رسالة الى زوجي

[حواء غرابيل]

تقول انك كرهت البيت بسبتي*
انا اللي كرهت الدنيا كلها بسبتك*
جان *زين عندي بس الشجاعة اني اطلب الطلاق جان ماترددت ولا لحظة
مادري ليش احبك رغم سوء معاملتك لي وكرهك ولامبلاتك
عمرك ماحسيت فيني ولا اهتميت لراحتي ومشاعري*
انا ادري ان انت مخليني على ذمتك عشان عيالك
انت تكرهني*
ومو متمسك فيني تتفنن بجرحي وتعذيبي*
يارب رحمتك تعبت من هالحياة مع هالريال الاناني*
ابي الطلاق والله ابي الطلاق بس مادري ليش خايفة
مع ان ماكو شي راح اتحسف عليه غيير عمري اللي راح مع هالقاسي الاناني البارد*
ودي اكرهك على طول ودي ما التفتلك*
ودي انساك واعيش حياتي اللي خسرتها وانا معاك
كل بنت حلمها الزواج والامومة*
وانا من تزوجتك وانا صدماتي فيك ورا بعض *
والامومة صارت نقمة صارو اهما سبب تعاستي*
لازم انحرم من كل شي بسبتهم حرام الطلعة حرام التلفون *حرام اني انام وارتاح
المرض بسبتي والحياة االزفت بسبتي وانا سبب النكد والمشاكل والبلاوي*
مااعرف اربي*
ما اعرف اتكلم*
ما اعرف اطبخ*
انرفز
نكدية*
كل هذا فيني
*
اكرهكم كلكم انت وعيالك**

ماراح اقعد عندك ولا دقيقة طلقني وسلمني ورقة حريتي باقرب فرصة*
وعيالك حلال عليك ما ابيهم*
ما ابيك لو ابجي دم على بعدك ماابيك*
ما اعيش معاك وانت تكرهني وتحر قلبي*
روح اتهنى بعيد عني دامك كرهت عيشتك بسبتي*
*ماراح ادفن عمري معاك*
انت انسان من غير احساس*
ماخذني من بيت اهلي عشان تذلني وتحبسني ومسويني خدامة حقك وحق عيالك*

تتهمني بعدم التربية وانت اللي لسانك مااتطيح منه المسبات وانت تدري يوم تزوجتك ماكانت تطلع مني اي كلمة وصخة بس من عاشر القوم 40 يوم فما بالك اكثر من 5 سنين محد علمني المسبات الا انت وعلى فكرة هم بعد ما اقولها الا لما افقد اعصابي على عيالك ولا انا مع اهلي وبالدوام ماتطلع مني هالالفاظ لاني لما اقولها استحي من نفسي*
*شوف انت وانت تكلمني شلون تتكلم هل هذي التربية اللي انت طالع منها وتقولي تربية اليهال وصخة الكلام هذا قاعدين يسمعونه منك ومني ما انكر بس هم انت شريك بهالتربية فلا تطلع نفسك شريف روما وحتى لو ماتعلمو هالحجي بالبيت بيسمعونه برة انا ابلة روضة وقاعدة اشوف اليهال الكل بدون استثناء يطق ويسب وفي يهال يسبون من السر وتحت حتى عيال المطاوعة شياطين ولهم حركات هذول يهال وباجر يكبرون ويعرفون الصح من الغلط الحين اهم مو مستوعبين اللي قاعدين يقولونه صج انهم يدرون ان غلط بس مايتحكمون بانفعالاتهم*


