روايه : حبك صعب تفسيره

[حواء غرابيل]

القصه حقيقيه : حبك صعب تفسيره *

شخصيات :*
ايلاف : حلوه ، عمرها 17 سنه ، مو طويله ولا قصيره ، بيضه بياضها مو طبيعي والكل يحدها علي عندها غمازات ، شعرها قصير وكستنائي ، طيبه ، قلبها نظيف ، ماتحب احد يجرحها وتكره شي اسمه [ .. خيانه ..]*
نوره : حلوه ، 17 سنه ، ضعيفه على كثر ماتاكل ماتمتن ، طوله حلو شعرها الاسود كل البنات يحسدونها على سواد شعرها طيبه فصصصصله اقوئ شي
هاجر : *عمرها 17اهيااا عكس نوره جسمها زين مو متين ولا ضعيف بس اهيا نظامها تحب يكون جسمها مثالي وحلو وتحاول تخلي جذي سنين بس مافاد معاها بشي عندها غمازات حلووه مو طويله ولا قصيره اهيا عجميه دخلت مدرسه داخل ديره عشان ابوها رجل اعمال غني ومظطره تدخل مدرسه خاصه ولا اهيا مو عاجبها الوضع .. حبوبه وفصله وموزين هاجر ونوره يجتمعون =))"*
نوف : *عمرها 18 سنه حبوبه مززززيووونه بس قلبها الابيض الي عاميها من تشوف ناس زينه وعبالها الكل مثلها عندها غمازات واااضحه وتهبل حنطاويه | سمره | بس سمارها حلو طوله حلوو وشعرها الاسود يقهر البنات ( نفس نوره ) بسس شعر نوف أنعمم من شعر نوره شعرها حرير [ مشاءالله ]
دلال : *عمرها 17مغروره جمالها عادي عبالها الكل يحبهاا شايفه نفسها محد يعاشرها عشان خيانتها عندها طبع محلو فيها انها خاااينه يمكن تغدر فيج بأي وقت تلقونها دايماً بصالونات تجدد جمالهاا المصطنع تخفي حقيقتها ورا فيسها البريئ < يارب ماتشوفون من هناس بحياتكم
دانه : *عمرها 18 سنه حبوووبه وبيضضضه وتهبل تهههبل معنى الكلمه فصله اقوى شي وماهماا الي تحجى من ورها شخصيه حلوه لدرجه ماقدر اوصفها ومو عارفه اوصفها لكم ( اتمنى تعجبكم شخصيتها) ..*
ساره : *عمرها 16 سنه تهبل بس عندها طبع خايس كبرياااائها مايسمح لها انها تعترف بلغلط شخصيتها حلو وماقدر اوصفها لكم لان صاحبه القصه ماتتذكرها =)) "*
افراح : 17 سنهبدويه تهبل وانتوا تعرفون شلون جمال البدو تحسين مشالله جمال خليجي انتقلت ( نفس طريقه هاجر )*
مرام : عمرها 17 سنه تهبل حبوبه ياربي هلبنت بذات ماقدر اوصف حلاتها تهبل بمعنى الكلمه جمممميله ونفس نظام افراح جمالها بدوي لان امها بدويه وابوها حظري بس اهيا ساكنه من زمان داخل ديره*
الجازي : مصبنجيه نظامها نظام بويه اهيا حلوه بس قروبها الي تمشي معاها خربهااا ( تتمنى صاحبة القصه ان لو رد زمن جان قدرت تغيرها وتعوضها على كل الي يصار )*
--------------------------------------------------------------------------------------------------
محمد : عمره 25 سنه يشتغل بشركه ابوه *مشالله غني ، طووله يعذب البنات طوله عجيب وخيال ، جسمه عذاااب ، شعره الكثيف الاسود يعذب بنات الكويت يعني جماله خليجي [ يعني انا شخصياً يوم شفت صورته انصدمت ماتوقعته جي حلو « مشاءالله ] شخصيته بلعاده بارده تقتل *بنات الكويت لان مايعطيهم فيس مايعترف شي اسمه | الحب *| ويعتبره شي من تفكير المراهقه*
عبدالله : ولد عم محمد عمره 24 سنه جميييل عيال الـ ...... دايماً جميلين *مغازلجي درجه اولى فصله ويضحك حيل بس المشكله اذا ضحك يمكن يجرح ناس بس اهوا عباله ان كل سالفه ضحك وعمره ماصار جدي فيحاته يعتبر حياته كل وناسه بوناسه ومايكدر خاطره بشي جميل وطوله حلو شعره الاسود يذبحح الواحد ~
عبدالرحمن : عمره 26 شخص متفهم طيب حنون شخص عاجل ( عاقل ) بمعنى الكلمه شخص فاهم الحياة شخص مثالي ماقدر اوصف شخصيه مع ان صاحبة القصه وضحتلي شخصيته بس كثر ما انا معجبه بشخصيته عجز لساني من اني اوصفه يههبل 
خالد : عمره 25 سنه مغازلجي مثل عبدالله هوايته يلعب ع البنات ( اقولكم بعدين ليش هوايته جذي ) مستهتر ابوه دايما يقنع يشتغل بشركه بس اهوا مايبي وحيد ابوه وامه ..*
حمد : عمره 19 سنه يهبل اخو محمد بس هلولد فاااشل دراسياً ودآيماً ابوه يحاول ينجحه بلواسطات بس اهو حيل متكبر وشايف نفسه ويسبب مشاكل*
** والباجي شخصيات راح. تعرفونها بعدين

