اللي قريب (وقت الرواتب)

[عبد العزيز الجحدلي]

مساكم الله بالخير جميعا

في يوم وقت الرواتب يا سلام الله سلام=عد صراف (ن) يحن وعد ما تظهر فلوس
الرواتب سببت زحمه ويا شين الزحام=بس يازين الدراهم والفلوس على النفوس

[عايض الفقيعي]

صح الله السانك ياعربيد القصيد


وننتظر الشعار

[عبدالرحمن الجبابرة]

صح لسانك يا عربيد القصيد واستلم طال عمرك

مرحبا يا ناظم القاف وعليكم السلام
راتب المعاش صار مثل غيره امعفوس

الزحام عم والفوضى بعكس الانتظام
وان دخلت البنك كل (ن) في بطاقته يحوس

[أبوعبدالرحمن]

الزحام عم والفوضى بعكس الانتظام
وان دخلت البنك كل (ن) في بطاقته يحوس


صحت قلوووبكم

وانا بمسك لك الصف يابوغانم

[شعاع الحزن]

رائـــــــع ..

وانا معك يا عبدالرحمن ..

[عبدالرحمن الجبابرة]

ابو عبد الرحمن

رضا قلبي

تسلمون يالغالين

لا خلا ولا عدم

[عبد العزيز الجحدلي]

لا هنت يا عبد الرحمن
واستلم

البقا ثم البقا ياللي تحيي بإحترام=الليالي يا وسيع المعرفه فيها دروس
يا دحيم في سرى الصراف خالد وابتسام=مير راتب كل واحد فيهم اقساط(ن) غموس

[عبد العزيز الجحدلي]

الطيار يعطيك

العافية

ومرورك تشريف

[عبد العزيز الجحدلي]

حياك يا ابو عبد الرحمن

وتشريفك

يغرينا بالمواصلة

[عبد العزيز الجحدلي]

رضا قلبي

يعطيكي العافية

[لـحـظـة خـيـال]

الزحام عم والفوضى بعكس الانتظام
وان دخلت البنك كل (ن) في بطاقته يحوس

صح لسانك

بس حق الرواتب

طيب ومكافأة الطالب

<<<واحد غيور

[عبدالرحمن الجبابرة]

صح لسانك شاعرنا واستلم طال عمرك


يا عـريـبـيـد القصيد لا تقنـّص بالكلام
صن حصانك في لسانك لا يجزك حد موس

الكفالة بالوكـالة تطلب القسط التمام
والكفيل الله وكيلك في السجن صارمْحبوس

[عبدالرحمن الجبابرة]

هلا بك اخوي دندون لا هنت على الحضور الرائع وابشر بسعدك

[عبد العزيز الجحدلي]

استلم لاهنت

والله يخارجنا

ان جزيت الثانيه بالاوله كب الخصام=وش يسوي الموس لو نشبت حروب(ن) كالبسوس
انتهى عصر الكفاله لاحضور ولا غرام=البنوك استقطعت نص الرواتب والسدوس

[عبدالرحمن الجبابرة]

صح لسانك يالغالي واستلم لا بكيتك


من كلام العقل نصفه ناخذه يكفي السنام
ماعلينا ياعسى الله يبعدالحرب الضروس
وش نسمّي مقيّد الرجلين يمشي في الظلام
الكفالة قيد والكاتب كتب رقم الجلوس

[عبد العزيز الجحدلي]

استلم لا هنت

ابتلانا الراجحي هذا حلال وذا حرام=والله اعلم باخفايا والله اعلم بالدسوس
والبنوك الباقيه عليها لا يوجد ملام=دامها دقت لبيبان الربا عشرة جروس

[عبدالرحمن الجبابرة]

ولا تهون يالغالي واستلم طال عمرك


من تقدّم ما تندّم بالصلاة وبالصيام
اتق الله وامتلك في حرّ مال و مْحروس

حلّل الله بيعنا وحرّم الربا تمام
ما يحك الجلد مثل الظفر ما قالو ضروس

[عبد العزيز الجحدلي]

صح لسانك

وستلم لاهنت


ليت يا الصاحب نعوٌد للورى خمسين عام=بين ضلع وبين خيمه بين حمران الطعوس
نتبع الغيث ونتابع لإتجاهات الغمام=ثم نرسل للربيع الزاهي يا اصاحب عسوس

[أبوعبدالرحمن]

ياسلااام

ومازلت متابع لكم


صحت قلوبكم

[عبد العزيز الجحدلي]

صح بدنك

يابو عبد الرحمن

ويعطيك العافيه

[عبدالرحمن الجبابرة]

صح لسانك وعلا شانك

استلم لا عدمناك


آه ويلي يالخوي ذكرتني ذكرى الغرام
في محبّة النقا وراعي العين النــّعوس
ليل ونجوم ٍ سواري والربابة وانسجام
وان لفى ضيفٍ تحافلو مثل حفلة عروس

[عبد العزيز الجحدلي]

لا هنت
استلم

لا حقود ولا لعانه لا تغطرس وانتقام=بينهم زرع الوفا يثمر على طيب الغروس
لا وازيدك بينهم حشمه كبيره واحتشام=هذا جار وذا رفيق ولا لهم وجهه(ن) عبوس

[عبدالرحمن الجبابرة]

صح لسانك واستلم طال عمرك

ايه يا دنيا الدنيّه والنهاية في الختام
ثوبٍ ابيض باللحد وينك يا فاهم الدروس
صح فكرك يالجزل ودي بمسرى والسلام
بيـّض الله وجه من لا يفهم الهرج امعكوس

[عبدالرحمن الجبابرة]

أستاذي الشاعر : عربيد القصيد

لك مني خالص الشكر والتقدير على منحي الفرصة للتعلم في مدرستك فمن لا يشكر معلمه ويقف له تبجيلا فلا يستحق ان يكون متعلما

لذا فأستئذنك بالإنصراف وإن تكرمت علي بنقدك وتقويمك الهادف فجود منك أحفظه ودا لك في ذاكرتي وإلا فقد تجملت بكرمك

وحسن رفقتك منذ أن قبلت بي محاورا معك . كما أمنح من بعدك جميع أحبتي شعراء وغيرهم حق النقد وإبداء الملاحظات

والتوجيهات مهما كانت صغيرة او كبيرة مصيبة أو مخطئة فمنهم استفيد وبهدى اقلامهم تنار لي الدروب فلم أولد وفي يدي القلم .



دمتم بخير

[عبد العزيز الجحدلي]

اخي عبد الرحمن

مساك الله بالخيرات
ويعطيك الف عافية

اولا: انا هنا لاتعلم من هذه المدرسة التي تضم عمالقة في النظم
والمحاورة

ثانيا: لم اصل الى مستوى التقيم حتى اقيمك او اقيم من هم دون

ثالثا : الذي استطعت ملاحظته من ابداعك خلاف ما لم الحظه
1- شدة تدقيقك ولوكان(السم في الدسم ) على ما يقال
وذلك مصدر قوة واساس النقض والفتل
ويتضح هذا في بيتك
ياعريبيد القصيد..........

2- اخر بيت في المحاورة
بصراحة عن المحاورة كلها

رابعا: اضم صوتي الى صوتك
واطلب التقيم
من الاساتذه الكرام

ودمتم بخير

[عبدالرحمن الجبابرة]

شكرا لك استاذي الشاعر القدير : عربيد القصيد

لك ودي وخالص تقديري على ماتفضلت به وإلى لقاء ذات يوم في دروب المحبة والإخاء

دمتم بخير