المساعد الشخصي الرقمي

مشاهدة النسخة كاملة : @ جبـــروت الحســـــــن @


محمد السليس
29-05-2005, 02:41 AM
للشعر نزوه وثوره وجموح لايكبح

تغزونى كل مساء

فا ليكم هذه المتواضعه


عسي أن تنال الرضا فقط



بعض الاصوات تشرح خاطري ياسعد= وبعض الاصوات ماودي بسمعانهـا
بعد صوت الحبيب اللي لحبـي جحـد= عافت النفس كـل اصـوات خلانهـا
وعافت العيـن من عقبـه لذيـذ السهـد=واستعـادت مواجعهـا وحرمانـهـا
وكل جرحن قديم من الغـرام استجـد=والعـروق النديـه جفـت اغصانهـا
لاذكرتـة وجفنـي ساهـر مـارقـد = من عيونـي دموعـي هـل هتانهـا
اتعـوذ واردد قـل هــو الله احــد =قبل يستحـوذ الاعصـاب شيطانهـا
ياسعـد كـل ماراجـن حمـام البلـد = كـن قلبـي علـى خفـاق جنحانهـا
وكني الفاقد اللـي مـادرا وش فقـد = يقتلـب والهجـوس اقـرع ببيبانهـا
غلطة العاشق اللي في هـواه انقـرد = يوم غاص البحور وصـار غرقانهـا
حكمة الوقت ومن ثابر وجـد. وجـد = وحكمة الحب تبكـي العيـن حبانهـا
بس ياللاسف وش حصّـل المجتهـد = غيـر تحطيـم رغباتـه وكتمانـهـا
هية ياللـي ملكـت الـروح لاتبتعـد = لاترجـع لنفسـي ماضـي احزانهـا
انت وجه السعد ون غبت غاب السعـد = السعـادة علـى غرتـك عنوانـهـا
والشفايـف بنفسـج والثنايـا بــرد = والشعر ذيـل شقـراُ طـال ميدانهـا
تفتـن النـاس يافتـان بنـت وولـد = وتسمعك صمهـا تنظـرك عميانهـا
الله انة يفكـك مـن عيـون الحسـد = ومن نفوس ضعيف نـازع إيمانهـا
من خدودك بروق وفي خفوقي رعـد = غيمةٌ هـل وسـط الجـاش هتانهـا
واثق انـك بحسنـك والبهـا منفـرد = واثق انك نظـر عينـي وسلطانهـا
اطلب اللي تبـي منـي وانـا مستعـد = لعنبو مـن نطـق كلمـه ولاصانهـا
لك عيوني وقلبي ويـش باقـي بعـد = كان منوتك روحـي جـود عنانهـا
انت لك جبروت الحسن قـام وسجـد = والقصايـد عليـك تزيـن قيفانـهـا
ويالعـل العيـون ان خانتـك للرمـد = وانت منزلك خابر بيـن حجانهـا
انت غيرك بكل الكون ماحـب احـد = واهـل مكـة هـم الادرى بشعبانهـا
والله انـي لحبـك يالغضـي للابـد = لين تنكر ظهـور الخيـل فرسانهـا
ولين الف بكفن ثـم اروح يـم اللحـد = ثـم يالله علـى الدنـيـا وسكانـهـا
طف نار المعذب مـل صبـر وجلـد = وانـت تقـدح فتيلتهـا بصوانـهـا
خلني بـس ليـن اذوق طعـم الشهـد = واتمـتـع بمشمشـهـا ورمانـهـا
لايطمنـك بركـان الغلا لوخـمـد = .لاذكرتك هجوسـي ثـار بركانهـا
البعوضـة تسيـل دم راس الاســد = والمحبـه تنـزل روس شيخانـهـا
والمحب الحقيقـي لاعشـق مازهـد = لو عليه الارض ضاقـت وريعانهـا
من زرع خير بين الناس خير حصـد = ومن زرع شر تاترضيـه قشرانهـا
الأميرة الناعمة
29-05-2005, 02:43 AM
الله الله عليك يا محمد

