عبدالعزيز العضياني
14-02-2012, 11:14 PM
هذه مشاركه بسيطته
كتبتها بعد ان تمت دعوتي لاحتفال (نادي السرطان التطوعي)
والذي من المفترض ان يكون يوم الاربعاء الماضي
في المستشفى العسكري بـالرياض
ولكن للاسف تم تأجيله لأسباب لا علم لي بها
اتمنى ان تنال مشاركتي على اعجابكم ورضاكم
سلام يا اهل الحفل واللي يحظرون = من شاعرٍ يتبع خوافي شعوره
تسليمةٍ تنعد بألفين مليون = من قلب مخلص وافيٍ في حظوره
السالفه ماهي على كيف وشلون = بعض السوالف بين خمده وفوره
بعض القصص تبكي على شانها عيون = حبكة خيال الفكر ولا زهوره
والطيب عز وكل ابوكم تعرفون = دار المبادي بالفعول معموره
دار الزمان واصبح الناس يحكون = عن ناس راحو بالحسان مخبوره
تغيرت اطباع وافكار وظنون = دوة زمن يا جعلها ما تدوره
صارو هل العادات ناسٍ قديمون = وراع الكرم هالحين محدٍ يزوره
والاجودي قالو ضعيف ومغبون = ولا السنافي ما يسنع اموره
واللي مطوع شخص بالي ومدفون = واللي كذا يمكن كذا لو تدوره
تقافة الديمن على إكـ. بستون = ثقافة الطبله وملعب وكوره
اكبر طموحٍ للشباب الحديثون = نكته رساله ثم مقطع وصوره
ماهم جميع اشباه لكن قليلون = الوضع شين وزايدتبه خطوره
فينا شبابٍ يحكي القول موزون = حكيم راي وعرف ولا مشوره
احلامهم فوق السحايب ويبقون = مثال حي وينكتب في سطوره
واكبر دليل لهالشباب العظيمون = من نظم الحفل وسعى في حظوره
يالله تجزيهم جنانك ويحيون = حياة عز بوقت زايد سروره
ويا ناس يلي في حكانا توحون = الصدق زين ويكفي الصدق نوره
اخلاقنا هي كنزنا كان تدورن = في وقت شين واشين الوقت زوره
من يفعل المعروف للناس الادنون = لا ينتظر رد الجميل وشكوره
الخير خير وصاحب القلب ماعون = وكلٍ على قاربه يقطع بحوره
شفت المرض ماهو مرض قلب وعيون = مرضى القلوب الحاسدات الحسوره
وشفت السعد في ساعة الناس يمسون = صلاة ليلٍ لين حزة سحوره
من يدعي الرحمن ثم يطلب العون = يعود فايز والذنوب مغفوره
يالله يارب السما مالنا دون = بابك رجا واسمح لنا في عبوره
يالله تشفي كل مبلي ومحزون = وتبدّله بالخير تذهب شروره
يالله تغفر للحظور الملبون = وتستر عليهم كل زله وعوره
وسلام ياهل الحفل واللي يحظرون = من شاعرٍ يتبع خوافي شعوره
وسلامتكم
كتبتها بعد ان تمت دعوتي لاحتفال (نادي السرطان التطوعي)
والذي من المفترض ان يكون يوم الاربعاء الماضي
في المستشفى العسكري بـالرياض
ولكن للاسف تم تأجيله لأسباب لا علم لي بها
اتمنى ان تنال مشاركتي على اعجابكم ورضاكم
سلام يا اهل الحفل واللي يحظرون = من شاعرٍ يتبع خوافي شعوره
تسليمةٍ تنعد بألفين مليون = من قلب مخلص وافيٍ في حظوره
السالفه ماهي على كيف وشلون = بعض السوالف بين خمده وفوره
بعض القصص تبكي على شانها عيون = حبكة خيال الفكر ولا زهوره
والطيب عز وكل ابوكم تعرفون = دار المبادي بالفعول معموره
دار الزمان واصبح الناس يحكون = عن ناس راحو بالحسان مخبوره
تغيرت اطباع وافكار وظنون = دوة زمن يا جعلها ما تدوره
صارو هل العادات ناسٍ قديمون = وراع الكرم هالحين محدٍ يزوره
والاجودي قالو ضعيف ومغبون = ولا السنافي ما يسنع اموره
واللي مطوع شخص بالي ومدفون = واللي كذا يمكن كذا لو تدوره
تقافة الديمن على إكـ. بستون = ثقافة الطبله وملعب وكوره
اكبر طموحٍ للشباب الحديثون = نكته رساله ثم مقطع وصوره
ماهم جميع اشباه لكن قليلون = الوضع شين وزايدتبه خطوره
فينا شبابٍ يحكي القول موزون = حكيم راي وعرف ولا مشوره
احلامهم فوق السحايب ويبقون = مثال حي وينكتب في سطوره
واكبر دليل لهالشباب العظيمون = من نظم الحفل وسعى في حظوره
يالله تجزيهم جنانك ويحيون = حياة عز بوقت زايد سروره
ويا ناس يلي في حكانا توحون = الصدق زين ويكفي الصدق نوره
اخلاقنا هي كنزنا كان تدورن = في وقت شين واشين الوقت زوره
من يفعل المعروف للناس الادنون = لا ينتظر رد الجميل وشكوره
الخير خير وصاحب القلب ماعون = وكلٍ على قاربه يقطع بحوره
شفت المرض ماهو مرض قلب وعيون = مرضى القلوب الحاسدات الحسوره
وشفت السعد في ساعة الناس يمسون = صلاة ليلٍ لين حزة سحوره
من يدعي الرحمن ثم يطلب العون = يعود فايز والذنوب مغفوره
يالله يارب السما مالنا دون = بابك رجا واسمح لنا في عبوره
يالله تشفي كل مبلي ومحزون = وتبدّله بالخير تذهب شروره
يالله تغفر للحظور الملبون = وتستر عليهم كل زله وعوره
وسلام ياهل الحفل واللي يحظرون = من شاعرٍ يتبع خوافي شعوره
وسلامتكم