61 نجديه بالفحل مولدات ودفيع مقربات لأعلى سوم مجزي

[تاجر مواشي]

اغنام - ابل - دواجن - طيور

بسم الله الرحمن الرحيم

السلام عليكم ورحمة الله وبركاته

اخواني اعضاء المنتدى وأهل السوم الصامل فقط

اعرض لكم هذه المره غنم نجد عددها 61 رأس مع الفحل وسوف اذكر لكم تفاصيلها

17 رأس مولدات وتحتهم 17 مابين رخل وخروف اكبرهم ذبيحه واصغرهم ابو 10 ايام

و 43 دفيع وقريبة ولاده لأن اغلبهم نازله ديوسها وان شاءالله ان الولاد فيهن متتالي والله اعلم

الغنم انا شاريه مراح واحد لم يدخل فيه اي شركه حتى الفحل من عيالهن وكلهن بنات بعض

اسناهن متفاوته واشباب شرط والعوده تطلع برا البيعه وهذا شرط

احوال الحلال فوق الوسط وزينه ماعدا خمس جايرن عليه الزمن والأن يوم لقن العلف كل يوم يتغيرن بنظري ولله الحمد

والحلال سليم من جميع العذاريب .. والديوس سلم ماعدا وحده اشوفها ياميلا ( ديلا ) او انها شقا والزبون يتأكد بنفسه

والفحل طيب وفوق الطيب وانتاجه الموجود معهن الأن وسنه يارباع ياسدس

ان كاني نسيت شيء من التفاصيل لا يردكم الا الأتصال بأي وقت وانا ابين الناقص والبيع بعد الشوف والحوف والمشاوره والله يكتب اللي فيه خير

والبيع سمح بمشيئة الله بس عطو الحلال حقه وابشرو باللي يرضيكم ولا يسوم الا الصامل رجاء خاص

الموقع للمشاهده / القصيم ــ دخنه ج/ 0504154793 ابو عمر

النقل والسعي على المشتري في حالة البيع



http://www.****************************************/d3/up13307295611.jpg (http://www.****************************************/)


http://www.****************************************/d3/up13307295612.jpg (http://www.****************************************/)


http://www.****************************************/d3/up13307295613.jpg (http://www.****************************************/)



صورة الفحل


http://www.****************************************/d3/up13307295614.jpg (http://www.****************************************/)




مقطع فيديو


http://www.youtube.com/watch?v=74PeU...ature=youtu.be (http://www.youtube.com/watch?v=74PeU60Bvt8&feature=youtu.be)