امن وامان يرضخ لهيبة ملوك

[عبد الرحمن هليل الروقي]

بسم الله الرحمن الرحيم
السلام عليكم ورحمة الله وبركاته
اقدم لكم هذا النص ومناسبته اني كنت مع احد موظفي الشركات اللي رواتبهم عاليه يستلم شهريا 35 الف ولاهوب معجبه وراعي سفريات
متاثر من سفرياته ببلدان الحريه ماعرف ان اكبر نعمه بعد الاسلام الامن اللي حنا عايشين فيه فقلت هالقصيده وارسلتها عليه ولاعاد شقته
يابوك ريح ومخـــــــــدومين يابوك
عسى الله يخلي هل الـــــدين حكام
في ظلالهم خللك ولا تلمس الشوك
واثــــــــن الشكر للي يمدلك الانعام
امن وامان يرضخ لهيبـــة ملـــوك
تسلسـلو ضرغام من صلب ضرغام
عقبان نجد اللي عن الذل عـــزوك
وخاضــو زحام وانت ماتعرف زاحام
لين استوت وعنانها صار مملـــوك
ونامـت عيون اللي من الخوف مانام
ماجات باحمر حر في سبك محبوك
ماجابها الا حسام في كـــــــــف عزام
لولاه كانت انته بمقسوم باعــــــوك
في ســـوق ياشاري وبيــــاع من سام
شبعتك لاتطغيك ياراقص الـــــروك
ثم تحتلبـــها شــــق بيدينك يــــــــدام
هذه لو مشـــــاك وقتك على سلوك
واودع دروبــــك شوك تاطـــاه الاقــدم
مشيته وكنه من القطن محيـــــــوك
لانـــــــــك بـــدار مايضام به الاكرام
للي يبون العز ولا انت مفـــــروك
خشمـــك وحتيش وان جاله عــــرام
ذليل ولك الذل تالع وطفـــــــــوك
وسوقك بـــذلك مثل عجلات الاولام
عود على اللي في ملاهيك لهــوك
ماوالله ان تستــــاهل اكرب لك حزام
في ظل حكام عن الذل عـــــزوك
حــــــــكام ملتنـــــــا اذا قيل حكام

[لذيــــــــــذ]

لين استوت وعنانها صار مملـــوك
ونامـت عيون اللي من الخوف مانام


صح لسانك يا عبدالرحمن ...
جزل لا هنت ...

تحيتي ...

[أنـ الذكريات ـين]

صح لسانكـ يا عبدالرحمن..


سلمتـ



تحيتيـ

[سامي العطاوي]

ياسلام ياعبدالرحمن


صح لسانك ملايين


شاعر جزل ومبدع



لاهنت

[أبوعبدالرحمن]

جزل منشاعر جزل

صح قلبك وكلك

وسلمت اناملك

تحيتي لك

[محمد بن ضاوي]

عبدالرحمن الروقي ..

وراك قسيت عليه هههههه


الف صح لسانك ولاهنت