ياذابــــــح الورعان ؟؟؟ ديكن ولد ديك

[مقبول الشيباني]

بشار عقب المذبحه ويش اسميك=ناصر لدين الله والا معادي
في ذمتي انك خاسرن والبلا فيك=شخصيتك مرضانه وصرت سادي
مبدى الامر ندعي عسى الله يعافيك =ويوفقك درب الهدى والرشادي
نحسبك ماتظلم ودايم انبريك=ونقول هذا عارفن للمبادي
وثرك جزارن ولافيه تشكيك=وجهك من افعالك غطاه السوادي
رميت شعبك بالسلاح التماتيك=ورشيتهم كما يرش الجرادي
انهيتهم يامجرم الحرب بيديك=ياكم ذبحت بكل حين او وادي
شفنا الجثث متشوهه من تماديك=منظر يحرم العين حلو الرقادي
ياذابح الورعان ما اكبر بلاويك=وشلون تقتل واحدن فالمهادي
امسلحن شبيحتك بالبلاجيك=وفعايلك يثور منها الجمادي
طبايعن للعود الاول امضريك=فعله قديم ولك افعولن اجدادي
على القمع والحبس اثاره امربيك=والكارثه في كل يوم ازديادي
منته بسد والصدق ديكن ولد ديك=مامنك للاسلام عز ومفادي
والشله اللي ساندتلك وتعطيك=رئيس حزب ابليس واحمد نجادي
ودوك يالمنكوب درب التهاليك=وتوك دريت انك ياحجلان غادي
تبا تعدل مار ماعاد يمديك=طرف ارقبتك لسيوف الحدادي

[أنـ الذكريات ـين]

مقبول الشيباني..

صح لسانكـ..


و الله يرد كيد من ظلم.. و ينصر الاسلام و المسلمين..


سلمت..


تحيتيـ

[سامي العطاوي]

مقبول الشيباني

صح لسانك ملايين

لاهنت

[مشعل الشايقي]

والشله اللي ساندتلك وتعطيك
رئيس حزب ابليس واحمد نجادي


يمهل ولا يهمل سبحانه وتعالى

صح لسانك وعلا شانك ياجزل


تحيتي وتقديري

[عبيد الكثيري]

صح الله لسانك يالشيباني ولاهنت كفيت ووفيت

ومثل ماقلت ديكٍ ولد ديك وانا اقول ماهو اسد هذا جعري من جعر العلويين والشيعه

تقبل مروروودي

[أبوعبدالرحمن]

جزله ومن شاعر جزل

صح قلبك وكلك


وسلمت اناملك

تحيتي لك