كبسة ضبان تجنن (( بالهناء و العافيه ))

[السيف]

بسم الله نبداء

http://www.eqla3.net/Majallah1/majall3.jpg

هاهو في البر يصول و يجول و نحن في الددسن اليه نحول

http://www.abuharon.com/dobang4%20.JPG

المسكين ما يدري ان حوله سكين :D

http://www.abuharon.com/dobang1.JPG

بعد ان تمت عملية الذبح ارتمى السكين بجانب العكره ليأخذ قسطا من الراحه

http://www.abuharon.com/dobang3%20.JPG

عملية غسيل البطن واخراج قطع الغيار الأصليه


http://www.abuharon.com/dobang6.JPG

بيض كلون الذهب وكبده تثير العجب وسلايق تنتظر اللهب

http://www.abuharon.com/dobang2%20.JPG

كبسة احلى من المفطح تخلي الواحد عقبها يتسدح

http://www.abuharon.com/dobang7.JPG

اليد الوحده ما تصفق عشان تسذا يلزمنا واحد نفر مغرفه

و بالهناء و العافيه

اخوكم / الموقع ادناه

|4|

[ابونوال]

هههههههههههههههههههههههه

الله يرجك ياالسيف

تصدق بمرك وبطلع انا وانت وسنايدي ونروح للحدود يمدحون الضبان عند الصاروخ اللي طاح عند ........... المهم انا اللي في السياره ولا فيه امل انزل

تحياتي

ابو نوال

[مفرح بن مناحي]

ههههههههههههههههههههههههه هههههههههههههههه

بصراحة يا أخوي السيف ذكرتني أيام زمان ....

كنا نطارد الضبان ..

وشكلي برجع للهواية ....

الله يعطيك العافية على هالطبخة ..

وعى قولة حسحس يمي يمي يمي :)

تحياتي لك

أخوك .. سهم المنايا

[قوت القلوب]

يوووووووماااااااااااااااا ااااااه لحقي علي








يمه يخوف يلوع الجبد الحمد لله




والله اكره الضب لان سبب لي عقدة الخوف






قبل لما كنت صغيره لما سافرنا للسعوديه رحنا لناس نعرفهم واول ماوصلت عند باب بيتهم وانفتح بوحهي الباب ومالقيت الا واحد شايل بايده ضب كبير ومقطوع راسه ومتعلق بالجسم بواسطه الجل وذيله يلف وينووووووس وانصي صحت ذييييييك الصيحه واول مره يغمى علي هئ هئ هئ هئ هئ هئ هنئ هئ مسكينه كان عمري 7 سنين









يسلموووووووووووووووووووو على الصور الي يقول فيلم رعب يمه






سي يووووو

[أبوعبدالرحمن]

وااااااااااااو

بس لو هو برست ضب

كان لا تقول

[مجروحة الزمن]

اول مره في حياتي اعرف ان الضب ياكلونه

الله يزيد العمه


ما الومج يا قوت اذا لا عت جبدج


علي العموم يا سواف مشكور علي الغدا ولا العشا

الله العالم

[بحـــ ـ ـ ــار]

وش عندة شيف السيف



كل يوم طالع بطبخة جديدة



طيب أبي رز أبيض مع الجرابيع لو سمحت



يسلمووووووووووووووو

أخوك
بحار الخليج

[مخاوف قلب]

يععععععععععععععع


ماتوقعت اللي جوا كذا




وشو ذا؟؟


تاكلونه كله؟؟؟



ردوا علي بسرعه عشان امهد لحفل اعتزالي اكل الضب قبل مايدخل فمي



صي يوووووو

[السيف]

حياك الله

انت تعال بس و ما يصير الا الخير

و بخصوص الضبان هالأيام كثار و اذا ما لقينا هناك نروح نصيد عند الجيران (^_^)

كل يوم تعال مرورك يسعدني

اخوك / الموقع ادناه

[السيف]

اسمع

انت افصخ نعولك ( تكرم )

و عض ثوبك

و تعال انا معاك انواع التفحط ورا الضبان

(^_^)

اخوك / الموقع ادناه

[السيف]

هلا والله عليكم السي يو

و بخصوص صورة الضبان بالله خفتي ؟؟

فيه احد يخاف من ضب

اجل لو شايفه وجهي وش يصير فيك

(^_^)

اخوك / الموقع ادناه

[السيف]

لا هاذا غداء

برست ليل هاذا للعشاء

احب اتعشى اشياء خفيفه (^_^)

اخوك / الموقع ادناه

[السيف]

ليش وين ساكنه انتي بحفره

ما تدرين ان الضب ينوكل

اجل شرفينا يوم حياك

و انا بوكلك ضب لين ما تعجزين (^_^)

اخوك / الموقع ادناه

[السيف]

صراحه ما عمري كليت جرابيع ولا احبهم

بس وماله يجي يوم نتعلم هالطبخه (^_^)

اخوك / الموقع ادناه

[السيف]

