@@قهـــــــــوة الصبــــاااااااااااح @@

[محمد السليس]

الله يجعل كل صباحاتكم خير ومسراااااات



يالله حيييييييييييييهم


http://www.3e6r.net/data/media/19/tr7eeeb.gif


اقلطووووووووووو تقهووو

القدوع ياصبي



الله حيووووو

http://www.alsour.com/al76yn/Movie1.swf




قهوتي معي وحتى سجادتي معي
http://a1259.g.akamai.net/f/1259/5586/1d/images.art.com/images/PRODUCTS/large/10041000/10041588.jpg

بس المركى طاح من السطح


بالله اللى يجى هنا يجدعـــــــــــــله بيتين ويتقهوى ويتوكل على الله

[ريانة العود]

ماهمني تلقى عشيرٍ ٍ بدالي *** انا اسد من فضلته ياكل الكلب **

تحياتي

[محمد السليس]

هلا وغلا رياانه وصبااحك عسل




على هامـة سنـام الشعـر لامنهـي ولامامـور = بعد قامت تزاحم فـي خفـا الهاجـوس قيفانـي
واذا هاضت هواجيس المعنـى ماحجبهـا سـور = انوخهـا علـى جـال البحـر ويترجـم لسانـي
(احصنها وقايه) قبل لاتعـرض علـى الدكتـور = وانـا دكتورهـا اللـي يعتنـي فيهـا علشانـي
مراسم وصف موكبها..عطيتـه موجبـه بالـدور = وزنته حسب عرف الهاجس اللي قـام يشعانـي
يباريني وانا فوق العشر بأربـع وبضـع شهـور = مضت عقدين انـا ويـاه محـدن بـار بالثانـي

[أمل عبدالعزيز]

,
,
,
صباحك نور وعسل يابوعلي

وهذا مطلع لقصيدة لي سترونها قريباً:

حبيبي ياكل المنى
ياشوق روحي والهنا
فديتك بكلي أنا

يابعد روحي ياهواك


وقهوتك مافيها زعفران ليه يابوعلي؟

[محمد الدغيري]

الله الله الله

رائع رائع رائع

يا ابو علي

سلمت يا الغالي

ولي عوووووووووووده

<<< طاير اليوم عنتده مليووون شغله

[ريانة العود]

ابي كل هالناس تعرف وعلى وجه الخصوص (( الرجال )) .....
انا عزتي فوق ماتنطال وانا اللي محد يقدرلي ....

[محمد السليس]

امل عبدالعزيز

وصبــاحـك قشطــه بخبز جمرى من الملــه الى المائده مع صحن سمن بري

في يوم ربيعي من ايام روضة خريم

ونحن في انتظار رائعتك القادمه

حبيبي ياكل المنى
ياشوق روحي والهنا
فديتك بكلي أنا

يابعد روحي ياهواك

وخبر سار يجعلنا في لهفه لمشاهدته

وبالنسبـــــــه للــدلـــه

<<<<<<<<< امحق ضيوف يتشرطون

الله يعينا بكره نوفر الطلبات هههههههه

المسمار (العويدي) مايصلح


وحيااك الله يا امل
ولاهنتى غلى المرور الكريم

[محمد السليس]

محمد الدغيري


صباح الفول القلابه

والله يسر امرك وتوقع بالسلامه هههههههههههههه


ولاهنت على حضورك

[محمد السليس]

ريــــــــــانـــــــــــ ة العود


صباح الليل والرضا


كفوو كفو يالسنافيه

بس ليه متوحشه عسي خير

وحياك

[نياف العتيبي]

يالخااااااااال

الله يحييك راعي العلم الغانم

هذي بيتين ماادري لمن بس استلموها


خلي حرقني حرق راجيف لامه = أحدٍ سمع بامٍ حرقها ولدها
من عقب ماهي بالايادي تضمه= أشعل عليها النار وأبلى جسدها

النااااااااااايف

[برج المملكه]

8
8
8

الله لا يعيد راجيف ويسلط عليه يانياف عزّ الله اني تقهويت وعينت خير دئلت

المهم لاهنتوا على الموضوع وعلى هالاختيارات الرائعه

عندكم بيتين واصلتني على الجوال من فتره ولاادري من صاحبها


السؤال اللي عليّه صعب تفسيره و حلّه=هل ترى في تالي الايّام قلّت خاتمتها؟
هل ترى نسيَت غرامي واوّل المشوار كلّه=او انا لازلت باقي عندها في ذاكرتها

[سعودعبدالله]

البقى يا بو علي ولاهنت


الجنزبيله فالعدم كنها الهيل = والهيل كنه فالعدم زعفراني

واليا غدالك ما غدالك مع السيل=اصبر على جور الدهر والزماني

وكرمك الله يا معزبنااا

[محمد السليس]

ارحبووووووووووووووووووووو ووووووووووو يالنشاماا

مار انتم علامكم الليله خميس واشوف الحزن ماخلى من قلوبكم شي

انا لله


يويلي عنكم ويلاه وانا اولكم

@@@@@@@@@@@@@@@@@@@@@@@@@@@


صبحتنى بالعيـــون الســـــــود والبــرقع = والعنق والعــود والعــــاتـــق مصبحنــــى

