معاناة وألم ....آآآآه بس وينج يا يمه عني في هاليوم ..

[حواء غرابيل]

السلام عليكم ورحمة الله وبركاته ..

انا فتحت من قبل موضوع عن مشكلتي بس ما تكلمت فيها عدل وبصراحه البنات ماقصروا وساعدوني وكانوا اكثر من خوات لي والله يشهد علي ..

في موضوعي هذا حبيت اقولكم قصتي عشان تكونوا على درايه تامه عن حياتي ..

صحيح قلت لكم زواجي مابقى له الا 3 شهور ..

بس لين الحين ماملجت ..!!

طبعا انا متوقعه الولد واهله بيهجون لانه مصخناها معاهم غير كذا امي متوفيه وماعندي احد اكبر مني انا اكبر وحده في خواتي وكلهم اصغر مني ..عندي اخو اكبر مني متزوج ولا هو داري عنا ولا سائل عنا

وماعندي الا خالتين

يوم جوا الحريم بس وحده جت ..

وتم الموضوع على خير وسلام ...انا لين الحين ماحللت ولا شي حتى الرجال ماجوا ..لانه مو متفقين على موعد الزواج ..

غير كذا انا مضغوطه هالفتره خصوصا احنا هنا في السعوديه سنه تحضيريه ومابي الملكه الا بعد نهايه السنه بس لا حياة لمن تنادي ..

الظاهر كان خاطب وحده من قبلي بدون ملكه ومحددين موعد العرس في شعبان وبعدها تركها هذا حسب تفكيري ..يعني مافي احد يجي الحين يخطب ويتزوج في شعبان ..ولد عمه بيتزوج معاه وخاطب من ذو القعده ..وهذاتوه الحين

طبعا احتمال ارتباطي فيه نص ونص ..

وانا ابي اتعدل ابي احد يفهمني شسوي وما اسوي وماعندي احد الاانتوا فكرت وفكرت اكلم خالاتي عشانيعمون شسوي بعمري بس قلتفشلهوعيب ماعندي احد .لا اختاكبر مني تفهمني شسوي ولا ام مادري شسوي .والله يوم جو الحريم ما سكتت من الصياح اااااااه بس ... احس اني وحيده بهالدنيا وخايفه من زواجي منه بشكل مو طبيعي ...

نرجع الى محور الحديث

الولد مزيووووووووون بشكل مو طبيعي ابيض مثل بياض الثلج اللي يشوفه مستحيل يصدق انه سعودي ..

وانا اللي يشوفني يقول بيضه يعني وجهي ورقبتي بيضه الحمدلله .بس من البطن الى تحت سماااااار مو طبيعي تقولي تكريبه ... لون وجهي ورقبتي وصدري غير والتحت كله غير !! غير الخطوط البيضا اللي في الخلفيه (عذرا ) بس والله مثل الزيبرا صاير شكلي

طبعا الحين اسبوعين الجايين كله مضغوطه في الجامعه .. يعني مافي الا اخر ربيع ابتدي عنايه عدله .

فكرت بخلطه داهيه مطير بس بعد تعديلاتي ..
راح تكون كذا :
كريم جلسوليد
كريم فازلين الموحد للون
كريم الدكوين فور
كريمفيتامين سي
كريم سودو كريم
كريم رتن أي
كريم نيو فيدرم
كريم اليكوم
كريم افالون الابيض
كريم فير اند لفلي الحجم الكبير
كريم ديرموفيت الاخضر

طبعا هالخلطه ان شاءالله اذا قدرت اوفرها راح تكون لكامل الجسم ..
بس المنطقه الحساسه مو عارفه ايش اسوي معها ..والله ما كنت منتبهه لعمري ولا ادري شسيوي ما اسوي لو عندي ام كان علمتني شلون اعتني بحالي ..افكر العنايه بس مكياج
هالمنطقه عندي سوااااد فظييييع ومخيييف والله .. وبين فخوذي ..وهالخلطه قويه على هالمنطقه وماودي اغامر ..
انا فكرت اسوي ليزر فأيش رايكم فيه ...
وفكرت اسوي لي حمام مغربي بس ماعرف وين يبيعون ادواته هنا في السعوديه ..وبالاخص الاحساء وين ممكن الاقيه ؟
غير كذا
انا شعري مع الاستشوار والتضبيط يطلع ناعم بس مفكره بالكيراتين وانا الشعره خيفيه بس هو بشكل كامل لا مو خيفيف وسط يعني ..

والله يا بنات ما تدرون شنو صايره هاتلايام لا نوم مثل الناس انام ووجهي صاير يفشل وتعبان آآآآآه مادري لمنو اشكي همي ..
هالسوالف كلها ماقدر اقولها لاحد ..لاني ببساطه ماعندي احد ..حتى لو عندي ماراح يفهمني ..ابي احد ينصحني يفهمني شسوي انا ماعمري تكلمت مع رجال اخواني واستحي منهم شلون هذا انسان غريب شلونا تعامل معه آآآآآآه والله محتاره ..

آآآآآآآآآه بس دعواتكم لي ..
ادعولي بس يتأجل العرس لانه حتى ابوي مو راضي بالملكه الحين ...
وانا داريه بحظي الردي مستحيل احد يجيني بعد هذا .. هذا وبالموت جا لي ..

عارفه انه الكلام خرابيط بس كل سالفه تطري في بالي كتبتها ..

وربي يعطيكم الف عافيه