هلا والله

miss / صي يو

يالله حيوه

ايه ناكله كله اجل نصه

هاذا ضب مو لعب

هاذا اثمن من الكيوي و الكاكا اذا ما تدرين

تعالي بس وذوقي الكبسه وربي لا تاكليني معه

اخوك / الموقع ادناه

[البرنس]

بصراحه شكل الكبسه مغري بس تدري ليتك عاومنا من زمان الله ننتظر عزيمتك الجايه

بس ياليت تبعد عنا الناس الياي الى ما تحب تشوف شكله

والا تدري اصبر لين يجي عيد ميلادى اقعد يا الرمنسي

ونحط العشا ضبان

خهخهخهخهخهخهخهخ


د / برنس

[][*+عجــايب+*][]

أقووووووول


يازينها من صور




ويازينها من حركاااات




تصلح لمطبخي




الله يعطيك ألف عافية على هالموضوع الحلوووو


تقبل تحياااااتي المقررررررمشششششة دائمااا

عجيبكووو بيكوووو

[الأميرة الناعمة]

عووووووووووووووووووووووع

واااااااااااااااااااااااا ااع ايش القرف هذا

يسلموووووووووووووو على هيك مفطح مقرف

سوسي

[بدر]

يمي يمي يمي

سيلت سعابيلنا .


الله يحوم كبد العدو ..



ياخي جيبوا هرفي .. وإلا نعيمي .. وإلا على اقل الايمان .. دجاج..



بس صراحه انا امووووووت بالارانب .. انا السبب الوحيد في انقراضها . وخصوصا لما تقعد تعلن ام امها بالسياره طرد . بعدين تعطيها كم طلقه بالقلب ..
يوووووووووووووووووووووووو ه


اقعد اتمزمز فيها انا .


ثانك يو


بدر

[السيف]

حياك الله

ما كثر الله الا الضبان

انت تعال و لك علي هالحين افحط بهالبر لين ما اصيد لك واحد

و بخزنه لين الكرسمس حقك

ابشر ولا يهمك

اخوك / بابا نويل

[السيف]

ولو

احنا حاظرين

سوينا لك طبخه في قسمك اسمها

تعلم الطبخ مع السيف

وهي عباره عن تشيز كيك

لا تفوتك (^_^)

اخوك / الموقع ادناه

[السيف]

علينا وععععععععععععععععععععع

ايه هين

شكلك من الي ياكلون كل شي

بس يعنني متمدنه (^_^)

شكراً لمرورك و صدقيني اسعدني

اخوك / الموقع ادناه

[السيف]

ولا يهمك

نجيب لك ارانب

و اذا تبي نسويها مع ملوخيه خاضرين

كم بدوري عندنا (^_^)

اخوك / الموقع ادناه

[زمان الصمت]

لا تعليق فيها بيض ضبان


يمدحون بيضه مقلقل بزبده بالبر وأذوقها سعد الغالي


تستاهل براطمك ياقدع :confused:

[السيف]

:rolleyes:

ميرسي مع اني ما اعرف معناها بس شكلها كلمه زينه

المهم خلاص عاد مو كل صيف تغبرين علينا بغبرتك

و انتي تطاردين الضبان بعدين يكفي ترين الضبان بتنقرض و السبه انتي

تحياتي يا الدبه

[ياسميناة]

وشو يم يم


وش هالطبخات والله شكله كأنه ضاطور مقعد

وحدة أعرفها تقول انه يقعد هالضب المسكين فيه نبض حتى بعد الذبح

وتقول لابد من وضع حديدة فوق القدر عند طبخه لأنه ينبض هو يطبخ

ووووووووووووووووووووع صراحة أنا لو أشوفه ينبض على النار يغمى علي:o


صراحة أنت شيف تعقد البنات وتتحداااااااااااااااااااا هم...............

[السيف]

لا يا ياسميناه

الضب ما ينبض بالقدر ولا ينحط فوق القدر حديده إلا إذا كان مطبوخ بالطريقه الصينيه

لأنه مثل ما تعرفين الأكل الصيني ما يعتمد على الأستواء الكامل للأكل

لكن هذي الكبسه الي حاطها مطبوخه بالطريقه الفرنسيه

يعني لا نبض ولا يحزنون :D

تحياتي لك يا ياسميناه و تعلمي الطبخ مو هذا كبرك ما تعرفين تسوين بيضه :p

[قوت القلوب]

وااااااع

لاعت جبدي خخخخخخخخخخخخخخخ
اكره اكره اكره شي اسمه الضبان عقب موقفه معاي من 13 سنه

هو سبب لي عقدة الخووووف
هئ هئ هئ :o

[السيف]

قوت القلوب

ما تنلامين والله تكرهينه

و صراحه موقفك الي من 13 سنه اكيد يسبب لأي احد مدمن ضبان عقده من اكله

ولا بالله عليك يا الدبه فيه احد من شدة حبه للضب ياكله قبل الطبخ

لا و تقول ليش عض لساني :)

