للمرة الثالثة اقولها لكم انتبهوا

[النصرالعالمي]

انتبهوا لا يغركم الفوز على متذيل الترتيب فهو امر متوقع كونه لم يحقق سوى انتصار يتيم طيلة مسيرته في الدوري

اللي نبيه مباراة الشباب فهي الانطلاقة الحقيقية لنيل مراكز متقدمة في الدوري

فالمركز الخامس بيننا وبينه ثلاث نقاط فقط وبين السابع نفس النقاط


قلتها قبل في موضوع خلونا في هجر لا نموت قهر

وكان المقصد التركيز على مباراة الفريق مع هجر وللأسف تم تجاهل كلامي والنتيجة جت مرة تعادل على ارضنا ونقص في الخصم

وبرضو في مباراة الاتفاق ويا قلب لا تحزن جت النتيجة على رؤوسنا

اليوم كسبنا عودة بوقاش والسهلاوي وعزيز وكيم بالرغم من نيله البطاقة وكذلك الغامدي وعباس وشراحيلي وعسيري ومحمد عيد وعبدالله العنزي بالرغم من الهفوات

اللي حصلت من اللاعبين

الاهم الحين نركز على مباراتنا قدام الشباب نبي نقاط الشباب كاملة ولاعبينا قادرين على هالشي خصوصا بعد ما يتبين لماتورانا نقاط قوة فريقه


يا اخوان اللي يبي يقاطع المدرج واللي يبي الرئيس يرحل مو وقته هالكلام خلونا مع الفريق المراحل القادمة اصعب


يا جماعة والله اني اتمنى رحيل فيصل بن تركي كثر ما تمنيت قدومه للنصر

بس لكل وقت اذان ما نقدر نأذن لصلاة الفجر قبل وقتها كذلك ما يصير نطالب بشي يضرنا

خلونا مع الفريق حاليا ونهاية الموسم يصير خير حتى لو تبون تهدمون النادي عادي


يا جماعة الحين وقت الالتفاف حول الفريق ورئيسه الفاشل


الا اذا انتم تبون يصير لنا نفس اللي صار في مباراة هجر والاتفاق

العاقل يعرف مو وقت مقاطعات ولا مطالبات لا فيه انتقالات واي استقالة تضر بالفريق

نبي نستمر عسى ربنا يوفقنا في بطولة كأس الملك للأبطال


تكفووووون ركزوا على مباراة الشباب وتحفيز اللاعبين بغض النظر جيد او سيء