تتهمني بالوصاخة وان البيت وصخ وانا اللي هواشي مع الخدامة كل عالتنظيف**
واذا عالذبان فمو من الوصاخة لاني فتحت الدرايش الاسبوع اللي فات عشان يدش البيت هوا*
واذا عالزهيوية كل بيت في حمام راح يطلع زهيوي شكو الوصاخة بالموضوع *
اللي ينقص بيتنا *صج اهو الترتيب واللي مخلي البيت مو مرتب بخلك وخوفك عالفلس عيزان تييب كبت ب 100 دينار يلم اغراضنا يامال الفقر-*
الشتوي عالصيفي عالكنابل من وين اييب مكان؟ كل جم شهر اسوي جرد عالملابس واوزع عاللجان واغراض دوامي والعاب عيالك وهم اجتهاد مني يبت العلاقات وهم ماكو فايدة شسوي يعني؟؟
*
واذا عالهدوم اللي على قولتك مو لاقي تلبس فمن اهمالك ولا مبالاتك قاعدة اعطيك حق الرياضة والخفارات وانت تحط بالسيارة 4 ترينقات بالسيارة لييش؟؟ وكنبل الولد شاريته له حق الشتا يستانس فيه رحت قطيته بالياخور ابو الفيران *
وتحاسبني انا؟؟*
تقولي مو مغسول مو مكوي مادري شنو*
ناسي يوم كنت ببيتكم شلون كنت تلبس الفنيله من الغساله اشوفها معفسة من تحت الدشداشة*
واذا فصخت حدث ولا حرج*
الناس تشغل الغساله يومين او 3 بالاسبوع وانا اشغلها يومي عشان نلحق عليكم*
الصابون يقعد عند الناس شهر وانا يخلص ب3 اسابيع*
الخدامة مو قاعدة تلحق عالغسيل مع اني موصيتها انها تبدي بهدومك انت الاول عشان نفتك من حنتك و طوله لسانك بس ماكو فايدة*
تيينه المصايب لي عندنا
لا ومن نحاستك الخدامة قالتلك ماكو صابون تقول انا شكو ؟؟ ليش بيت الجيران ؟؟ لازم انا *اللي اسوي ولا مايصير تسوي انت شي*
عالاقل دق قولي مافي يمكن ناسية يمكن ماعندي فلوس *يمكن ما قالت لي ولا بس لقيتلك حجة عشان تتهاوش معاي وتطلع طناقيرك

تقول نفسي خايسة ومجابله التلفون*
ماتشوف نفسك لايكون بس الضحكة شاقة حلجك ولا لسانك ينقط عسل*
من عرفتك وكلمة مالي خلق على لسانك*

مع ان مو نفسي خايسة بس لو صار وتضايقت فمن اسلوبك معاي 24 ساعة تدور الزله والمشاكل وانا بامس الحاجة للحنان والعاطفة
*ولو نفسي خايسة صراحة لي حق الداد لي المسكينه ماعندي وقت حق نفسي الصالون علي بالحسرة مجابله حنه وصيحة 24 ساعة*
*ومحرومة من ابسط حقوقي وحاسة بالنقص كل بسبتك*

شنو سويتلك شنو طلبت منك*
شنو المشاكل واللوية اللي سويتلك اياها- انا كل ساع طالعتلك بمشكله ؟؟*
اذا على شهادة التطعيمات اللي ضاعت فتصير باحسن العائلات *

*قول انت اللي مو قد المسئولية ولا قد الزواج من اساسه*
انا ذهبه وماكو مثلي لا تظن انك بكلامك بتقلل من ثقتي بنفسي*
انا مهما كنت فانا احسن منك بمليون مرة
عالاقل
انا مراعية ربي فيك وبالبيت واليهال*
وانت صايع خاين تلفونك متروس وصاخة انا حارمني من ابسط حقوقي وهالقحاب طايحله وياهم مغازل وانا بكل بساطة تقولي مااعرف
لايكون عبالك اني ما اقدر اخونك الا اقدر ونص ولا في اسهل من هالطريج بس هذي مو اخلاقي وانا مو رخيصة عشان اوصل لي
هالمرحلة

تعلمت الطباخ عشانك وانا اللي كنت ما اشيل عود ببيت اهلي وهم بعد مو عاجبك ادخل من الدوام تعبانة سيدة المطبخ باللبس اللي علي ماتقولي عشان منو يامال السمام ياما احترقت ياما انشقت ايدي ياما انقص ظهري وانا اقص واغسل الخضرة عشان اسويلك الاكل اللي تحبه جود يبين بعينك *بس لا حمدا ولا شكورا حتى كلمة الله يعطيج العافية مااسمعها تاكل وتمش ايدك بالطوفه*

لسانك يلوط اذانك ومتبري منك وانا ما اطول لساني ان انقهرت ابجي واحرق بعمري*
جان في كلام بقلبي اكتبه بمسج وهم كلامي بقمة الادب *بالنسبه حق كلامك كل القصد فيه عتب عمري ماغلطت عليك *

اوك اطق عيالي واصرخ عليهم واسبهم كيفي عيالي وكل الامهات يسوون جذي اذا عصبو واكبر دليل امك وخواتك واخوك حتى طق بالخيازرين يطقون وانت هم بعد خو مو مقصر بالسب والصراخ ولا انت على راسك ريشة*
*بس
بالمقابل انا مدللتهم العاب وملابس سنعة وهدايا وطلعات ومطاعم فلوسي كلها طايرة عليهم وما استخسر عليهم شي*
مو مثلك اللي بالسنة ماتييبلهم شي*
وطلعاتك لهم يانادي يامطعم تتعمد تلهيهم عن محلات الالعاب خايف لا تدفع شي
**
كرهت البيت بسبتي لانك مو عارف تنام مثل الاوادم؟ ليش بسبتي ؟ مو عيالك اللي قاعدين يتهاوشون ويصرخون شنو ذنبي انا يااني تعبانة حالي حالك ونمت*
يااني هاوشتهم عشانك*

