رابع شهر مامرني منك مرســال*

[حواء غرابيل]

آليوم جآيبة لكم قصيدة لشآعر سلمان الوهيف الرويلي ..



اداء : معدي العتيبي



شفت العرب وشلون تفرح بهمال * لامن نزل من بعد ماهم ضمايـــا


تباشروا في جيته صافــــي ازلال * وهنـــــو بعضهم مع كثير الدعايـا
هذا شعوري لا وصل منك مرسال * يوم الوفاء من بيننا والعطــــــــايـا


يومك حريص بالمحبه والإقبــــــال * يومك لاجل قربي تسوي سوايــا
حبك شربته بأول الوقت فنجـــــال * وهجرتني من دون ذنب وخطايــا
اليوم اشوفك ناوي قطع الاوصـال * والصد منك لامع في سمايـــــــــا
رح بطريقك لاتجيني وتختـــــــــال * حبك رميته من حياتي قفايـــــــا


ماهمني صدك وبعدك ولو طـــــال * ولاهمني كثر الحكي والوشايــا
الحمد لله عايش بخير وامـــــــــال* ودايم سعيد وعايش في هنايـا


حبيت غيرك واحد روق البـــــــــال * غــــرو فريد بالدلع والحلايـا
استغفر الله مامضى كله اخيـــال * ولاهو صحيح هالحكي والنوايــا


واللي خلقني ضايق وهمي جبال* صدك ذبحني مابقى بي بقايـــــا
حاولت اكابر ياحبيبي بالأقــــــوال* وازريت أمثل في قصيدي قسايــا
عيت حروفي لاتجي فيك بهــــزال* كن القوافي حافظة للوصايــــــا
وش حيلتي في حرقة الدمع لاسال *لاصرت اناظر صورتك بالزوايـــــــا


يمرني طيفك واناديه مــــــــــوال *يالعن ابوه الشوق زود عنايـــــــا
رابع شهر مامرني منك مرســال* ماغير اراقب بيتكم بالخفايــــــــــا


يمكن اشوفك من ورا الباب لامال *وافرح بشوفك وارتوي من ضمايـــا
هذا شعوري في غيابك والاحوال *قلبي ملكته من جميع البرايـــــــا


++++++++++++++++++++++++++++++++++
http://www.youtube.com/watch?v=4IM7YTpVssI