الــــبــــــارت الأول *
*: إيلآآآآآآففف*
ايلاف : هلا يما*
ام ايلاف عمرها 40 سنه مو مبين عليها لان شكلها صغير طيبه بس ماتحب تبين حق عيالها على قولتها ( عشان اربيهم عدل ) ام ايلاف اسمها بدريه امها مو عربيه تركيه ام بدريه وابوها كويتي فام ايلاف مو مبين عليها كويتيه من جمالها فإيلاف ورثت جمال امها وبياضها*
ام ايلاف : إنشالله تقومين :@ متى يمديج تروحين مدرستج عطيتج فيس زياده عن لزوم لا تخليني ما اطلعج مره ثانيه مع بنات خالتج
ايلاف : شكو شكو يماا الحين شكو بنات خالتي بسالفه ، خلاص. بقووم ( ام ايلاف تحب تذل بنتها تستانس ههه ) ( لبست ايلاف ونزلت تحت )*
: صباح الخير
ايلاف : صباح نور يا أحلى ابو بدنيا ( ايلاف تحب حيل ابوها )*
ابو ايلاف رجل اعمال يديد فسوق طيب حبوب من طيبته يكسب ناس بسرعه يحب عياله ومايحب يزعلهم ومن يفكر يجيس ( يأذي ) عياله يآكل بضروسه مآيرضى على عياله
ابو ايلاف : اكلي زين عشا ماطيح بطابور مثل المره الي فاتت*
ايلاف وماسكه الاكل واهيا تتذكر الموقف ويوم تمثل انها منغمي عليها عشان تبي تطلع : انشالله يبا
ام ايلاف : قعدي خواتج*
ايلاف : يماا مالي خلق ليش حاطين خدم فلبيت خليهم يروحون*
ام ايلاف عصبت : اذا مارحتي وقعدتيهم صدقيني ماكو روحه باجر سينما*
ايلاف : يماااااا*
ام ايلاف : قومي*
ايلاف : اوف انزين ( راحت وقعدتهم )
دانه عمرها 6 سنين ، درر عمرها 8 سنين*
ايلاف تبطل ليتات الغرفه : يالله خلصو ادري انكم تمثلون قومو لبسو اذا ماقمتو انادي عليكم مشاري*
مشاري عمره 25 سنه جمال وهيبه دووخ البنات جنا مممثل تركي من جماله وكل البيت يخاف منه ماعاد ايلاف لان دايماً تتهاوش معاه
دانه : انا مالي شغل درر الي قالت لي سوي نفسج نايمه ولا تقعدين اذا امي يت والله مالي شغل
ايلاف : انا ادري ان هاذي مو سوالفج سوالف الخبله الي يمج*
درر : نعم نعم حاجيني عدل انا مو خبله على الاقل انا نسبتي تشرفني مو مثلج كل تيبين كيكه على قولة ابوي ( قصدها تسسقط بلمواد)
ايلاف عصبت وبنفسها حتى هاذي تعرف تعيب اهيا وفيسها : قومي لا صج انادي عليج مشاري ( قامو من الخوف )
نزلت ايلاف : يما انا طالعه*
ام مشاري : درستي امس ولا لآ*
ايلاف : يما والله ادرس بسس شسوي اذا نسبتي ماتتغير < اهم شي خوش عذر
ام مشاري : ذلفي لا ابتلي فيج
** * * * * * * ***************************
** * * * * * * * * *فلمدرسه ( الخاصه )*
نوره : ايلاف مايت لحد الحين*
هاجر : لا ماجت**
ايلاف دخلت المدرسه : صباح الخير
نوره : عمرج طويل تونا يبنا طاريج
ايلاف وبناظرا حاده : بشنو تحشوني فيني*
هاجر : ان بعض ظن أثم*
ايلاف : خلصو بشنو تحشون
دخلت نوف واهيا ماتدري شسالفه بس سمعت سالفه فيها حش وايها تضحك : انا سمعتهم يقولون خلونا نهرب بدون ايلاف*
ايلاف بطلت عيونها من صدمه*
هاجر وبخوف : تكككذب والله تكذب
ايلاف : هاجرووووو صج والله*
هاجر : والله انها تكذب
نوره : جذاااابه اصلاً ايها ماتدري شسالفه بسس جي داشه
ايلاف : انزين متى بتهربون*
نوره : اهيا اكو غير الحصه الاخيره
ايلاف : لا شسخافه مابي اهرب الحصه الاخيره ابي ثالثه ورابعه والخامسه مانحظر
هاجر تبطل عيونها من صدمه وطالع نوره : لا هاذي رفيقتش بايعتها*
ايلاف : ليش شفيها*
نوره : ايلاف بايعتها انتاي وين نروح اذا هربنا انتاي تدرين ان شرطيه تحوس دور المهربات*
ايلاف : ومنو قال راح نقعد بلمدرسه ( واهيا طالع نوف بخبث ) نوف حياتي سيارتج برا*
نوف تدري شنو راح تطلب ايلاف ؛ ماااااااابي لاااااا اخااف*