مصيبتي بزوجي

[حواء غرابيل]

السلام عليكم



آآه فيني غصه وضيقه مايعلمها الا الله

زوجي اعتبرته ابوي امي واخوي وزوجي وحبيبي
وعشت معاه سنتين من اجمل سنين عمري
رجال محافظ علي صلاته بالمسجد وقيام الليل مايفوته لا بسفر ولا بتعب اقل شي ركعتين حافظ من القرآن ست اجزاء ويراجعهم دايم

ويحبني ويقدرني ومهتم فيني وبيتوتي وواصل بأهله
والله لو امدح فيه ما يكفيني موضوع
وكل شي فيه حبيته وتعلقت فيه ودايم ابجي وانهار واقول شلون اقدر اعيش بدونه



وقبل اسبوعين اهديته اي باد
وعلى فكره مايحب الانترتت ولاعنده اي وفون او بلاك بيري ولا لاب توب
وفرح وتضايق بنفس الوقت قالي مشكوره عالهديه ولو اني ماحب هالسوالف تشغلني حيل
وخلال الفتره اللي فاتت يستخدمه بتصفح الجرايد


ومره كنت طالعه وهو بالبيت ورجعت وهو طلع وكان متسبح وانصدمت بكلينكسات مبلوله (طبعا فهمتو)
ولما جا بالليل وشفت الاي باد والا مقاطع من اليوتيوب كان يطالعها
انهرت وقعدت ابجي وماكنت بصارحه لاني مصدومه ومنحرجه افتح الموضوع انا اشياء بينا استحي اتكلم معاه فيها
قعد يحلفني اقوله سبب ضيقتي وعلمته


وتأسف وقالي انا استغفرت الله قبل لا اعتذر لج لاني عصيته
وهذي عاده كانت معاي بالمراهقه عشان جذي ماحب الانترنت ولا احب استخدمه لان الشيطان يجرني لهذا الشي
وانتي زوجتي واحبج وابيج تساعديني اتخلص من هالعاده وترا اول مره من تزوجنا سويتها انتي ماليه عيني ولا
اشوف احد غيرج



انا اعرف زوجي دايم صادق وصريح


بس انا مجرووحه حيل
خصوصا اللي بالفيديو اجسامهك حلوه حيل :eh_s(2):وانا جسمي عادي قمت اشك بنفسي بعد ما كنت واثقه من نفسي
من تزوجت عمري ماشكيت منه لأحد
وخايفه اقول لاهلي ياخذون عنه فكره وهو ابو عيالي واحبه
ومتضايقه حيييل نفسيتي تعبانه

وكتبت لكم ابيكم تنصحوني وتواسوني وجزاكم الله خير حبيايبي