المساعد الشخصي الرقمي

مشاهدة النسخة كاملة : لو كان الود ودي...كنت ودي اصير بنت...ايه بنت وشفيها..


ThAmErOnA
25-05-2005, 12:47 PM
لو أنا بنت .. مااشيل هم مين يسدد فاتورة جوالي !!

لو أنا بنت .. مااشيل هم السواقه ووجع القلب خصوصا في جدة.. وتغيير زيت .. وبنزين..

لو أنا بنت .. دايم احصل سيارة السواق جاهزة .. ما أنتظر احميها واجلس استني عشان اشغل المكيف !!

لو أنا بنت .. مااشيل هم تجميع المهر .. والزواج .. وتأثيث البيت.. وتكاليف الحفلة !!

لو أنا بنت .. كان ماأضيف احد في الماسنجر .. كل الشباب يضيفوني ..

لو أنا بنت .. كان احصل كل يوم في إيميلي أغنية هدية .. كلام حلوووو .. مو زي ايميلي كله تمااااااسيح .. ودعايات ... لا واليومين هذي صار تجينا رسايل ما ادري من وين تجيء...

لو أنا بنت .. ادخل الشات .. واقوول انا طفشااااااااانه .. وراح اجد انه الكل يبغى يرضيني !!

لو أنا بنت .. اطلع كل يوم في العصرية للسوق ماعدا يوم الخميس اروح لاي سوق ..واسمع الكلام الحلووووو اللي بيقولوا الشباب عني !!

لو أنا بنت .. البس احدث انواع العبايات المخصره.. ومن تحتها بنطلووون جينز ضيق واخلي العبايه مفتوحه من اسفل ..<< اعصابكم ياشباب والله هذا كلااااام لحد يتهور !!

لو أنا بنت .. قبل مااطلع اغطس نفسي في مستنقع من العطوووور .. يعني عشان يفكروني جالون عطر !!

لو أنا بنت .. كان احصل كل حاجه جاهزه.. الزوج.. البيت .. الأكل ..السيارة .. السواق.. المكأفاه.. البتاع.. كل حاجه ..مافيه اي تعب او معاناة .. إهي إهي إهي ياليتني بنت..

لو أنا بنت ..كان اجمد بعض المحاضرات ونطلع أي كوفي في التحلية والا الجمجوم .. يعني نشرب كهوة السبااااااح .. ياااااااروحي على سباااحكم ..

لو أنا بنت .. كان احط كل انوااااااع البويااااات .. اوه سوري (معليش يمكن عشاني بنت جديده) قصدي المكياج على وجهي واركب مع السواق واجلس جنب القزاز ومااطالع في احد ... وااااااو احب الشعور هذا .. راح احس وقتها انه انا اشارة المرور الكل بيبص فيه!!

لو أنا بنت ..كان اخذ من ابويه فلوس .. ومن امي فلوس .. ومن اخويه فلوووس .. ومن الواد الوسيم اللي ضحكت عليه كماااااان فلووووس !!

لو أنا بنت .. كان جوالي مايجلس ساااااكت .. رسايل غزل .. وكلام حلوووو .. ولاااااا كمان مكالمات وانا اسوي نفسي ثقيله .. ايش تبي .. من فين جبت رقمي؟؟.. يعني مااطفش لو للحظه واحده.. مو زي جوالاتنا ماتجينا رسايل الا من شركة الاتصالات ياالله ياابو الشباب سدد الفاتورة..!!
والا إتصال من عجوووووز في مقتبل العمر.. وتقولي هلووووو هلوووو هذا منزل معيض؟؟ .. وانا من قوة الصدمه لما سمعت الصوت الغريب هذا!! ماعرفت ايش اسوي .. كنت واقف وبعدين انسدحت... قلت لها ياجده هذا أول شي إسمه جوااااااال مو منزل.. وثاني شي هذا جوالي ورب الكعبه مو جوال معيض.. قالت : هلوووو طيب شكراً .. هاهاهااااااااي من جد حصل الكلام هذا !!

لو أنا بنت .. كان اطلع طريق الملك واجلس امشي وبأكل بطاطس شيبس .. يعني عشان اخسس ويصير جسمي حلوووو ...

