المساعد الشخصي الرقمي

مشاهدة النسخة كاملة : للبنات العربجيات المجنونات .....


هيام الروح
11-05-2003, 12:29 PM
السلام عليكن ورحمة الله وبركاته ..

كيف كون يا صبايا ..


عساكون منيحات ومستصحات..


إن شاء الله دومات يا رب ..

اللي تبي تتعلم الاتيكيت تجي عندي واعطيها دروس خصوصيه ..

وبإذن الله ما راح تندم ..

من اهم دروس الاطيكيط .. احم احم قصدي الاتيكيت ..

لا تطقطقين أصابعتس بين الناس ..

لانها عيب وشق جيب بعد ..تكتفي ابرك لتس ولا ربطي يدينتس بحبل حق الكشتات ولا تفشلين اهلتس


لا تبللي أصابعك بسعابيلتس عندما تريدين تقليب صفحات المجلة أو الكتاب إن هذا يتنافى مع الجمال والذوق .

====> قبل خشتها سعابيل من تقليب المجلات خخخخخخخ

لا تفاخري بجمالتس ولا بمالتس ولا بأصلتس الطيب ، فلست أنت صانعة شيء من هذا ..

وخير لتس ان يتحدث الناس عنتس من أن تتحدثي آنت عنها فيقال إنك حديثة نعمه أو مغرورة .


يعني بالعربي (( اقطعي واخسي وعضي على شحمه )) هههههههههههه الله من زين التدريس ..


البسمة عنوان الرقة والذوق السليم ..

فاجعليها ملازمة لتس ، ابتسمي عند المصافحة للقاء والوداع
وابتسمي عند الاستئذان وعند السؤال عن شئ وعند تقديم الشكر .

انا اقول ابتسمي مهوب تفقين كشرتس عند خلق الله ..

إذا اشتريتي هديه اقطعي السعر عشان ما تتفشلين اذا صارت رخيصه ..

اما اذا كانت فوق 400 ريال والله ما اقطعها لو على قطع رقبتي ههههههههه

لا يا شيخه ,, كل هداياها من ابو ريالين ..

إذا جلست في مجلس فيه حرمه سمينه وكرشتها كبر طويق ..

لا تتكلمي عن الرشاقة ولا عن متاعب السمنة ولا عن قبح الكرش ...

حتى لا تظن انك تقصدينها .. ثمن عاد من يبي يتسكتها ام كرشه



لا تفتخري ولا تترززي بما تحملينه من شهادات فليست الشهادة دائما دليلا على الثقافة الواسعة يا أم دمجه ...

لكن الدليل عليها كلامتس وسلوكتس و أفعالتس ..

اييه هين .. خليني بس اخلص من الجامعه وأوريكم


إذا عزمتس خويتس للعشاء او الغداء عندها وشفتي أنها مشغولة في الأكل فلا تطسين إليها في المطبخ وتتلقفين في عملها بدعوى مساعدتها ..

خلي بس عنتس ها الهبال ..

قد يسبب لها ارتباكا مع انك ودك تساعديها ..

ثمن عاد يحترق عشاها وتحقد عليتس وتلعن اليوم اللي عزمتس فيه

وبعض الناس ما يحبون أحد يطلع على طريقتهم في الطبخ ...

لان لهم مطاريسهم الخاصه في الطبخ مثل ام دحيم هههههههههههههه

فلا تتلقفين إلا إذا دعتك لمساعدتها . فهمتن ولا اعيد !!!

عندما يدخل المجلس أحد كبار السن مثل جدانتس ولا عمانتس ولا خوالتس علينا أن ننهض لاستقباله والحفاوة به وان نجلسه في افضل مكان ..

ولا ننسى جغفه الراس ..


وإذا أبدى المسن رأيا يخالف رأيتس عضي على شحمه وقولي سم ولبيه ..ابشر .. الراي رايك ..

انا خابرة ان ودتس تعجنينه بس عاد شايب ولا علية شرهه ..

