان مهتم لها وهي كل يوم تتصل له وتقول له شتبي فمرتك وتطلع علي حجي ماقلته ولمن رحنا الشاليه دعمتها سياره وبس انا وريلي اللي كنا قاعدين لمن ريلي سمع صوت راح لها وقالي روحي دارج المهم وداها المستشفى وقعد معاها طول الوقت يحاتيها جنها مرته وانا عدمي ووجودي واحد قعد معاها يومين انا ماكانت اعرف وينه هي وياها المقرودة المهم لمن طلعت ورحنا البيت صار مو طبيعي معاي ودايما برا البيت مو من عوايده وهواشنا زاد لدرجة ان في مره طقني وطردني من البيت رحت بيت اهلي وخذاني مره ثانيه طلع عذر بس اسبوع بالكثير بعدها صارت هوشه ومد ايده علي وكنت حامل والله اني ماسكت وقلت حق اهلي يطلقوني منه بس اهلي مارضوا لانه خذاني من البيت مره ثانيه بعدها تزوج بنت عمه وقعدها ببيتي وقال لي اذا تناجرتي معاها راح اخليج بيزه ماتسوين ودايما وياها وبالزوارات تقط نغزات شكبرها والله ودايما لمن تشوفني وراها وهي مع ريلي تمسك ايده ورومانسيات وهي قاصدتها لمن اكون بداري وهما بدارهم تطلع اصوات واهات جنه البيت بيتها بس تبي تحرني وهي كان عينها على ريلي اليوم انا تناجرت مع ريلي بسبتها كانت تتنسى بماي ورد ومادري ليش تناجر معاي قالي والله اذا صار فيها شي بخليج بالقاع وكلمات مالها معنى والله تميت ابجي على حظي والله نفسيتي تعبانه يعني بعد هالعشرة يخون ويعاملني معاملة خايسه ماقول الا حسبي الله ونعم الوكيل فيه وفيها