رجيم التمــــــــر واللبــــــــــن 2- خطوات نزول الوزن

[حواء غرابيل]

السلام عليـــــــــــــــــــكم
بنات كنت كتبت موضوع عن رجيمي الخاص واللي كنت مسويته ونجح وريحني وايد

بنات قلت اكمل معاكم مشوار رجيم التمر واللبن وازيدكم معلومات عنه تبــــــــون ؟؟ لأني اكتشفت إن وايد بنات مو فاهميــــــــن مظاهر الرجيم واعراضه

شوفوا بنات
ترى كل كل كل طريج تمشونه له عقبات ومعووقات وهذا الكلام بفتح له موضوع خاص منفصل

انا الحين بشرح لكم الأعراض اللي لازم تطلع عليكم ::
تراها 3 مراحل بنمر عليها بفقهكم فيها عدل عدل

لمـــــــــا نبدأ في هالرجيم أحــــــــــــــــــــــل ى شي فيه انه يصدم الجسم لا تتعجبون راح نقدم صدمة للجسم

وهاذا اللي نبيه
نبي نوجه رسالة صدمة للجسم لأن جسمنا من الدلـع والبلـع ما شاء الله ما يأثر فيه اي شي ولا ينفع معاه لو نشيل عنه اشياء وايد ما يهمه الحبيب جسمنا مخززززززن عنده مخازن هههههههههه حشا جمل ههههههه

المهم :
اكتشف الطب ان في الجسم خاصية حماية مهمتها انها تقدم تعويض مستمر لأي نقص لعدم الوصول الى حافة الانهيار

أبـــد بالضبط مثل الرف
لما تحطين كتب كتب كتب تلقين الرف متماسك ماعليه اي أثر ليش ..؟؟؟ لانـــــــــــه قاعد يقاوم بأي طريقة لكن ان فقد المقاومة وتعب راح ينهــــــــــار فجأة

وهاذي لعبتنا ......
هذا هو شغلنا بالتمر واللبن بنقول للجسم ماكو ولا ولا ولا شيء تتغذى عليه ماكو الا هالشيئين يحفظون لك صحتك فقط لا غير
ماكوووووو شي تسوي عليه بناء اللحوم والشحوم

عاد الجسم بينصدم مسيكين :
عاد ان حققتي الصدمة وووووويــــــــــــه إنت ممتازة تعتبرين بالرجيم وصلتي المرحلة الثانية

شنو اعراض الصدمة ........ اييييييييييي هني الكلام
اعراضها ان الجسم لما بيدافع عن نفسه ماراح يسكت لا بيتهاوش ايه جسومنا مهاوشجيه من كثر الأكل اللي كليناه
راح يشن عليــــــــــج هجمات الجووووووووووع والاحاسيس المأساويه والمشاعر الحزينه

- تحسين انج مسكينه ...... وانت ولا مسكينه ولا شي
- تحسين انج فقيـــره .... وانت ماكله مطاعم الكويت كلها
- تحسين انج محرومه ... وانت لو تبين حليب الحمام بتحصلينه

احاسيس ومشاعر خاطئـــــــــــة
سببها التفكير وانج تتفقدينه اول بأول مو معلمته عالنظام معلمته عالدلع

المهم :: قومي خلي عنج هالخرابيط والاحاسيس الكذابه انتبهي للهجمات تراها مو صج كلها تمثيـــــــــــــــل بتمثيل مسلسل ماله نهاية الا الكروش والزغاديد

باسم الله ما مداج بديتي رجيم توج ...
تلاقينها يومين رجيم الثالث فيها بجيه ودها تبجي هههههههههههه

هاذي هجمة الجسم يشن عليك هجمه نفسية ويهيج احاسيس الجووووووووووع

خلاص عرفتوها ........
وايد وايد عند هالمرحله يوقفووووووون ما يكملون بسبب الاحاسيس والمشاعر يا عمتي خل تنفعج هالاحاسيس وقعدي لا بدلات ولا ستايلات

الشي الثاني ::
لما تصيرين بطــــــــله وتتجاوزين كل اللي فات وتحقرين الهجمات

تجيك المشكلة الثانية
احساس بالدوخه ... مرات يخرع ... مرات عادي ... مرات مع صداع ... مرات تشكين ان يبيلج طبيب
اقوووووووووووووووووووول
اقووووووووووووول
اقووووووووول

كله تمثيل ...
هذا كله بسبب الحرق
نعم انت جسمج بدأ يحرق المخزون الجملي اللي مكود كل مكان ... وهذا هو الدخاخين مال الحراق هههههههههههههههههه

ما لقى جسمج حل وانصدم قام يفتح المخزون
هاهاي
يا فرحتنا بهالمخازن لما تنفتح معناها اقترب زوالها
يقول العلماء يبدأ باستخدام المخزون الاحتياطي
شهالاحتياطي احنا احتياطينا مال اجيال جدام

المهم فهمتو قصدي
عاد البلوى اللي لما يبدأ الجسم يحرق وتحس بهالشي اتروووووووح اتوقف الرجيم ؟؟ شهالذكــــــــــاء
لالالا ديري بالج ينضحك عليج اصمدي

من اول ما تدوخين فرحي - من تحسين بكسل بركود تحركي من تحسين بصداع ريحي شوي


طبعا بنات انا اكلم البنات الصحيحات صحيا
مو بنات السكر والضغط والامراض لالالا
لأني ماعرف فيهم شي صراحة موووو تروحون تنزلون الضغط والسكر وهبوط وغيبوبه وتقولون هاذا كلام رايهـ لالالالالالالالالا

انا اكلم الصحيحات
اللهم شاف كل مريض يارب
واللهم شافنا من مرض السمنه

نكمل ما خلصنا ::
ماراح اعطيكم خطوة جديدة كافي عليكم هذا
لكن بذكركم بشي عشان ما تظلمون رجيم التمر والماي

ترى انا من اهلي 3 سووا عملية معدة وضعفوووووو
كلهم مروا بنفس الخطوات

1- نقص أكل ثــــــــــــــــــم 2- نفسيات متقلبة ثـــــــــــــــــــــم 3- حرق ودوخان
مع امساك احيانا وبعض المشكلات التي تحتاج ان تنتبهين وتعالجين اولا بأول

يعني شالفرق بينا وبينهم ؟؟؟؟؟؟؟؟؟؟؟؟

مايصير رجيم بدون المراحل الثلاث حفظتوهم
اول شي حرمانات ومنع
ثاني شي نفسيات وقهر
ثالث شي حرق ودوخان بس ماكو دخان هههههههههه

بس تعبت وانا اكتب نؤجل الكلام الباجي جلسات اخرى خل نسمع منكم افكاركم واسئلتكم واقتراحاتكم وانتقاداتكم

تفضلووووووووووو