لو أنا بنت ..اجلس مع صديقاااااتي .. واقول تصدقووو يابنات.. انا تعبت من الشباب هذولي .. انا ملاحظه انهم مابيضايقو الا اناااااا .. يعني عشاني احلى وحده فيكم من جد هذا ظلم!! .... هاهاهاااااااي .. والله لو انا بنت وقتها راح أكل ضرب من صديقاتي قالك احلى وحده فيهم !! هاهاااااي << وجع .. ايش فيك تضحك والله من جد انا احلى وحده..

لو أنا بنت .. كان مااشيل هم الزحمه عند الحلاقين .. واشيل هم الدقن اذا طولت .. وشعر رأسي!!

لو أنا بنت .. كان ما تحصلني لاااابس الزي السعودي .. غترة,, طاقيه,, عقال,, ثوب,,فنيله ,, سروال طويل ,, وكمان واحد قصير ,,شراب ,, جزمه وانتو بكرامه ,,قلم,, محفظة في الغالب فاضيه ويااااااكثر البطايق فيها تقول دفتر سن توب,, جوال+فاتورة جوال,,وبعض الاحيان ,, ملف علاقي <<<عاطل ... على قوووول اغنية محمد عبده .. مجموعة إنسان .. بس احنا هنا مجموعة عفش متحرك .. من جد تعب!! ..

لو أنا بنت .. كان ماأدخل المطبخ.. ولا اقشر البصل .. واااو على ريحته ماتطلع من الأيادي ..بس يعني اذا دخلوني بالقوة .. راح اجلس العب في سائل فيري !!

لو أنا بنت ..كان الشباب الأغبياء .. يجلسو يطاردو سيارتنا .. وانا مع السواق .. (ابغى اكون بنت عشان المنظر هذا ) كدا راح احس اني في معركة.. والسيارات عن اليمين وعن اليسار وسيارتنا في المقدمه!!

لو أنا بنت ..كان اجلس طووووول اليوم أمام المرايه ..وهاتك تلوين في الوجه .. وتمشيط في الشعر.. تصدقوا بصراحه مااحب النقطه هذي .. لانه الجلوس أمام المرايه ووضع المكياج .. يفكرني بحصة الفنية .. وانا مااحبها ..

لو أنا بنت .. أدخل كل محل.. مايقف في وجهي أي شي.. مو عشاني سوبرمان .. لا بس عشاني بنت .. مو أحصل لوحااااات للعوائل في كل محل اروح له .. وحراس آمن عمى في شكلهم الواحد يفصل مني أربعة..

لو أنا بنت ..والله بتشرف اكون بنت .. على الأقل استريح ... من حاجات كثيره.. والبنات لايزعلوووو ترى الموضوع لمجرد المزح ... و الفرفشه ..مو تحطوني على رأس قائمة المطلوووووبين !!
مجرد موضوع للخروج عن الروتين!! بس فيه عدة نقاط من جد ياحظكم فيها .. بصراحه هو شعور متبادل يعني في بنات كثير بيقولوا ياليتني ولد!! والعكس .. حب التغيير .. او لمجرد الهروب من المشاكل التي تواجهنا..










( نقلا من بعض الاخوان مع بعض التعديل)
المساعد
25-05-2005, 01:08 PM
ههههههههههههههههههههههههه ههههههههههههههههههههههههه ه



الله يرجك


مشاركه حلووووووووووووووووووووه مره والله


تسلم
ThAmErOnA
25-05-2005, 03:44 PM
يعطيك العافية عالمرور :نأ:
بسمة امل
25-05-2005, 08:54 PM
لو انا ولــــــــــــد :
كنت اول مااطفش ادق سلف واطلع وين ماابي
لو انا ولــــــــــــد :
ماشلت هم الدراسه لأن الدراسه في الخارج مضمونه
لو انا ولـــــــــــــد :
كان أروح اشجع فريقي وين ماراح مو اقعد قدام التلفزيون هذا اذا سمحوا اشوف المباراه
لو انا ولـــــــــــــد :
كان بأي مناسيه ماشلت هم اللبس و......... و...........
لو انا ولـــــــــــــد :
كان اللي ابيه أأشر عليه ويجي .....


اللهـــــــــــــــــــــ ــــــــــــــــــم لا اعتراض .....
خــــالـــــد
25-05-2005, 10:40 PM
ثامرونـا

.
.

