قصة ولادتي بالعرررف ولا اروع

[حواء غرابيل]

بسم الله الرحمن الرحيم*

مرحباً شلونكم شخباركم بنات او بالاحري كرو وشات وال متزوجات*
المهم*
حبيت اذكر قصه ولادتي الي ولا قصة الف ليلة وليلة بصراحة مل مني قوقل من كثر مأسوي بحث عن الولادة وعن الامها وولادة العرف وشلون كمامهم وعنايتهم وكل الأسئلة الي تسألها اي حامل من والي ملل ونفسية من تحملين لين الله*
يفرجها وتولدين بالسلامة *والفال لكم يابنات.*
المهم *ندخل بالقصة ............. *
*
المهم انا أراجع بالعرف عند دكتورة بالعرف*
( تستيفانيا) فعلا ممتازة وفوووووووق الممتازة
شهادة ربي يحاسبني عليها فعلا انا خوافه*
فوق ماتصورون كل ماروح مراجعتي وانا اامنها
ابي بنج ابي كمام
ملت مني خلاااااص*
المهم قالتي لادخلتي التاسع اول اسبوع ماكومشكلة يصير ولادة انا دخلت شهري اخر 12*
وخل شهر واحد تاريخ 5-1 حسيت بتعب ورحت المستشفي ومالقيت دكتورتي بغيت ابجي اني ما لقيتها المهم لقيت ماريا هي قصيرة شعرها احمر
وتهههههههبل نفسيتها روووووعة جنها تستيفانيا حيل يهبلون *فحصتني لقت الرحم 2 سانتي مفتوح قالت تو البيبي مانزل *حيل انطري شوي
هههههههه الي يسمعها يقول بكيفي اخلية*
رحت البيت وانا افكر ياربيً*
وكنا علي وجة الامتحانات واحاتي عيالي بامتحاناتهم *كان اول يوم امتحانات*
*وما نمت طول الليل جاني الم معدة والقولون
يعورني وقلت بقلبي شنو هذا مؤ وقتة
أحادي الطلق القولون ليش يعورني مووقتة*
المهم اثارية الطلق وانا مادري شالسالفة خخخخ

وخف شوي. وبعدها نمت نومة ماكووووو احلا منها
والله يابنات نومة حلوووووووة
وقمت الصبح وجهي وايديني ورجولي متنفخة
كني فلبينية والله العظيم *يابنات انا نفسي خفت
من وجهي حدي متنفخة
المهم رحت الساعة 8 للعرف اثاري الدكتورة تداوم*
9 وانا من الخوف جاية مبجر
المهم نطرت ونطرت ونطرت الدكتورة
وجت الساعة9 وربع
ودخلت عليها وانا قلبي يرقع خايفة انا بروحي زوجي راح الدوام انا قلتلة بروح مراجعة عادية
معاي كانت مرت اخوي
ودخلت وهي مبتسمة الدكتورة كعادتها ياحليلها
وانا قلبي يرقع يمة خاقة وقالت أخبارك
قلتلها تعبانة *قالت يلة سوي فحص*
قلت يلة وانا خااااااايفة
وصعدت علي السرير وفحصتني *وطلعت 3 صانتي مفتوح وقالت يلة دخووووول
يمممممممممة طااااااح قلبي والله
جنج مدخلينج غرفة اعدام وانا احاتي عيالي*
يطلعون من امتحانات الفترة الي يطلع 9*
والي 10 والي 12 المهم ولدي الي يطلع 9*
يحياتي طلع وجاني بالعرف اهو برابع ابتدائي*
وجاني يحياتي وانا قالتلي الدكتورة دخول
غرفة الوضع
ومرت اخوي دقت علي زوجي علشان إجراءات
دخول المستشفي يجيب الاوراق لما عرف انهم بيدخلوني كلمتة وقالي الله يسهل عليج تطلعين*
بالسلامة وانا الدمعة لازقة بعيني لحد يدزني ابجي ورحت وعند باب الوضع مرت اخوي وولدي
معاي جنها زززززفة

وقالت السستر كلااااااااس ممنوع دخول احد*
بس مدام وانا اطالعهم يعني قووووية
واناااااااااخرطي طايحة بجي
ودخلت الغرفة وبدلت ملابسي
وجاااااء وقت الجد

قطيت ملابسي وعطتني الحقنة الشرجية
ومن دخلت وانا ابجي بجي يييييييمة
صار بعيني ولدي الي دخلني حياتي هوووو
دمعة بعينة. يقلبي*
وابجي بجي والسستر ليش يبجي انشالله خلاص
انشالله وجت الدكتورة وقالتلها بالانجليزي تبجي واجد عبالها مافهم e وانا فاهمة بس مالي خلق
قالتلها عطيها إبرة*
وقلتلها ابي كمام إبرة
وجت ركبت المغذي وحطت فية إبرة من عقبها الدنيا انعفست فووووووق حدر دخت وقلتلها ابي كمام*
قالت هذا كمام قوف راس شمي واشمة
يممممممة جني مدمنة بس بصرااااااااحة يوووونس وكل كلمة أسمعها 10 اقول شفيهم*
يعيدون الحجي موصاحيين اثارية من البنج والكمام
وأقوم وأنام. وبعدين جتني تقعدني مدام يلة *قومي
*قلتلها ليش وانا ابيً ابجي *قالت خلااااص
قلت شنوووو امسك بطني مؤ مصدقة خلاص ولادة ربي لك الحممممد *جبت احلا
((( جبوووور)))
والحمد لله والشكر علي العافية والسلامة *يعني
بالعرررربي نمت وقمت بس طبعا لما تقومين الم الخياط هو الي يعور والحمد لله اهم شي الوحدة تولد والحمد لله*
ناااااااااااااااطرة ردوووووودكم حبايبي*