افكار حفل تكريم الطالبات والعيد الوطني

[حواء غرابيل]

السلام عليكم
بنات شرايك نشارك بعض بأفكار لحفل تكريم المتفوقات في المدرسة والعيد الوطني
من ناحية طريقة دخول الطالبات والاغاني ووين تسوون اغاني الدخلات وتنظيم الحفله
وتلبيس المسرح والكراسي من وين تاخذونه
ابي اماكن متخصصة لتنظيم مثل هالحفلات يعني يحطون مدرجات للحضور والمعلمات
ويلبسون المكان والمسرح ويزينون المسرح بعد
هم ياليت اللي تعرف ارخص اماكن يخيطون ارواب التفوق واذا فيه موديلات جدييدة

وبالنسبة للفقرات ياليت نتعاون ونتشارك بالفقرات المميزة ولبس الطالبات
يعني شنو اغاني جديدة ممكن نستخدمها مانبي افكار تقليدية
ودنا بأفكار جديدة
بنات يالله همتكم معاي
حتي لو افكار حفلات مدارسكم السابقة يمكن نستفيد منها

يعني اذا شفتي او سمعتي عن فقرة او مشهد او حركة حلوة بمدرسة
ياليت تفيدينا فيها
حفلتنا الاسبوع الجاي وللحين ماجهزنا الافكار