واذا قال تعالي همزيني ولا تعالي حكي ظهري كنه قطو ..

يا تسبديييييييييييييه ..قولي له امي تناديني ولا فية حرمه عند الباب وحطي رجلتس ههههههههههههه

(( الله من زين الاتيكيت ))


يجب النظر في خشه وكشرة الشخص الذي يتحدث معتس ..

حتى يحس باهتمامتس ..

لأنتس إذا قعدتي تطالعين يمين وشمال هذا يدل على قلة الذوق و الدلاخه بعد ..

واذا شفتي غمص ولا بقايا مواد قد عرشها على الاكل بين سنونه اضحكي علية واسكتي .. خليه ينفحس هههههههههههههه


يجب عدم التحدث بصوت عالي يامال الدقم ..

لكن ما يكون منخفض مره ....

فالاعتدال افضل .

(( صعبه والله , بس حاولن ))



عدم مقاطعة من لا يزال يتكلم فهذه عاده سيئه جدا جدا ...... وترفع الضغط وتجيب الصمرقع

إلا إذا كان فيه موضوع خطير يستدعي .. مثلا قطعه الكليجا ولا المضير (( الأقط )) ربصت بالشاهي خخخخخخخخخخخخخ

وســـــــــــــــــــــــ ـــلامـــــــكـــــــــــ
ـن ..


انا خابرة ولا وحدة تبي تطبق .. بس جربن يا الجنطات وش يبي يضركن



---------------------------------

الموضوع (( منقول )) بس انا زايدة عليه من بهاراتي الخاصه ..ولا كان هو يجيب .
لأ أحد يزعل أمزح

الطير
11-05-2003, 12:34 PM
أنا دخلت حب أستطلاع مني ......

يعني آآآآآآآآسفين على الأزعاج .......... تعلموا يا بنات ... مشكووووووورة أختي على الموضوع الجميل ...


الطـــــــــــــــــــير (( طير الحب )) ;)

هيام الروح
11-05-2003, 12:39 PM
حب استطلاع هاه .....ايه هين...صدقتك

على العموم مشكور وتعال كل يوم لاتحرمنا طلتك البهيه

الأميرة الناعمة
11-05-2003, 08:18 PM
ههههههههههههههههههههههههه هههههههههههاي

الله يرجك هيامووو فقعتي مصاريني ضحك http://www.alsareha.net/vb/images/ytong.gif

اما كله في جهه و (( اقطعي و اخسي )) ذكرتيني في ايام الثانوية http://www.alsareha.net/vb/images/smilies/kklol.gif

لا تبللي أصابعك بسعابيلتس عندما تريدين تقليب صفحات المجلة أو الكتاب إن هذا يتنافى مع الجمال والذوق

اما هذه اخبر ما يسونها الا العجيز و الا انا غلطانه http://www.alsareha.net/vb/images/smilies/tfker.gif


واذا شفتي غمص ولا بقايا مواد قد عرشها على الاكل بين سنونه اضحكي علية واسكتي .. خليه ينفحس

وااااااااااااااااااااااع الا بجلس اناظر الين ما تقول لي ايش فيه و اقول لها http://www.alsareha.net/vb/images/smilies/zxcv29.gif

<<<<<<< تمووووووت في التفشيل خخخخخخخخخخخخخخخخخخخخخخخ


يجب عدم التحدث بصوت عالي يامال الدقم


هذه لو تموتين ما سويتها ما اعرف اتكلم الا بصراخ علشان يسمعون http://www.alsareha.net/vb/images/smilies/icon2.gif


يسلمووووو على الموضوع الهبليشن و انشاء الله استفيد :rolleyes:

سوسي

Pour Love
12-05-2003, 05:33 AM
:
:

والله موضوع شيق .. من جد وناسه
يعني اطلعو على حقيقتك يابنات .. انا اشوف اصحاب المجلات النسائيه مايبعون المجله الا بكرتون كلينكس :D