لو أنت بنت كنت أنا أسعد وااحد في الدنياا


ههههههههههههههههههههههههه ههههههه

لأنك معي مسنجر ومبسطني .. بس قهر



لو أنا بنت .. كان ما تحصلني لاااابس الزي السعودي .. غترة,, طاقيه,, عقال,, ثوب,,فنيله ,, سروال طويل ,, وكمان واحد قصير
هذي يبي لها وقفة تأمل يا بو سراويل


ههههههههههههههههههههههههه ههه

الله يرجك بس

شكراً لك





أخوكـ/خالد
ThAmErOnA
28-05-2005, 09:47 AM
لو انا بنت كان كل يوم واحد من اخواني يعطيني بقس :icon_chee
شعاع الحزن
28-05-2005, 02:23 PM
والله من الخيبه الا أنــــت فيهــــا

اتاريـــــك تعبت وانت كل يوم تلبس غترة,, طاقيه,, عقال,, ثوب,,فنيله ,, سروال طويل ,, وسروال قصــير ..

روح لامك وقول لها يمــــه لبسيني ..

اقولك سر يا ثامرونا تراني اخاف عليك من صالح الروقي زعيم التماسيح

ترى راح يعتبره تمرد منك عليهم .. وبيرسل لبيتك جمس الهيئه

ههههههههههههههههههههههههه ههههههـــــاي ..
ThAmErOnA
28-05-2005, 04:39 PM
والله من الخيبه الا أنــــت فيهــــا

اتاريـــــك تعبت وانت كل يوم تلبس غترة,, طاقيه,, عقال,, ثوب,,فنيله ,, سروال طويل ,, وسروال قصــير ..

روح لامك وقول لها يمــــه لبسيني ..

اقولك سر يا ثامرونا تراني اخاف عليك من صالح الروقي زعيم التماسيح

ترى راح يعتبره تمرد منك عليهم .. وبيرسل لبيتك جمس الهيئه

ههههههههههههههههههههههههه ههههههـــــاي ..
:confused: :confused:

اول شي الموضوع منقول

أعتقــد الهـــدف مـــن كــتــابة المـــوضـــوع .. انتقــــــاد

بعـــض تصـــرفـــات بنـــات هالجيـــل ( البعض وليـس الكــل ) ..

تــروح وتجــي وتطلــع وتنــزل .. ووتتصـــرف بكــــل مــا تــريــده ســواء صــح

أو غـــلط .. بــدون حسيـــب أو رقيـــب .. همـــها الوحيـــد

مجـــاراة غيــرهــا فــي تصــرفــاتهــا .. ولفــت الانظـــار لهـــا ..
SAUD
28-05-2005, 05:58 PM
يعطيك العافية
(مـــرام)
28-05-2005, 10:51 PM
والا إتصال من عجوووووز في مقتبل العمر..)

ههههههههههههههههههههههههه ههههههههه :11age5: :11age5:
:11age5:


حلووووه عجوز في مقتبل العمر :icon_mrgr :ياهو:
ThAmErOnA
29-05-2005, 10:25 AM
سعود .. مرام .. يعطيكم العافية ع المرور :icon_redf
خــــالـــــد
29-05-2005, 10:04 PM
ثامرونا .. رضا قلبي !! تمزح معك
*المصروعه*
29-05-2005, 10:39 PM
اممممممم مين هذا المعترض على انه ولد ....

شكوو بس طبعا اكيد زي ما قلت

مجرد موضوع للخروج عن الروتين!! بس فيه عدة نقاط من جد ياحظكم فيها .. بصراحه هو شعور متبادل يعني في بنات كثير بيقولوا ياليتني ولد!! والعكس .. حب التغيير .. او لمجرد الهروب من المشاكل التي تواجهنا..

بيباي
ناعمة
30-05-2005, 03:04 AM
لو انا ولد كان عندي سيارة

لوانا ولد كان ماتلقون الا بديره الاحباب

لو انا ولد كان البس ثوب وشماغ وووو

لو انا ولد ...............
























بس بصراحه الحمد لله اني بنت

وكل ماذكر اعلى غير صيحيح عن البنات

لانهم مو كلهم كذاااااااا

وشكرا على الموضوع المصرقع
ThAmErOnA
31-05-2005, 08:47 AM
خالد .. تمزح او ما تمزح ما علي منها..

المصروعة .. كلامك عين الصواب .. واصلا حرام اللي يقولي ياليتني ولد او بنت..

غربلوها .. الموضوع هو خروج عن الروتين لا اكثر .. ويعطيكم العافية..