تكفي دخيلك كذا للنــــــاس لاتطــلع = عطنى عهد واذبح الغيره وريحنــــــى

[همسة غلا]

يعني مافيه شي لله

تقهوى وهات حق القهوه

ولايهمكم وهذا مطلع من قصيدة للشاعر الأمير / خالد الفيصل



غريب ومسافر لحالي 00ودروب الأيام تعابه

أدور المنزل العالي00 أزايم الحمل وارقى به

ما احب أنا المركز التالي00الأول أموت واحيابه


وسلامتكم يالنشاما

[النادر ففتين]

محمد السليس


الله لايهينك على القهوة



واستلم البيتين وفي امان الله




قالو لي العربان دنيا خطيره = احذر من الدنيا ترا تهدم الساس

قلت اسمعو ياناس كلمه اخيره = دنيا كما هي والتغير من الناس



النــــــــــــــــــــــ ــادر ففتين..............



ولك تحياااتي

[محمد السليس]

حياالله اللى جو واللى ماجو

وكل الغرابيل


ياربي حيهم



ياسنـام العشـق لـو تبلـغ معـي ذروة سنامـه= كان تفهم .. لا انتصرت اشلون اسلـم بالهزيمـه
وكيف اقابل حربـة طعونـك بـدرع الابتسامـه = واكتسي ثوب العطا .. لااهديتني ثوب الحريمـه

[محمد السليس]

ودناا ترجع هالقهوه الصبااحيه وش رايكم

[عبدالرحمن بن صباح الفاضل]

محمد السليس كفووووووووو والله







دلال تنومس راعيه


















وتدله خاطر ضيووووفه

















يالله حيني











ارحبووووووووووووووووووووو وووووووو يالنشاما






















<<<<<<<<<<<<<<<<<<<<<<
والضاهر انك بتعيد عليه مانقال لحنيف ينقال عليه
خمست عشر فنجال لحنيف صبيت لو كان بطنه قربتن قد ملاها






شربت من فنجالك وارتويت والله يكفينا شر لسانك











والله كنت اشوف موتي بعينكـ وكنت اتباها والقهر فيني سكات
ترى الغلا ماهو بظمة يدينكــــ حتى القبر يظم الانسان لا ماتـــــ


لــ عبدالرحمن صباح الشمري

















اقبل تحياتي


ودلالك تبيض الوجه

[محمد الجبريني]

ابقاك الله


الاليل سرى لكن الوعد بكره

احتسني تراي عندي طرقه ويمكن اسرح ماتقهويت وامرك




بيض اله وجهك


وتحياتي لك ولمثلك

[محمد الجبريني]

احححححححححححححححححححح لاتنحنح روعت العرب

ابهم ينتبهون ان الضيف اقبل عليهم


ياهل البيت والله المعزب ماهو فيه المجلس مفتوح تقهو واللي عقد روس الحبال ايحلها



ودنيتلي من غالي البن مالاق = بالكف ناقيها عن العذف منسوق
قم يبن ابوي أحمس ثلاثناْ على ساق = وبالك تكون بحمسة البن مطفوق
أياك والنيه وبالك والاحراق = صفراْ كماالياقوت يطربلها الموق
الى أصفر بلونه ثم بشت بالاعراق = ريحه على جمر الغضا يفضح السوق
عطت بريحاْ فاخراْ فاضحاْ فاق = ريحه كما العنبر بالانفاس منشوق
دقه بنجراْ يسمعه كل مشتاق = راع الهوى يطرب الى طق بخفوق
والقم بدلة مولعا كنها ساق = منصوبتاْ مربوعتاْ تقل غرنوق
خله يفوح وراعي الكيف يشتاق = والى طفحله جوهرناْ صحله ذوق
أصفر قموره كالزمرد بالاشعاق = وكبارها الطافح كما صافي الموق
وزله على وضحاْ بها خمسة أرناق = هيلاْ ومسماراْ بالاسباب مسحوق
مع زعفراناْ والشمطري الى راق = والعنبر الغالي على الطاق مطبوق
فليا أجتمع هذا وهذا بتيفاق = صبه كفيهت العوق من كل مخلوق
الى أنذلق من ثعبته تقل شبراق = رانقاْ تصور للحمامه على الطوق
بفنجال صيناْ زاهياْ عند الارماق = يغضي بكرسيه كما أغضاي غرنوق
شكله على الفنجال لونه الى راق = دم الغزال الى أنمزع منه معلوق نكتفي بهذا


وكرمك الله الاجودي


ملاحضه القصيده قصيده محمد عبدالله القاضي المتوفي عام 1864م

من اهالى عنيزه ماهو محمد عبدالله السلمي الى هو انا ههههههههههه

بس من عنده عليها ملاحضه مافيه احد يقدر يقول شي
بس انا عندي عليها ملاحضه ولاتعتبر اصلنا ملاحضه
ابيكم تطلعون وش الملاحضه والى يعرفها يرد على وهو المدقق الى مااااابعده

انتبهو ودققو زين القصيده مافيه اطيب منها سمعة فى وصف القهوه