ولا يسعني في هذه اللحضه سوى الضحك الكثير وشكر الاخت هيام
على التميز في طرح الدرس

والله يحفضكم ويرعاكم ويجعلكم ذخر للأمه العربيه والاسلاميه

ودمتم لنا سالمين

بيور .. اليوم شكله بينطق:rolleyes:

هيام الروح
12-05-2003, 08:14 AM
oooooooooooooooooooooooo my god

طلعت الفضايح عند حسوسه ومشالله متأصله من ايام الثانويه

اقول هيه بنت ..لاتصارخين تراكي ازعجتينا مع هالخشه

استفيدي بسرعه قبل لاتنفز الكميه خخخ

هيام الروح
12-05-2003, 08:24 AM
بيور لوووووووووووووووف

اقول وانا اختك ..انت فرحان مع هالخشه

لكنك اصبت القول في التالي

الله يخلينا للامه العربيه والاسلاميه ...من هالناحيه تطمن حنا جالسن على قلوبهم

ومافي فكه منا ابد

يسلمو بيور

JAWAD
12-05-2003, 08:38 AM
هياموه تدرين انك بلشة يا حبك اللفضايح ..... الحين على بالكم هاذي الحركتات بس عندكم ..... وما خفي كان اعضم

يعني فيه كم نقطه نشابهكم فيها والبعض الاخر لا يخصنا ((حلوه لا يخصنا،،، احم احم))

انتي عارفه شبابنا اليوم، النشامه طالعه من خشتهم وكلاً مترزز بالكوبرا على بالهم كيت كات اقصد اتيكيت.

هيه الكلام يطول وتبقى الاوضاع على ما هي علية وعلى المتضرر الجوء إلى هيام الروح لاخذ دروس مجانيه إتيكيتيه.


تحياتي القلبيه

اخوك/ JAWAD

هيام الروح
12-05-2003, 08:57 AM
ههههههههههههههههههههه جواد

اجل ياكثر المتضررين اللي راح ابتلش فيهم ههههههه

اما انتم ايها الشباب تحتاجون دروس خصوصيه في الاتيكيت وابشرك تراها مش مجانه

المجاني عند ابو ريالين بس حنا عندنا كل شي ماركه على كيف كيفك

واخيرا شكرا على المرور <<مره اتيكيت

راعية الشوق
12-05-2003, 05:20 PM
هلا هيوووووووووووم عجبني الموضوع ههههههههههههاي يسلموا ياغاليه بس شو بهارات مزيده واااااااااااااااايد ههههههههههههاي الف شكر ياغاليه

راعية الشوق

هيام الروح
12-05-2003, 06:38 PM
بهارات لزوم الطبخه اللي يسمونها اتيكيتووووو

تشكرات عزيزتي ...

تعالي كل يوم ..مشالله مايحتاج اوصيك

مخاوف قلب
15-05-2003, 07:33 AM
ياعيني على هالنصايح الجوهنميه



اهم نصيحه نسيتيها



العلك لاتقعد تطقطق فيه عند الله وخلقه


عييييييييييييييييب ثمن عييييييييييييييييييب ثمن عيييييييييييييييييييييييي يب ثمن 000 خلاص اسكتي ابلشتينا




يسلمووووووو هيومه




صي يوووو

هيام الروح
15-05-2003, 12:14 PM
ههههههههههههههههههههههههه هههههههه مخ مخ

اقول يالرجه ...العلك مسموح فيه ....نو بروبليمممممممممممممممممم

خليهم يطقطقون ...ترى محدش واخد منها حاقه

يسلمو حووووووووبي

admin_1
15-05-2003, 03:20 PM
هيام علميهم

والله ناقصهم كثير :)

بس خفي عليهم ,, هذا اسلوب مديره عمرها سبعين سنة :)

هيام الروح
17-05-2003, 02:26 PM
عبير

عادي تكلمي بس وانتي تصارخين علي صوت التلفزيون

والراديو ...عشان محد يسمع حاجه ...وبكذذا نمشيها لك ..يعني واسطه

ابسسسسسسسطي محد قدك