يا ريت كل يوم تجيك نزوة علشان نشوف مثل هذه القصيدة

صح لسانك وقلبك

:ندو:
صالح الروقي
29-05-2005, 08:48 AM
الله الله


يامحمد

ياوجه السعد انت


اللهم حوالينا ولا علينا


ياشيخ تعجز كيبوردي عن وصف إعجابي بهذه الرائعه

ولكن اقول

الله يرحم والديك ويبيض وجهك

ياااعاسف الحرف




لك مني وفر الشكر



تحياتي


الرووووووووقي
خالد الشهري
29-05-2005, 01:02 PM
ما أعظم نزوتك وثورتك

صح لسانك وسلم بنانك

قصيدة رائعة الشكل والمضمون

إحترام

أسير البين
عبدالله بن ناصر
29-05-2005, 01:09 PM
ويالعل العيون ان خانتك للرمد
بس خابرك دايم بين حجانها

أين قلبها ليسمع ؟؟ أين عينها لتدمع ؟؟
في الحب يا عزيزي .. لا يوجد منطق !!
الحب قائم على اللامنطق وإلا ما كنا سلمنا أرواحنا ..
لشقراء أو سمراء تعبث بها وقتما تشاء ..
ثم تطأها بأقدامها الناعمة وضحكتها تجوب الكون .

صح لسانك .. من أجمل ما قرأت مؤخراً ..
قصيدة بطعم الأصالة .. ونكهة الجزالة .
في انتظار المزيد من إبداعك اللامنتهي


أخوك .. وحي الحرمان
أبوعبدالرحمن
29-05-2005, 10:16 PM
استاااذ استاااذ يا محمد


عيني عليك باردة

كل يوم تثبت للجميع انك هرم شعري

صح قلبك وفكرك
ناصر العبدالله
29-05-2005, 10:53 PM
أخي الغالي ،، مبدع الأبيات

محمد السليس

أسعد الله جميع أوقاتك بكل خير و مسرة

قصيدة فاقت الجمال

و وصلت حدود الإبداع ،، و اجتازته بتمكن

" صح لسانك و قلبك و لا هنت "

سلمت

و في رعاية الله دمت ،،،
فايــز بــن حمــود
30-05-2005, 01:10 AM
استاذي الكريم

صح لسانك وفكرك وبوحك

ماذا عسااي ان أقول ؟!!

فلو سقت لك عباارات المديح والثناء لن تفي حق هذه الراائعة

نعم مبدع ولكن ابداع خيالي

هنيئا لنا بقراءة هذه الجميلة

دمت وداام تواصلك

تلميـــــــــــــــــــــ ــذك
عبدالرحمن الجبابرة
30-05-2005, 01:53 AM
معلّقة الحُسن هنا


تطرب الوجدان

وتروي الظمآن

حوت كل بديع

وكأنها الربيع

في كل شبر زهره

وارضها مخضرّه

صح لسانك وفكرك وسلم بنانك يا محمد

قصيدة عانقت القلوب والأعين


دمت ودام إبداعك لنرتوي منه
همسة غلا
30-05-2005, 02:11 AM
ما اجملها من كلمات وما اروعها من حروف

وما اقساه من انتظار

جميل جدا ماخط ونثر من مشاعر فياضة وكلمات دافئة

كان بها همس ونداء للحبيب الغائب المنتظر

السليس

لايسعني الا أن اقول

دمت ودام ابداعك لغرابيل المحبة



تحياتي
" عبدالله زايد "
30-05-2005, 03:24 AM
.
.

اخوي محمد ..


صح السانك علي هذه الرائعه ..


تقبل تحاياي.

.
.
.
نياف العتيبي
30-05-2005, 08:27 PM
حتى انا ياااااخال

بعض الشعر يشرح خاطري

واولهم انت وشعرك

صح لساااااااااانك

ولاهنتتتتتتتتتتتتتتتت

الناااااااااااااااايف
مفرح بن مناحي
30-05-2005, 09:21 PM
الله الله يا السليس

مهما قلت لن أوفيك حقك من الثناء

شاعر أطرب له ولشعره

لله درك

وبانتظار جديدك ..

