شعر تــذكــرنــي بــخــيــر ... ؟

[الاسهم السعودية]

( تذكّرني بخيـر )



الوقت وقتي و الزمن مـا صفالـي ،،،،والعمر رحله ..و أتعبته المشاويـر ..


كلي حلالك و انـت كلـك حلالـي ،،،، لكن وربي ...حظنـا ماهـو بـ خيـر ..


حاولت.. لكن مـا جرالـك جرالـي ،،،، مات السنع في ..وجه قـل التدابيـر ..


فـ لا تزعل اليا قلت مالـك و مالـي ،،،، دام الأماني ..غير و أحلامنـا غيـر ..


و دام الحزن بـ الحب فالـك و فالـي ،،،، خلنا نتفارق والبقـى ( للمقاديـر ) ..


أدري فراقك صعب ويهـد حالـي ،،،، وأدري فراقي صار من قبل لايصير ..


ما كنت أبي فرقاك بـس الليالـي ،،،، تسيّر أحلامي.. على عكس ما أسير..


تدري خفوقك بـ الفراق وش هدانـي ،،،، أهدى يديني... (وردتين(ن) مـع طيـر )..!


ورحت بـ فراقـك والهدايـا قبالـي ،،،، و مات بـ يديني... ( وردتين و عصافير ) ..


يمكن يخون الود لا مـن طرالـي ،،،، لكن و ربي.. ما أخونك مـع الغيـر ..


أبطلبـك حاجـه و أمانـه اذا لـي ،،،، معزه / وخاطـر / وحشمـه / وتقديـر..


تكفى بـ غلاة أمك اذا كنـت غالـي ،،،، لاجيت في بالك ( تذكّرني بخيـر ) ..!!