الطريقة الأصليه للدجاج بصلصة الكاجو بالصور

[حواء غرابيل]

(الحمدلله حمدا كثيرا طيبا مباركا كما ينبغى لعظيم وجهك وجلال سلطانك).






السلام عليكم حبيباتي


====


اليوم أشاركم باذن الله بطريقتي بعمل دجاج(دياي)بصلصة الكاجو( الكازو)، طريقتى حدها تقليديه معروفه بالهند.


بسم الله نبدأ




ملاحظه: اللى تبى تنقل الموضع بالعافيه عليها بس ياليت تذكر المصدراسمى واسم المنتدي، موحلوه كوبى وبيست علطول.




*الدجاج يكون منظف وتشيلين الجلد وتنظفينه عدل وتقطعينه بأحجام صغيره مثل ما أنا مسويه( انا علطول اشيل الجلد بكل طباخى ما عدا المجبوس )




http://up2.q8yat.com/uploads/images/q8yat-9f35479493.jpg (http://www.q8yat.com)






راح نحتاج معجون طماط/ كازو(كاجو) مطحون ناعم/3 فصوص ثوم مفروم/ حبتين طماط بالخلاط مهرووسه
اصبع زنجبيل مفروم/نص شدة كزبره مفروم/علب فلفل حار مفروم منزوع البذور/بصله كبيره مفرومه.


http://up2.q8yat.com/uploads/images/q8yat-fdd557da9e.jpg (http://www.q8yat.com)




البهارات/م ك خردل/ 2 م ك جرام مسالا/م ص كزبره ناعم/م ص كمون ناعم/ أوراق الكاري خضرا/


م ص كركم/ ملح حسب الرغبه/ 5 م ك زيت نباتي.






http://up2.q8yat.com/uploads/images/q8yat-bbfdde091f.jpg (http://www.q8yat.com)




تحطين الزيت بالمقلاةوتحطين حبوب الخردل مع أوراق الكاري الخضرا راح تشمين ريحه أوراق الكاري روووعه وتسمعين طرطشة حبوب الخردل ضيفى بعدها البصل المفروم وقلبى لين يذبل البصل.




http://up2.q8yat.com/uploads/images/q8yat-bc862b6179.jpg (http://www.q8yat.com)




ضيفى بعدها الزنجبيل والثوم المفروم وحمسى شويه، بعدها ضيفى الفلفل المفروم لين تتجانس المكونات مع بعض.


http://up2.q8yat.com/uploads/images/q8yat-20a7d89be1.jpg (http://www.q8yat.com)


بعدها ضيفى بهاراتج وحمسى .




http://up2.q8yat.com/uploads/images/q8yat-ea0970a453.jpg (http://www.q8yat.com)



هالمرحله نضيف الدياي ونحمس ونغطى الغطا لين الدياي يطلع الماى ماله، راح يصير بالهشكل.


http://up2.q8yat.com/uploads/images/q8yat-d20b1166f6.jpg (http://www.q8yat.com)




بعدعشر دقايق نحط الطماط المهروس بالخلاط ونقلب مع الدجاج.


http://up2.q8yat.com/uploads/images/q8yat-99fe9d61d9.jpg (http://www.q8yat.com)




بعد 5 دقايق ضيفى معجون الطماط وحركي بعد.


http://up2.q8yat.com/uploads/images/q8yat-9933a7572d.jpg (http://www.q8yat.com)


وبعدضيفى كوب ماي ساخن، وغطى المقلاة لمدة نص 20 ساعه على نار هاديه جدا


http://up2.q8yat.com/uploads/images/q8yat-a2d5f66a0c.jpg (http://www.q8yat.com)


اهنيه تكونين مذوبه الكاجو مع نص كوب ماي وتخلطينه بالملعقة


http://up2.q8yat.com/uploads/images/q8yat-9f765e274e.jpg (http://www.q8yat.com)


بعدثلث ساعه شيلى الغطا راح يطلع معاج الدياي بالهشكل.


http://up2.q8yat.com/uploads/images/q8yat-08fa420a06.jpg (http://www.q8yat.com)




بعدها حطى الكازو المذوب بالماي على الدجاج راح يعطيه طعم لذيذ مع كثافه،وغطى المقلاة لمدة ربع ساعه بعد.


http://up2.q8yat.com/uploads/images/q8yat-db2706fd74.jpg (http://www.q8yat.com)




اهنيه نقدمه ونزينه بالكزبره المفرومه




http://up2.q8yat.com/uploads/images/q8yat-ad50bef68a.jpg (http://www.q8yat.com)


ونقدمهم مع العيش أو الخبز وهنى وعافيه عليكم.


http://up2.q8yat.com/uploads/images/q8yat-75162276f7.jpg (http://www.q8yat.com)