*&* الـــمــــركــــاز الــــــمــــكـــــــــاو ي *&*

[أسواق]

بسم الله الرحمن الرحيم

اللهم صلي وسلم على سيدنا محمد

السلام عليكم ورحمة الله وبركاته

حيا الله اهل السوق من تاجرات وتجار وزائرات وزوار في مركازنا المكاوي الجديد

طبعا كان في موضوع زمااااااان بعنوان المركاز المكاوي بس انحدف الموضوع
من جملة مواضيع كتير للاعضاء

وان شاء الله من اليوم نلبي رغبة الاخوان والاخوات اللي طالبو برجوع الموضوع

واحنا تحت امر حبايبنا اهل مكة حنسوي موضوع شامل وكامل لكل طلباتنا اليومية

والهدف من الموضوع تسهيل وصول الباحث للبضاعة او الغرض باقل الاسعار وباسرع وقت

وغير كدة قبل لا نشتري اي حاجة نسال عنها في الموضوع حتى اللي اشتراها
او اللي عنده علم يفيدنا ونكتسب خبرة

وبالاضافة لما سبق حيكون موضوع للنقاشات المكية في شتى المجالات

والموضوع مفتوح للأعضاء والعضوات


نبدا على بركة الله اول موضوع

ياريت اللي عنده معلومات عن جهاز ايباد 2 يفيدنا
لانه اهلي مطنبرة في دماغهم الجهاز ايباد لانه الجلكسي غالي الايام هادي :ang:
اليوم دقيت على جرير قلي الجهاز 16 قيقا ب 2200 ريال اللي بدون شريحة
واللي فيلو شريحة 2800 ريال

هل السعر كويس مزبوط والا مغلواني
وايش في مميزات تنصحونا بها او محلات ارخص

دقينا على السنترال نبغى رقم اكسترا ماعندهم

وان شاء الله اللي عنده معلومات يخش يفيدنا جميعااا


وحياكم الله :052: