مشروبهم بيـره..\\.. ورى كــاس بيره ..!

[ماجد المقاطي]

السلام عليكم ورحمة الله وبركاتــه ..,


مصافحــه أخرى ..,.. لمن أستحقوا المتابعــه ..

\
/
\
/
\
/
\


يالله ياللي خالـق الأنـس والجـان=ياعالـمٍ مافـي البحـور الغزيـره
أنور حياتـي بالسعـاده والأيمـان=وأفتح لـي دروب الحيـاه المنيـره
لا والله ألا شـان هالوقـت يافـلان=وزادت مطالب هالزمـان العسيـره
الذيب يمسـي تالـي الليـل جيعـان=وأبا الحصين اليوم صايـر خشيـره
طبايع العالـم تـرى فعلهـا شـان=يالله عسى الخاين يلاقـي مصيـره
أبتكلم واسمعوا الهـرج يـا أخـوان=بوصف لكم بعض الطبوع الحقيـره
بعض البشر يجازي الطيب نكـران=خايـن وطبعـه بالخيانـه نصيـره
وبعض العرب يقلّـد فـلان وفـلان=في عالم الموضات ضيّع مسيره
وبعض البشر ماجابوا صوت الاّذان=ياويلهم فـي يـوم ينكـر عشيـره
وبعض البشر من شلة السوء خربان=مشروبهم بيـره ورى كـاس بيـره
وبعض البشر مايحترم بنت جيـران=مايـدري أن الله أمـر بالستـيـره
وبعض البشر مايفز لا جوه ضيفـان=مثله مثل نوره و سـاره و أميـره
عددت بعض وصوف من فيه نقصان=ويالله عسى في قولي اليـوم خيـره
بس مانسيت أمدح لي رجال شجعان=اللي في وقت الكسر صاروا جبيـره
اللـي صداقتهـم محبـه وعرفـان=يذكر لهم بالطيب فـي كـل ديـره
صبيّهم لامن فـزع طيـر حـوران=حلال صعبـات الأمـور الخطيـره
أما الخبل لو تطلبه حـذوة حصـان=يقول اسـف مامعـي شـي غيـره
واذا لفـاك الخبـل ياعالـي الشـان=قل له مقامك عندنـا فـي الحظيـره
وقل له مثل ماقـال بنـدر ولاهـان=من يستمـع ياجعـل ربـي يجيـره
( قل له تعودنا على الصبر عتبـان=بدنـا وبيّدنـا دروب الجـزيـره)*
واللي يـدق الزيـر يـادان يـادان=حنا نـدق اليـوم خشمـه و زيـره
( وماقل دل وزبدة الهـرج نيشـان=والهرج يكفي صامله عن كثيـره)*
حكمه عظيمه قالهـا الشيـخ راكـان=راعي الشجاعـه والعلـوم السفيـره .
.
.

ملحوظــه :

( قل له تعودنا على الصبر عتبـان=بدنـا وبيّدنـا دروب الجـزيـره)*

للشـاعر الكبير : بندر بن سرور رحمه الله
\
\
/
/
( وماقل دل وزبدة الهـرج نيشـان=والهرج يكفي صامله عن كثيـره)*

للشيخ : راكان بن حثلين رحمه الله


لكم صفو ودي وأحترامي ..,

[عبدالعزيز القثامي]

ماجد المقاطي

ونعم والله

وصح لسانك

قصيدة رااائعة

تستحق الثناء

[ماجد المقاطي]

ماعليك الزود ياولــد العم ..,


صح بدنك ..


شاكر لك ردك واطراءك الجميــ ـل .


تحياتي

[الأميرة الناعمة]

( قل له تعودنا على الصبر عتبـان=بدنـا وبيّدنـا دروب الجـزيـره)*
واللي يـدق الزيـر يـادان يـادان=حنا نـدق اليـوم خشمـه و زيـره
( وماقل دل وزبدة الهـرج نيشـان=والهرج يكفي صامله عن كثيـره)*
حكمه عظيمه قالهـا الشيـخ راكـان=راعي الشجاعـه والعلـوم السفيـره

صح لسانك وقلبك

كلمات رائعة كـ روعتك

:ندو:

[ماجد العبيوي]

صــــــــــــتح لسااانك يالمقااااطي


ونعم فيك وبربعــــك عتيبه


كفوووو يالجزل

[أبوعبدالرحمن]

ماجد المقاطي


اهلا بك وبعودتك

وبهذه الدرة


صح قلبك وكلك يالجزل


تحيتي لك

[ماجد المقاطي]

حساسه ..


ماجد العبيوي ..



ابوعبدالرحمن ,,


شاكر لكم يالغالين مرورك الرائع واطرائكم الجميــل ..


صح أبدانكم ..


ولكم الجزيل الشكر .,


تحياتي

[محمد السليس]

السلام عليكم ورحمة الله وبركاتــه ..,


مصافحــه أخرى ..,.. لمن أستحقوا المتابعــه ..

\
/
\
/
\
/
\


يالله ياللي خالـق الأنـس والجـان=ياعالـمٍ مافـي البحـور الغزيـره
أنور حياتـي بالسعـاده والأيمـان=وأفتح لـي دروب الحيـاه المنيـره
لا والله ألا شـان هالوقـت يافـلان=وزادت مطالب هالزمـان العسيـره
الذيب يمسـي تالـي الليـل جيعـان=وأبا الحصين اليوم صايـر خشيـره
طبايع العالـم تـرى فعلهـا شـان=يالله عسى الخاين يلاقـي مصيـره
أبتكلم واسمعوا الهـرج يـا أخـوان=بوصف لكم بعض الطبوع الحقيـره
بعض البشر يجازي الطيب نكـران=خايـن وطبعـه بالخيانـه نصيـره
وبعض العرب يقلّـد فـلان وفـلان=في عالم الموضات ضيّع مسيره
وبعض البشر ماجابوا صوت الاّذان=ياويلهم فـي يـوم ينكـر عشيـره
وبعض البشر من شلة السوء خربان=مشروبهم بيـره ورى كـاس بيـره
وبعض البشر مايحترم بنت جيـران=مايـدري أن الله أمـر بالستـيـره
وبعض البشر مايفز لا جوه ضيفـان=مثله مثل نوره و سـاره و أميـره
عددت بعض وصوف من فيه نقصان=ويالله عسى في قولي اليـوم خيـره
بس مانسيت أمدح لي رجال شجعان=اللي في وقت الكسر صاروا جبيـره
اللـي صداقتهـم محبـه وعرفـان=يذكر لهم بالطيب فـي كـل ديـره
صبيّهم لامن فـزع طيـر حـوران=حلال صعبـات الأمـور الخطيـره
أما الخبل لو تطلبه حـذوة حصـان=يقول اسـف مامعـي شـي غيـره
واذا لفـاك الخبـل ياعالـي الشـان=قل له مقامك عندنـا فـي الحظيـره
وقل له مثل ماقـال بنـدر ولاهـان=من يستمـع ياجعـل ربـي يجيـره
( قل له تعودنا على الصبر عتبـان=بدنـا وبيّدنـا دروب الجـزيـره)*
واللي يـدق الزيـر يـادان يـادان=حنا نـدق اليـوم خشمـه و زيـره
( وماقل دل وزبدة الهـرج نيشـان=والهرج يكفي صامله عن كثيـره)*
حكمه عظيمه قالهـا الشيـخ راكـان=راعي الشجاعـه والعلـوم السفيـره .
.
.

ملحوظــه :

( قل له تعودنا على الصبر عتبـان=بدنـا وبيّدنـا دروب الجـزيـره)*

للشـاعر الكبير : بندر بن سرور رحمه الله
\
\
/
/
( وماقل دل وزبدة الهـرج نيشـان=والهرج يكفي صامله عن كثيـره)*

للشيخ : راكان بن حثلين رحمه الله


لكم صفو ودي وأحترامي ..,


لاهنت يامااجد

وبيض الله وجهك بيض الله وجهك


مااقصرت مااقصرت يالقرم

ولك منى حبة خشم يالجزل

[عبدالرحمن الجبابرة]

ما يميّز القصيدة :

** حوت الكثير من القيم النبيلة كالحكم والنصائح
وهذه القيم هي أساس الشعر فإن لم يكن في الشعرحكمة أو نصيحة
أو قيمة نبيلة يدعو إليها فهي خواء كلام .

وهذا بلا شك يحتسب للشاعر كنقطة تميّز ..دلالة على خبرة وتجارب في الحياة
سابقة مختزنه بذاكرته.

** الإستشهاد ببعض أقوال الشعراء المعروفين وهذا له دلالة سعة الإطلاع .

**في القصيدة الكثير من الإبداع وسأترك لبقية الأحبة الفرصة لإستباطها وإطلاعنا على
بديعها .


وبعض البشر ماجابوا صوت الاّذان
ياويلهم فـي يـوم ينكـر عشيـره

في شطر البيت الأول ثقل لإختلال الوزن
لعل الشاعر أردا:

وبعض البشر ما (جاوبو ) صوت الآذان
يا ويلهم في يوم ينكر عشيره

أو

وبعض البشر ما جابوا( لـصوت) الآذان
يا ويلهم في يوم ينكر عشيره

( فسقط حرف اللام من صوت )
وهنا نحكم بأنها غلطة مطبعية

أما في هذا البيت :

بس مانسيت أمدح لي رجال شجعان
اللي في وقت الكسر صاروا جبيـره

سبق وأن وردت كلمة ( بس ) في إحدى قصائدي والتي ساقدمها لكم لا حقا إن شاء الله
ومنها :

ماعاد أحبك كـل شـيءٍ كرهتـه
خلا ص انا في الحب ماعاد لي نفس
كشفـت نيّـتـك وقصـدك عرفتـه
تبي تلهوى, تلعـب, وتاخـذ وبـس

فرد علي أحد الأخوة النقاد بأن الكلمة( وبس ) ركيكة ولا معنى لها في اللغة
وقد تقبّلت ذلك بصدر رحب.

إلا أنني لم أبدلها وتركتها على ما هي عليه لأنه يقال في المثل ( الرمح من أول ركزه)
ولكني في نفس الوقت إستفدت من هذا الناقد كثيرا في قصائدي اللاحقة .

تحية إجلال وتقدير لشاعرنا ماجد المقاطي على إمتاعنا بهذه الشامخة

وإلى لقاء ذات مساء

[ماجد المقاطي]

محمد السليس لاهنت يالذيب ..


صح بدنك وشاكر لك مرورك الكريم :


______________



عزيزي عبدالرحمن الجبابره :


وبعض البشر ماجابوا صوت الاّذان
ياويلهم فـي يـوم ينكـر عشيـره

في شطر البيت الأول ثقل لإختلال الوزن
لعل الشاعر أردا:

وبعض البشر ما (جاوبو ) صوت الآذان
يا ويلهم في يوم ينكر عشيره



بالفعل هنا سقط الحرف سهوا وانا اقصد :


وبعض البشر ماجاوبوا صوت الاّذان ... ياويلهم في يوم ينكر عشيره ..



أنتقاد رائع وجميل عزيزي عبدالرحمن .. أتقبله بكل صدر رحب


فأنا لست الا مجرد هاوي لهذا الشعر الرائع ..,


وانت في مقامي أستاذي اخوي عبدالرحمن ..


لله درك في كل ماكتبت


تحياتي

[ناصر العبدالله]

أخي الغالي

ماجد المقاطي

أسعد الله جميع أوقاتك بكل خير و مسرة

قصيدة بمنهتى الروعة

تحاكي الواقع المعاش

" صح لسانك و قلبك و لا هنت "

أمتعتنا بما قدمت

لا حرمنا الله تواصلك

و في رعاية الله دمت ،،،

[عبدالرحمن الجبابرة]

الشاعر القدير : ماجد المقاطي

سرّني كثيرا ردك على تذوقي وأخبرك بأنني هاوي لتذوق الشعر ولم أصل بعد لمرحلة تؤهلني
كشاعر ناقد ولكن .. عندما أرى في قصيد الشعراء الكبار مثل تلك الاخطاء المطبعية أو الإملائية
أحاول بيانها.. لاعلى سبيل النقد بل على سبيل التنبيه لبعض المتذوقين الآخرين لكي لايحسبها
على الشاعر.. ولو كان هدفي مجرد النقد لفعلت ذلك برسالة خاصة وهناك من الاخوان من يعرف
بهذا الشأن .
وما قرأته في قصيدتك يا عزيزي يحتاج إلى متمكن لإستباط ذلك الكم الهائل من البديع الذي
فيها لا أقول ذلك تملقا ولكنها الحقيقة جلية أمام كل الأعين ويكفيهاحُسناً مضمونها والهدف الذي صيغت من أجله .

عذرا على إطالتي ولكني وجدتها فرصة لبيان ذلك وفي نفس الوقت دعوة لجميع الأحبة سواء كانو شعراءأو متذوقين لنقد ما أكتب فذلك والله يسرني ويفيدني كثيرا .

شكرا لك من الأعماق على منحي الفرصة لبيان ذلك في متصفحك

دمت بخير في كل الأوقات

[صالح الروقي]

المقاااااااااااااااطي


صح لسااااااااانك مدد بلا عدد


تحياتي



الروووووووووووقي

[عبدالله بن راجس]

ماجد المقاطي

ونعم والله

وصح لسانك

قصيدة رااائعة

تستحق الثناء