لك أطيب تحية ..
نايفة شمر
31-05-2005, 12:44 AM
ياسلا1111111111م



ما اقول غير ربي يخليك وصح السانك ولاهنت




اختك نايفه
بنت الشيوووووخ
31-05-2005, 02:05 AM
بس ياللاسف وش حصل المجتهد
غير تحطيم رغباته وكتمانها
هية ياللي ملكت الروح لاتبتعد
لاترجع لنفسي ماضي احزانها
صح الله لسااااااااااااااااااااااا ااااااانك ملاييين
ولاهنت
اطلب اللي تبي مني وانا مستعد
لعنبو من نطق كلمه ولاصانها
لك عيوني وقلبي ويش باقي بعد
كان منوتك روحي جود عنانها
انت لك جبروت الحسن قام وسجد
والقصايد عليك تزين قيفانها
ويالعل العيون ان خانتك للرمد
بس خابرك دايم بين حجانها
انت غيرك بكل الناس ماحب احد
واهل مكة هم الادرى بشعبانها
والله اني لحبك يالغضي للابد
لين تنكر ظهور الخيل فرسانها
ولين الف بكفن ثم اروح يم اللحد
ثم يالله على الدنيا وسكانها

واطلب اللي تبي منا وحناوالله مستعدين كله على شااااااان نشوووووف مثل هذه ااارائعه كل يوووووم
تحيااااااااااااااتي
محمد الدغيري
31-05-2005, 04:08 AM
حضرت وحضر هنا الكبار

وما لمحمد اي كلام بـ عد التصفيق والتهليل

صح لـ سانكـ
بريق الماس
01-06-2005, 08:42 PM
اتعوذ واردد قل هو الله احد
قبل يستحوذ الاعصاب شيطانها

الله عليك

رائع ... ما اقدر اقول اكثر من كذا

صح لسانك

بريق الماس
أمل عبدالعزيز
02-06-2005, 03:18 AM
,
,
,
ليست متواضعة

بل هي رائعة

هي قمَّة من قصائدك الراقية

هية ياللي ملكت الروح لاتبتعد
لاترجع لنفسي ماضي احزانها
انت وجه السعد ون غبت غاب السعد
السعادة على غرتك عنوانها
والشفايف بنفسج والثنايا برد
والشعر ذيل شقراُ طال ميدانها
تفتن الناس يافتان بنت وولد
وتسمعك صمها تنظرك عميانها
الله انة يفكك من عيون الحسد
ومن نفوس ضعيف نازع إيمانها
من خدودك بروق وفي خفوقي رعد
غيمتن هل وسط الجاش هتانها
واثق انك بحسنك والبها منفرد
واثق انك نظر عيني وسلطانها


لله در قلبك يامحمد على مثل هذه العذبة

ويبقى الشعر رهيب حينما يكون من قلب صادق وحس راقي مثل حسك ياعزيزي

وهل الشوق والوجد إلا العيش في ربوع الروح المحبوبة!!!

دام نبضك بروعة كما اعتدنا عليه يامحمد....
محمد السليس
22-07-2005, 04:11 AM
الاخت

حساااسه

هلا وغلا يالسنااافيه

وصح بدنك ولاهنتى طال عمرك

دمتى بخير
نوض سدير
22-07-2005, 04:37 AM
،
،
،

بصراحه يقف اللسان حائر امام هذه الرائعه من روائع (محمد السليس)
،
،

فكيف لاتكون رائعه وهي منه ..ونقرأ لك الأروع دائمـــــاًً
.
.

احساس مرهف
.
.
وعذوبه كلمه
.
.
ودقه في التعبير
.
.
وجزالت لفظ
.
.
ويكفي انها استهوتني وقرأتها اكثر من مره

تقديري لقلمك/


نوض سدير
ابراهيم ناصر بن مرشد
22-07-2005, 05:17 AM
أستاذي القدير / لم أتمالك نفسي في إبداء إعجابي

(أحسست بأنني أمام معين زلال متدفق يزداد عذوبة وتدفق .........)



لا هنت يا راس الرجاجيل.........................وابش� � بعزك بإذن الله.
عبدالله محمد
30-07-2005, 12:38 AM
أخوي الغالي / محمد السليس صح لسانك فعلا لا نستطيع أبد أن نعبر إبداعك الملحوظ كل قصيده من قصائدك تأخذ طريقها إلى القلب مباشرة أنت فعلا أمتعتنا بهذه القصيده وبكل قصائدك ياأخ محمد جعلت الجميع يستمتعون بما تكتب وكلنا وبلا شك كسبنا وكسبنا شاعرا متمكنا سنستفيد منه الكثير والكثير ويكفى أننا أجتمعنا مع شاعر مبدع ومتألق وبالتوفيق .
وتقبل خالص تحياتي ،،،،،،،،،
أخوك الشاعر : عبدالله محمد
محمد السليس
20-09-2005, 03:19 AM
لاهنتى يااحسااسه

صح بدنك

ودمتى بخير
احمد العتيبي
20-09-2005, 07:56 AM
اخوي محمد ..


