بمسعد ولا بدونه !! بإذن الله ماخذين الدوري ماخذينه ..

[الاهلي الراقي]

بسم الله الرحمن الرحيم
والصلاة والسلام على أشرف الأنبياء والمرسلين
نبينا وحبيبنا وقدوتنا محمد عليه افضل الصلاة وأتم التسليم ..

وبعــد ..

يؤسفني بل ويحطم قلبي أن اغلب المشجعين لهذا الكيان العظيم الراقي بعد مباراة الفتح تبين منهم اثار التشنج والتهجم على أغلب لاعبين الأهلي وهذا الشي غير معقول من جماهير تسمى بالراقي ..

وان لم يخب ضني فهم ( غير اهلاويين ) بل ومحطمين للكيان من كثر ما صرنا نحس انه محسودين من جميع الفرق لتعلي فريقنا الصداره ..

طيب ليش التهجم هذا .. الكل قام بعد المباراه بسب لاعب او لاعبين او الفريق اجمع والاغلب قالو بأن الدوري ( ضاااااع ) ليه التحطيم ذا ..

وليه ماشفنا التحطيم هذا بعد مباراه الهلال الي انهزم فيها الاهلي 4 - 0 ؟؟

اش معنى جات من الفتح بتقولي الهلال فريق كبير والفتح فريق عادي بقولك لا حبيبي شوف الدوري الانجليزي لما يلعب المان يونايتد مع اي فريق يحسب له ألف حساب ..

خلنا من الدوري الانجليزي نشوف الدوري الاماراتي واستهتار فريق العين للنصر ورأينا اول فوز للنصراويه الاماراتيه الين وصل الحال بهم بعد كل مباراه انه يحسبو لأي فريق يلعب امامهم بألف حساب ..

ياخي ابعدو التحطيم هذا الين ماينتهي المشوار .. لازم نكون يد وحده ومع بعض ..

نجي نتكلم بقضية ( الكابتن ) محمد مسعد .. اللاعب هذا صراحه كلنا مانختلف الرأي فيه ولكن البعض يقول انه ممتاز والبعض الاخر يقول أنه سيء ليه طيب الفريق ماعندو الي يغطي مكان مسعد يعني لازم ترضى بالمقسوم .. سواء قلت كويس او مو كويس ..

صحيح ان قضية الكابتنيه والي الى الآن محد عرف ليه الاعب محمد مسعد يشيلها عن اختيار لاعب اخر ..

يمكن ان صح القول ان مسعد لاعب منتظم عن بقية اللاعبين في حضور التمرين بدري ومن ذا الكلام عشان كذا الاداره ماخذه مبدأ المنتظم هو القائد ..

لكن مانختلف ان خلينا ووجهنا رساله لكل اللاعبين بأن يكون كل واحد قائد على نفسو ممكن يشوف زميله بالملعب يغلط يوجهه وهكذا مو شرط انو لازم ربطه على ذراعي وخلاص انا الكابتن ولازم تتبع تعليماتي ..

صدقوني ان ألزمنا الصمت على الخساره في أي مباراه لاحققنا الدوري .. لكن ان جلسنا نتشأم ولا نتفائل بالخير فلن ولن يتم تحقيق مراد اكثر من 25 سنه طال انتظارها ..


ع آلسريع ..

احلى لعبه لعبها محمد مسعد يوم صنع الهدف الثالث لعماد الحوسني في أياب كأس الملك مع الوحده ( يووووووووه ذكرتنا بأيام الأنيق ) ليته يستمر على هـ اللمسات ..