غنّو عليها للفرح واضهروها ........................... متشرعه من حولها الورد منثور

[صالح الازوري]

غـنــو علـيـهـا لـلـفـرح واضـهـروهـا=متشرعـه مـن حولهـا الــورد منـثـور

لـجــو غنانـيـهـم عـصـيـر وقــروهــا=والنـاس بالفـرحـات والـكـل مـسـرور

غـنـو لـهـا بالحـيـل لـيــن اطـربـوهـا=وغنت لها الأشجـار والنـاس والـدور

خــل أمـهــا تـفــرح ويـفــرح ابـوهــا=ما احسد هل الفرحات لو كنت مقهور

يـا ليتـهـم فــي مــن تـبـي شـاوروهـا=حتـى تكـون اعــذار ونـقـول مـعـذور

ويـا ليتهـم فـي مــن تـبـي طاوعـوهـا=لو كان فيهـم قلـب واحسـاس وشعـور

ليـش أجبـرونـي بالعـنـى واجبـروهـا=ليش إكتبـو لـي عنـوة سنيـن وشهـور

ليـش احرمونـي فرحتـي واحرمـوهـا=صحيـح راع الشـوق منهـي ومـامـور

إن كـــان ولـيـاهـم عـلـيّـه رضـوهــا=وشلون يرضوها على شيخـة الحـور

نفسـي تراهـا فـوق لــو مــا عطـوهـا=والقلـب عـن كـل الصواديـف ماجـور

الله يـجـازيـهـم بـنـفــس(ن) كــووهــا=والله عسـى يجبـر عـزا كـل مكـسـور

خـلاص بالقسمـه رضـيـت اقسمـوهـا=لا حاذف الطاقـه .. ولا ناقـز السـور



صالح الازوري

[فايز آل بذال]

يـا ليتـهـم فــي مــن تـبـي شـاوروهـا
حتـى تكـون اعـذار ونـقـول مـعـذور

قصيده بها الكثير من الوجع

لله درك يا مبدع

رغم الحزن المبثوث هنا

لك قصيد في قمة الجمال

وموضوع وإختيار جدا شيق

صح كلك صالح

[أبوعبدالرحمن]

هنا نثر للألم

وهنا يبكي القلم


صالح


لله درك


وليس لدي المزيد لاكتبه هنا

[خالد الشهري]

ما أعذبه من بوح وما أقساه

أخي المتألق صالح

كتبت وأبدعت

وجعلتنا نبحر معك في مركب المعاناة


صح لسانك وجبر خاطرك


أسير البين

[سعودعبدالله]

خـلاص بالقسمـه رضـيـت اقسمـوهـا=لا حـاذف الطاقـه .. ولا ناقـز السـور


صح لسان يا صالح على هالرائعه لاهنت



وتقبل تحياتي

[ناصر العبدالله]

أخي الغالي

صالح الأزوري

اسعد الله جميع أوقاتك بكل خير و مسرة

حين تختلط العذوبة ،، بمشاعر الألم

تثور ثائرة الحرف

فتبدع

" صح لسانك و قلبك و لا هنت "

سلمت

لا حرمنا الله تواصلك

و في رعاية الله دمت ،،،

[صالح الازوري]

فايز ال بذال

سلمت ودمت وتحياتي

لشخصك الكريم

دمت بود

[صالح الازوري]

ابو عبدالرحمن

مرورك كافي

ليكسب القصيده

عذوبه

تحياتي

ولا هنت

[صالح الازوري]

خالد الشهري



سلمت ولا هنت


تحياتي وتقديري

[صالح الازوري]

سعود عبدالله



صح بدنك ولا هنت

تحياتي

وتقديري

[صالح الازوري]

ناصر العبدالله




لك جل التحيه

والتقدير

والاحترام

ولا هنت
تحياتي

[فهد بن عبدان]

.


.


الله الله

نص متميز

وشاعر مبدع

صح الله لسانك

ولاهنت






أخوك
فهد بن عبدان




.



.

[السنافيــة]

أستاذي
.

عزفكـ الموجع
على وتين القلب
أنصتنا لترانيمه
الشعرية.. لنحلق في سماوات الروعة
ترانيم
لايمهرها إلا
قلة
فلله در شعر إحتضن
هذه المترفة







أختكـ
السنافيــة

[سلومة العتبان]

صح السانك مليووووووووووووووووون


قصيده رائعة كروعة صاحبها

[محمد السبيعي]

ويـا ليتهـم فـي مــن تـبـي طاوعـوهـا
................ لو كان فيهم قلـب واحسـاس وشعـور


يا ليت

مبدع و مدهش ، ومميز
صح قلبك ونبضك الدافيء

[صالح الروقي]

اخوي صالح الأزوري


صح لسااااااااااانك مليووووووون ولا يكفووووووووون

ولا هنت على هذه الراااااائعه


ولك تقديري

[محمد السليس]

صالح الازورى

صح لسااااانك ياااالذيب وعلااااا شااااانك
جزل كما عهدناك
متابع لروعتك
تقبل تحياتي

[الرهيب]

كنك مكرر الموضوع

لكنها قصيدة جميلة

مانقول الا

صح لسانك يالذيب

الرهيب

[صالح الازوري]

شكرا لكل من مر على القصيده


لكن والله ما كررته

وش حاصل




اتما حذف احداها

[الجوهرهـ]

يـا ليتـهـم فــي مــن تـبـي شـاوروهـا
حتـى تكـون اعـذار ونـقـول مـعـذور


ويـا ليتهـم فـي مــن تـبـي طاوعـوهـا
لو كان فيهم قلـب واحسـاس وشعـور


خـلاص بالقسمـه رضـيـت اقسمـوهـا
لا حـاذف الطاقـه .. ولا ناقـز السـور



صح لسانك
ابداع
قصيده فيها من الوجع مالله به عليم
كلمات معبره وصادقه
تحيه لك
سلمت على هذاالابداع

الجوهرهـ

[صالح الازوري]

الجوهره


شكرا لمرورك العذب

على القصيده

تحياتي