صح السانك علي هذه الرائعه


تحياتي لك وتقديري


اخوك احمد العتيبي
عريمان السبيعي
20-09-2005, 05:14 PM
محمد السليس
لله درك ياشيخ
صح لسااانك من هنا إلى عفيف
تحاياي
علي عبدالرحمن الأسمري
20-09-2005, 09:27 PM
آخر حلاوة وروعة ليس لها الا الكبار
الله يسعد مساك اخوي محمد
وصح لسانك بلا عدد
تحياتي
الحزنّ الأكيدّ
21-09-2005, 07:51 AM
محمد السليس

أسعد الله جميع أوقاتك بكل خير ومسره

الله الله عليك ياسلام ابيات ولا اروع منها

صح لسانك ولاهنت ياجزل كتبت فأبدعت

لاتحرمنا من روائعك الجميله

الحزنّ الأكيدّ
مهدي بن مسفر الحبابي
03-10-2005, 04:57 PM
صــح لســاااااانك وبـيـض الله وجـهـك



ســلـمــت ودمـــت ولاهـــنـت


قـصيده جـزله مـن شاااعر جــزل ومـتـمكن



رايـعـه بــروعــة حـضــورك


تــقـبل خالص تحياتي وتـقـديـري
محمد السليس
09-12-2005, 04:23 AM
ما أعظم نزوتك وثورتك

صح لسانك وسلم بنانك

قصيدة رائعة الشكل والمضمون

إحترام

أسير البين

خالد الشهري


ياربي حيه

لاهنت على المتابعه

لاهنت يالقرم

صح بدنك
محمد السليس
09-12-2005, 04:29 AM
الله الله


يامحمد

ياوجه السعد انت


اللهم حوالينا ولا علينا


ياشيخ تعجز كيبوردي عن وصف إعجابي بهذه الرائعه

ولكن اقول

الله يرحم والديك ويبيض وجهك

ياااعاسف الحرف


لك مني وفر الشكر

تحياتي


الرووووووووقي

اخى العزيز والغالي صالح الروقي

مااعليك زود والله

وياربي حيه

لاهنت على المتابعه

لاهنت يالقرم

صح بدنك


وبيض الله وجهك
تحياتي
حمد الشدادي
09-12-2005, 08:03 AM
محمد

اي ابهااار الذي انت فيه


واي ذهول الذي نحن فيه


الردود لا توصلكـ احاسينا واعجابنا بقافكـ

الله لا يضركـ يا مذهل .

دام نقاؤكـ .
ليــن القســا
09-12-2005, 12:08 PM
ثورة ..شعر بالفعل طاغية ..
اكتسحت الوجدان ..واستقرت فيه
لاعدمنا مثل هذا البوح العذب ...
حسن القحطاني
10-12-2005, 11:06 PM
\
/
\

للشعر نزوه وثوره وجموح لايكبح

تغزونى كل مساء

\
/
\

وعافت العين من عقبه لذيذ السهد
----------------- واستعادت مواجعها وحرمانها




تحية طيبة ،
ومساااء الخير والسرور ،
صح لسانك ، والله يعطيك العافية ،
لا شيء معي سواء إعلان الاستلام ،
من هذا الغزو الرائع والمُحزن يا سيدي ،

مع وافر تحياتي وتقديري أستاذي ،

لا خلا ولا عدم ،
سلطان بن غتران
11-12-2005, 12:30 AM
الله الله الله مأروعك

ابيات
سلسه..جميله ..رائعه.....الخ....الخ...الخ
ضع عزيزي ماتشاء من عبارات الاطراء ماتريد ولن تكون الا القليل القليل في حق هذه الرائعه
لقد ارت ان تشعر فغنيت وابدعت


وفقك الله