كيكة الجزر الكل رح يسألك عنها رووووعه ومفيده

[حواء غرابيل]

بتمنى تجربوها هالكيكه لأنها سهله ومغذيه وطعم وشكل ولا أحلى

عباره عن 3 خطوات

اول خطوه :4 بيض وفانيلا سائله حطي عليهم كوب زيت ذره وكوب سكر عادي وكوب سكر بني وحركي المقادير بالملعقه عادي

تاني خطوه: حطي بصحن 2 كوب طحين وملعقه صغيره دارسين ونص ملعقه يانسون حب ونص ملعقه صغيره هيل مطحون وملعقه صغيره بكنج باودر وملعقه صغيره بيكربونات الصودا وملعقه صغيره ملح
حركيهم وضيفيهم عخليط البيض والسكر
وضيفي فوقهم كوب جوز مجروش خشن و3 أكواب جزر مبشور وحركيهم كلهم بالملعقه وبصينية الفرن
http://i.imgur.com/xuDOy.jpg

وتخبز بالفرن عادي متل أي كيكه وبس تطلع حطي عليها الصلصه البيضا

الخطوه الثالثه التغطيه عباره عن: علبة جبنه فيلادلفيا200غ وشوي فانيلا سائله وملعقتين حليب سائل وسكر بودره مطحون تقريبا 2 كوب أكتر أقل مو مشكله حسب ماتحسيها بقوام حلو وصبيها عالكيكه وزينيها جوز وجزر
مع كاسة شاي ممممممممم
http://i.imgur.com/6o2QZ.jpg

http://i.imgur.com/lD9ps.jpg