( الغيـاب الطويل ) - ماجد بشيت تفضلو ..

[حواء غرابيل]

السلام عليكم ورحمة الله وبركاته


بعد الغياب الطويل وكثرة اضراره
وش جابك الحين قلي وش تبي فيني
..
لاتقول احبك ومثلك عارف اعذاره
ابشرك بايعك لو كنت شاريني
..
بيت ٍ بنيته عليك انهدمت اسواره
وماعاد يمديك ترجع وينك او ويني
..
قلبي بعد صدتك ماطاح مقداره
ولا انت في صدتك قد طحت من عيني
..
النفس ماهي على الخوان محتاره
ومنهو غدربي وجوده ما يسليني
..
الله بلاني بحب احباب غداره
( احباب ليله ) ..وطول الوقت ناسيني
..
الا على طاري الاحباب شخباره
حبيبك اللي على شانه مجافيني
..
رح واترك البير كاتم باقي اسراره
اسرار ما دارت الا ( بينك وبيني )
..
بعد الغياب الطويل وكثرة اضراره
( مالك بقلبي محبة يا محاكيني )
..

ماجد بشيت العازمي