@( تعالوا عندنا جلسة مع القاضي !! نبي نحل قضايانا ،، لاتغيب تكفى نخيتك حضورك لازم )@

[تاجر مواشي]

اغنام - ابل - دواجن - طيور

السلام عليكم ورحمة الله وبركاته ،،،

مساء الخير والمسرة للجميع ،،،

اعود اليكم ولكن اتمنى ان العود احمدُ ( آمين يارب ) 0

حروفي هذا اليوم حتماً ستكون مختلفه تماماً عن ما سبق (( كيف ذلك ؟؟ ))

اردت من خلالها ان اضعكم فيها واشرفها بذاتكم عبر تصوير وجداني بريشة

المحبة في الله وبيد الاخوة فيه سبحانه 0

فكانت هي واكتملت بعقد شخصياتكم الموقرة رغم اننا نتعامل من خلف الشاشات 0

فأنا لا اجد لثقتي بطيبة انفسكم حد ولا لوم طالما اننا هنا نتواجد بدون مرتبات او

عوائد ربحية بمجرد اننا تواجدنا بغض النظر عن اساسيات انشاء هذا الصرح الذي

انشيء خصيصاً لخدمة اهل الحلال والمربين وهذا ليس محض اختلاف بل مصدر عز 0

اردت من خلال قصيدتي هذه ان يجد كل واحدُ منكم نفسه فيها ، لالسبب الا لأنني اسعى

جاهداً ان اواكب ما انتم عليه من محبة وصدق وتآخي رغم يقيني التام بقصوري الواضح 0

ولعلي سأطرح القصيدة امامكم بتصرف وطريقة ربما تحلوا لي كثيراً عن غيرها 0

تتكون القصيدة من ثلاثة مشاهد :

المشهد الاول / عبارة عن مقدمة متواضعة وتمهيد لما سيليه من مشاهد 0

المشهد الثاني / اذهب بصحبتكم الى قاضي القضاه بكل مافينا من متاعب هذه الدنيا

واختلاف آهاتنا وتنوع رغباتنا وكثرة مطالبنا لكي اصل بكم ومعكم ولكم الى ماقد يضيف

الينا شيء من الراحة والاحساس بالنفس التي ربما اننا قد نسينا ماهي عليه فيكون التصحيح

والعودة الى الذات المؤمنة والنفس الرضية0

المشهد الثالث / اختتم فيه لقائنا مع القاضي بطلب ورجاء ان يمتدح فينا صراحتنا ويبصم

لنا بأصابعه العشرة اننا شجعان وقادمون على التصحيح وكنا نعم الصابرين على بلوانا 0

والان اترككم مع القصيدة والمشهد الاول :

عشان يكون لوجودي اثر واكون كفــــــــــــــو له

جلبت من الدرر بانواع وقصدي نفعة القـــــــاري

وانا ادري ماني لحالي اعوم البحر وانـــــــزل له

معي في المنتدى اقلام تصوغ الفكر وتمـــــــاري

تشوم وقدرها محشوم ولاني صاحب الزلـــــــــة

وبديت اتعب عشان ان الهقاوي تفرض اشعاري

ولقيت بمنتدى اغنام ،،، شياً يبري العلــــــــــــة

ولا ابغى شرهة ٍ تضوي على التصوير وافكاري

وعشان اني نويت امتاع حضرتكم وانا اجلــــــه

عزمت اعزف لكم وصلة بلحن الشام وحـــداري

بســوي عن جميـــع همومكم وافكاركــــــــم دلة

تقهووا لين يلقى كل واحد منكم اشــــــــــــواري

وانا ماني بنا لاقلت انا ياحضرة الشلـــــــــــــــة

انا في القاف يعني انتم وانا من غير ما نـواري

بشوف اقلام تسعدني ليا مرت على الحلـــــــــة

ولابي غير متعتكم وربي الخالق البـــــــــــاري


المشهد الثاني :

تعالوا عندنا جلسة مع القاضي بنرحلـــــــــــــــه

وموعد جلسته مخصوص مقنونة بمعيـــــــــاري

وبعد جينا سوى في مكتبه هالصوت ياصلـــــــه

وكيل لشخصكم شرعي وصك موكلي جـــــاري

انا ياحضرة القاضـــي احج البيت وادّلــــــــــــه

واصوم الفرض واصـلي والآهي خابـر وداري

انا ياحضرة القاضي يتيم الاب في حلــــــــــــــه

ضلمني عمي الضالم طفا نيران بوجــــــــاري

انا ياحضرة القاضي صويب وطاح من علـــــه

وادور من يشاركني همومي وياخذ اخبـــــاري

انا ياحضرة القاضي جناح لطير لاتلـــــــــــــــه

اقول لحضرته تمين ماهو تم واجبـــــــــــــاري

انا ياحضرة القاضي سجين ومات من غلــــــه

يحاول يثبت صحوحه ومات بحســـــرته داري

انا ياحضرة القاضي اسير بحرب معتلـــــــــــه

ادور من يخلصني وفا لو ياخذ بثــــــــــــاري

انا ياحضرة القاضي صدوق طبوع وجبلــــــه

اضيع بزحمة الكذاب لا منه غدا عـــــــــــاري

انا ياحضرة القاضي خبير المزح والفلـــــــــه

ابدد ضيقة اصحابي ،،، يدور ضيقتي جـــاري

انا ياحضرة القاضي ذبيح الحب من خلــــــــه

وانا ادري طب حالاتي صعيب ٍ كله اعـــذاري

وانا ياحضرة القاضي احب الشعر لاسلــــــــه

بخيص وجاب ببيوته معاني جات بضيـــــاري

وانا ياحضرة القاضي تعبت بشوفة الخلــــــة

احاول ما اخسر اصحابي واقول الوقت غداري

انا ياحضرة القاضي رسمت بلوحتي فٌـــــــــلة

وطاح السقف متهالك وهـــد السور وجــداري

انا ياحضرة القاضي زرعت بتالي العَلــــــــــه

ورجيت حصول محصولي ولكن راح فغبـاري

انا ياحضرة القاضي عديم الكــــره والغِــــــلة

اسامح ناس لو اخطي ابد ماتقبل اعـــــــذاري

انا ياحضرة القاضي الم في هيئته طلــــــــــــه

تبين عكس مافيه ولو اني على نااااااااااااااري

انا ياحضرة القاضي ذنوبي جيوش محتلــــــة

بحاجة من ينقذني من الغارات واعصـــــــاري

انا ياحضرة القاضي قصيد حـــــــــروف مبتله

غشاها الصدق من طبعي ولا يبغا لها انكـاري

انا ياحضرة القاضي يدين ورجل منشلــــــــــه

تخيل كيف يضربني عديم احساس ويمـــــاري

انا ياحضرة القاضي اسد في وقفتــــــــي والله

اضد الضد لكني سريع العفـــــــــــــــو واداري

انا ياحضرة القاضي تعبت شروح مملـــــــــــه

تحمل شكوتي دامي لفيت لكمتبك ضــــــــــاري

وانا ادري مانت فاضي لي تشد اوضاع منحله

نخيتك لاتعذرني !!! تراني جيت منهـــــــــاري


المشهد الثالث :

والا يالقاضي المطنوخ ،،، تعقد الحبل وتحـله

بركت بكامل حمولي ولا غيرك لي مـــــــداري

لفيت لمكتب مقهور وعزفت لحشمتك وصلـــه

ابي التوقيع بالعشرة !! بعد ماتاخذ بثـــــاري


وسلامة تسلمكم جميع من كل شر ومكروه اللهم آآآمين

( ابو هليبه )