حلمي

[حواء غرابيل]

السلام عليكم قبل سنه كنت معجبة بواحد يدرس معاي وايد ادعي الله ان يكون زوجي و احلامي متناقضه عنه يعني مادري فتعبت نفسيا و رحت السطح و رفعت ايدي و قلت يارب لو اهوا من نصيبي ورني رؤيا واضحه يعني استمر بالدعاء و الا انساه ؟ برتاح و بعد يومين حلمت فيه
يحط لي حمره على شفايفي كلها لونها بنفسجي غامج وايد وانا ضحكت قلت له ليش مسويني ساحره حسيت بداخله يكرهني واسلوبة مو زين معاي وبعدين طلعت قلم كحل يديد من العلبة قالي لا ومطلعه كحل بعد مع الويه قلت له اي و كحلت عيني فقط الجفن العلوي بشكل غريب اول شي مشيت عالخط بعدين طلعت لي فوق و كحلت العينين بنفس الطريقه و رمشت كذا مره وانا مبتسمة وبسس
قبل شهوور فسرت لي الحلم مفسره و قالت راح يخطبج؟ وهالسنه دريت ان تزوج
الحلم وايد شاغلني اروح و ارد عليه ياليت تفيديني و ارتاح نهائي
انا طالبة مو متزوجه