صحيح الوقت متغيّر

[عبدالكريم بن خزيّم]

--(( صحيح الوقت متغيّر ))--


صحيح الوقت متغيّر وامسك ماهو مثـل اليـوم=وصحيح الخلق من بينه اوادم حيل مبليه
مساحات العناء تكبر مدام الحر هاب البوم=بوقت ٍ فيه يالنشمي علوم الطيب منسيه
كريـم القـوم يتشّـره إذا طـالـع على المـحـروم=ياكيف ان الغني جايـع وضايع دون حريه
إذا عمره على الستين يالله ينتهض ويقوم=وماله في حساب البنك مصيره للحراميه
حرم اولاده بدنياه واصبح مستقر هموم=يحرس المال متبهذل يعيش لجمع ربيه
يموت وحالته خاله ولو يكثر عليه اللوم=عياله تسعد بموته تعيش احلام ورديه
يازين الماضي اللي راح ليته مااندثر ويـدوم=تشوف الناس مبسوطه وزين الصدق بالنيه
نجامـل بعضنـا عـاده ووقـت الجـد تبان علـوم=ومهما يكذب الإنـسـان علومه غير مخفـيـه
ياليت ان الردي تكفى عليه بهالزمان ووسوم=لأجل الخلق تتجنّـب حقيقه راعـي السيّـه
زمانـك يارجـل هــذا رفــع سفـلـه ورز رخــوم=ولكـن خصرهـا افضـل تمـوت بجحرهـا الحـيّـه
تقديري للجميع ,,,,,

[أنـ الذكريات ـين]

عبد الكريم..

صح لسااانكـ..


لا هنت..



تحيتيـ

[النوري]

الله الله

الشاعر عبدالكريم بن خـزيـم

مازالت ابياتك عذبة سلسة منتقاة بعنااااية فائقة

لا جاامل حينما أصفها بمعلقات لامثيل لها

اسجل اعجابي بروائعك

صح لسااانك شاعرنا المتآلقدائما

[المهرهـ المصونهـ]

صح لسانك قصيدة في منتهى الروعه


لا هنت

[سامي العطاوي]

عبدالكريم بن خزيم

صح لسانك ملايين

مبدع كالعاده

[أبوعبدالرحمن]

جزله ومن شاعر جزل

صح قلبك وكلك

وسلمت اناملك

تحيتي لك

[تقرير طبي]

صصح السانك ..



&&&&



مودتي

[غرام المشاعر]

صح لسانك

يعطيك العافيه