لا وتتهمني بالسخافة لاني ابي اطلع وعلى قولتك كل همي الطلعة عيل انت شتقول عن نفسك اللي حاط الياخور من اولوياتك وشايل همه تقولي القاها منج ولا من الياخور ولا الدوام بالله الدوام تشيل همه قول هذه وظيفتك تكسب معاش من وراها بس الياخور تشيل همه وتنفس علينا لانك متلعوز فيه شكو- *لو انا اللي عندي اهتمامات ثانية وانفس عليكم بسبتها جان خليتني اهدها بحجة ان بيتي وعيالي اولى بهالوقت صح ولا لا؟*

انت ماتعاملني كانسانة لها احساس ومشاعر انت تبيني مكينة*
ماتحبني اطلع - ما تحبني اجابل التلفون - وقبلها الكمبيوتر *
تبيني بس اجابل 4 طوف*
تبي تعيشني بسجن*
يعني لاعندي زوج يحبني ويحب قربي وعلى طول متضايق مني بسبب ومن غير سبب ويدور الاعذار عشان يجرحني زعلي ورضاي مو مهم ودمعتي رخيصة عنده مو معطيني اي قيمة بحياته*
وعيال لا اله الا الله على شطانتهم*
شلون تبيني اضيع وقتي اذا الطلعة كل يومين حرام*
اذا التلفون والانترنت حرام*
شنو تبيني اسوي اموت *انتحر الحمدلله ان لقيت شي يسليني اشبك انترنت اسولف ويا اهلي وصديقاتي اقرا قصص *اطلع شغلي مال الدوام كل شي بهالتلفون **

مو عيشة هذي*
شتبي مني*

حشى فرعون مو ريال*

وايد وايد اشياء بقلبي لوشنو اتكلم ماراح اعرف اعبر عن اللي بداخلي*

وانت لا يمكن تفهم لان ما يهمك اساسا*
ولانك تكرهني وما تخاف ربك*
الريال لما ياخذ البنت من بيت اهلها*
يكون كل همه ان يسعدها وما يخلي عليها قاصر يحرص ان تحبه*
وبنفس الوقت اهي بعد تحبه وتسعده*
وانا ماقصرت معاك*
بس انت ماخليت فرصه الا وجرحتني فيها*
من برود وخشونة بالتعامل*
وافلام قذرة وخيانة*
وبخل ووووو
*مادري شلون فاهم الزواج عبودية ولا شنو*
بس تييب وحدة تتامر عليها وتطبخلك وتنفخلك *وتزهب هدومك وتطلع عقدك عليها ومتى ما اشتهيت سويتها جيس زباله تفرغ فيها شهوتك
واذا انا بغيت حقي تقولي تعبان وتلف ويهك وتنام تدقرني يامال الدقرة وتخليني استحي اطلب منك حقي ماتفكر فيني ولا باحساسي*

ماتقولي شاللي استفدته انا من زواجي منك*
غير الهم والبجي وكسرة القلب*
غير احساسي الدايم بالخوف وعدم الامان*
حتى الامومة اللي طول عمري احلم فيها كرهتها وكرهت شي اسمه يهال*
من صرت ام
وكل شي حولي تغير
صرت تكرهني*
صرت بعيد عني*
صج كنت تيي كل يوم بالنفاس وتبيني ارد البيت بس مو عشاني*
لانك تبي تشوف ولدك تبي تراقبني شلون اعامله شسوي فيه اعطيه حق الخدامة ولا لا ارضعة طبيعي ولا لا وابدل حفاظته ولا لا*
*
لغيتني من الوجود بسبته كل كلمة قلتلي اياها محفورة بقلبي مو ناسيتها*
*
الناس تنطر حريمها تطلع من النفاس متشوقين لها بيشوفون النيولوك اللي بتسويه شنو بتلبس يتخيلون هالليلة يحجزون فنادق ولا سفرة كلش كلش هدية وانت ابد*
قطتي وقطة الجلب واحد ولاجني موجودة*


ااااه لو اقوي قلبي واقولها طلقني*
مو حسافة عليك بس الله يلعن الحب وسنينه*
ولا انا لاهمني لا بيت ولا عيال ولا فلوس*
بس شفايدة الحب اللي يذل*
والله لو اهدك محد راح يقصر فيني الكل بيحاوطني من كل صوب عشان يسعدني*
بس انا حمارة غبية انا اللي ذاله عمري بعمري *

*