تحياتي و على فكره بطلي عادة خراط ادري بك للحين مدمة ضبان حتى النخاع

اخوك / السيف

[مازن]

واااااااااااااااااااااااا اااو :o

شكلة لذيذ جــداً :o

ميغسي بوكو ياصديقنا |3|

[جواهر]

سيفوه فهمني ذا وشووو با الضبط


http://www.abuharon.com/dobang1.JPG


وع وع وع وع


عووووووووووووووووووووع

عيديه رهيبه منك

يعني ضااااقت بكم الدنيااا مااا لقيتووووووو غير الزوااااااااااااااااحف



عوووووووووع

[السيف]

وليف الهم

والله المغسي بوكو انت واشكالك

وش انا سويت لك عشان تغلط علي :(

كنت احسبك صديقي الحين تقول عني انه انا مغسي لا و مو مغسي بس و بوكو بعد

الله يسامحك :o

[السيف]

علينا يا جواهر

علينا هالكلام

اخبر اكلتك المفضله ضب محشي جربوع مقلي

الحين مدري وش فيك تغيرتي

و صايره تاكلين بيتزا :confused:

بس تبين الحقيقه كني اشوف اللعاب يسيل من الشوق لأكل الضب :)

تحياتي

[جواهر]

سيفوه ما جاوبت وشو المتلوي اللي طاااااااااااالع من بطن الضب ييييييييييييييييع:cool:

ووووووووووووووووووووووووع


يارب لك الحمد

[السيف]

لا يا جواهر ماني معلمك الضب مأمني ما اعلمك وش طلع من بطنه

هذا سر خاص بيني وبينه :p

[جواهر]

ياااا أمين


طيب ما اعلم أحد;);)
هههههههههههههههههههههههها ي

[السيف]

لا خلاص طلع الموضوع من يدي

:confused:

[جواهر]

السيف عسيب يسلم عليك


ويقول علمني وشو اللي طااالع من بطن الضب هههههههههههههههههههه



يمه :cool::cool::cool::cool::cool:

[السيف]

اول كنت بعلمك

و هالحين عاد مستحيل اعلم :p

[بدر]

لا تعلمونها .

عشان يطلع بولدها شامه . كبر وجه عسيب ..

هههههههههههه

ياويلي يالسيف سيلت سعبولتي الي من زمان ماسالت ..


اقول ماودك نشكت بالصمان ..وإلا بالبياض.. نعلن ابو جد الضبان ..



بدوووري

[قوت القلوب]

كاتب الرسالة الأصلية السيف
هلا والله عليكم السي يو

و بخصوص صورة الضبان بالله خفتي ؟؟

فيه احد يخاف من ضب

اجل لو شايفه وجهي وش يصير فيك

(^_^)

اخوك / الموقع ادناه

وانا من اليوم اتكلم هندي؟؟؟؟؟؟؟؟؟ظ


اقول لك طلع بوجهي واحد من اهنا كان ماسكنه وطالع من بيتهم وانا توني داخله في بيتهم تقالبنا فجاه عن الباب انا داخله وهو طالع والض بيده
اول مره اعرف الغماااااااء:o والخوف
وين الموقع ادنااه
اسمك كل عام وانت بخير....؟؟؟؟؟؟:)

[السيف]

بدوري

قداااااااااااااام انا ما اقول لا ابد

دام السالفه فيها ضبان و كشته انا خويك

بس اقول قل لأبو نوال يجي معنا ولا ينسى سداح :confused:

[السيف]

قوت القلوب

يعني كل هاللويه تبين تفهميني انه انتي خفتي من الضب مب هو الي خاف منج :)

والله لو تعجزين ماني مصدقج لأني متأكد انه المسكين خاف و اغمي عليه من وجهك :p

تحياااااااااتي :confused:

[قوت القلوب]

:o:o:o:o

[السيف]

:p

[ميرال]

اشعر با الغثيان

[السبيــــــــــــــــــعي]

أخوي السيف

ما ألقى عندكم مظغوط

ضبااااااااااااااااااااااا اااان


أقول الله يذكر زمان أول

كان أبوي كل شوي ياخذني معه للبر

علشان نصيدهاااااااااااااااااا

تصدقون ذبحني الجوع بقووووه

الله يرجك
ترانا صيااااااااااااااام

[بغداد+الأمجاد]

ياربلك الحمد بالله تاكلون ذا بس قولو لي وش طعمه

[المشاعر]

السلام عليكم والرحمه

مشاءالله وش هالكبسة
http://www.abuharon.com/dobang7.JPG

ياااااااااااانا وديبه لي مده ماذقته

<<<<<<<<تشوف الصور وتتذكر ايام الدوادمي

مشكور اخوي على الصور

[بغداد+الأمجاد]

ياهو أسألكم من جد وش طعم الضب

[ميرال]

http://www.abuharon.com/dobang7.JPG



شكلها لذيذ
اللهم اني صائم


طعم الضبان>>>زي الدجاج
بس مع شوية مضغ