منصور الحربي
01-06-2005, 10:41 PM
اشياء كثيرة في حياتي لهـا اشتـاق = منهـا مجالـس طيبيـن الرفـاقـة
والشعـر والوحـده اذا زاد الارهـاق = والخافـق أطلـق للأمانـي وثاقـه
شوق بدوي ٍ كـل ماخاطـره ضـاق= أخـذ معاميلـه بسـاقـة نيـاقـه
ثم شب نار جمرها يحـرق احـراق = وسوّا عليهـا اللـي ينشـط مذاقـه
فنجـال بـن ٍ اشقـر اللـون بـراق = يسوى الوجود ومادخل فـي نطاقـه
بأرض خـلا مامرهـا زول طربـاق = اللي شهـد لـه كـل حـي بنفاقـه
خبل ٍ قضت دنيـاه مابيـن الاسـواق = واعراض خلق الله وخـط الصداقـه
للعـرض شـذاب وللشيـن سبـاق = الشكل شكل انسـان والعـرف ناقـه
لوحـاول إنـه أيتظاهـر بالاخـلاق = معروف بين الناس ( قطاع ساقـه )
واشتاقلك وانا علـى طـول مشتـاق = لعيونـك اللـي سببـت لـي إعاقـه
وتصويرك بقلبي قبل بيـض الاوراق = وكل مايساهـم فـي نمـو العلاقـه
ياللي خذيتي من الحـلا كـل مافـاق = أنشهـد إن الله عـطـاك الانـاقـه
زولك من المولى سكن وسط الاعماق = كـذا بلامعنـى عشقتـه عشـاقـه
أحب فيك اشيـاء جليـلات ودقـاق = الحب وإحسـاس المحـب واللباقـه
وإيمانك إني اعشقك وصـل وافـراق = وأصبحتي لطفـل المشاعـر بطاقـه
وإن الزمن بالبعـد ماعـاد ينطـاق = وإنـك تفاصيـل الهـوى واشتياقـه
وإني انا اكبر ( مغترب ) عبر الافـاق = أهدى لك جروحه على شكـل باقـه
شيخ ٍ ولد شيخ ٍ له المـدح ينسـاق = وبماراثـون الطيـب يملـك لياقـه
وإنتـي بدايـات ونهايـات الاشـواق = واول واخـر مـن ذبحنـي فـراقـه
حبك مـن الله والهـوى دايـم ارزاق = ولالي على الهجـران يابنـت طاقـه
والشعـر والوحـده اذا زاد الارهـاق = والخافـق أطلـق للأمانـي وثاقـه
شوق بدوي ٍ كـل ماخاطـره ضـاق= أخـذ معاميلـه بسـاقـة نيـاقـه
ثم شب نار جمرها يحـرق احـراق = وسوّا عليهـا اللـي ينشـط مذاقـه
فنجـال بـن ٍ اشقـر اللـون بـراق = يسوى الوجود ومادخل فـي نطاقـه
بأرض خـلا مامرهـا زول طربـاق = اللي شهـد لـه كـل حـي بنفاقـه
خبل ٍ قضت دنيـاه مابيـن الاسـواق = واعراض خلق الله وخـط الصداقـه
للعـرض شـذاب وللشيـن سبـاق = الشكل شكل انسـان والعـرف ناقـه
لوحـاول إنـه أيتظاهـر بالاخـلاق = معروف بين الناس ( قطاع ساقـه )
واشتاقلك وانا علـى طـول مشتـاق = لعيونـك اللـي سببـت لـي إعاقـه
وتصويرك بقلبي قبل بيـض الاوراق = وكل مايساهـم فـي نمـو العلاقـه
ياللي خذيتي من الحـلا كـل مافـاق = أنشهـد إن الله عـطـاك الانـاقـه
زولك من المولى سكن وسط الاعماق = كـذا بلامعنـى عشقتـه عشـاقـه
أحب فيك اشيـاء جليـلات ودقـاق = الحب وإحسـاس المحـب واللباقـه
وإيمانك إني اعشقك وصـل وافـراق = وأصبحتي لطفـل المشاعـر بطاقـه
وإن الزمن بالبعـد ماعـاد ينطـاق = وإنـك تفاصيـل الهـوى واشتياقـه
وإني انا اكبر ( مغترب ) عبر الافـاق = أهدى لك جروحه على شكـل باقـه
شيخ ٍ ولد شيخ ٍ له المـدح ينسـاق = وبماراثـون الطيـب يملـك لياقـه
وإنتـي بدايـات ونهايـات الاشـواق = واول واخـر مـن ذبحنـي فـراقـه
حبك مـن الله والهـوى دايـم ارزاق = ولالي على الهجـران يابنـت طاقـه