يا صبر الأرض عليك !!

[النصرالعالمي]

والله العظيم مصخره مصخره بكل ماتعنيه الكلمه من معنى

يا اخي غير معقول هل فشل الذريع هذا يا اخي حرام

كل يوم خساره خساره يا اخي تعادل مانبي نفوز

تعادل والله عيب ماهو معقول الي يصير هذا


مع الهلال خسرنا 4 و 3

مع الأهلي 3 و 2

مع الأتفاق 3 و 2

مع الأتحاد 3

مع الفتح 2 وهو ناقص لاعبين يا اخي الفتح

مع نجران فوز وبلعنه

مع هجر تعادل وهو ناقص لاعب

ترى عادي النصر يلعب ضد فريق حاره و تنتهي المباراه تعادل مع ان هذولاك ناقصين كمين لاعب

لأنهم ماعندك احد فكر صفر على الشمال

كلهم إداره و لاعبين

فيصل بن تركي او عليكان خذيلان لكن اكيد ماهو كــ...يلان

معليش مسحت حرف ح لأني انا ما ارضى اقول عنه هل مسمى

لأنه بصراحه ما يستاهل

تعاقدات ابو .... مافيه امل يجيب لاعب زي العالم و الناس


واحد فكر الكروي صفر والله انه غبي ما يفهم شيء جاي يدور الشهره على حساب النادي


قهرنا الله يقهره

لو اجيب حارس المسجد حقنا اقولك وش رايك


يقول بابا هذا فريق يبغا صانع لعب


لكن الرئيس ما اقتنع جايب لنا كوري يلعب بدوري درجه الأولى الياباني

لهدرجه مسترخص النادي و جماهيره

يا اخي استقيل ارحمنا



اما الاعبين طالع لي حسين يقول الوضع مطمئن


لا يشيخ الوضع مطمئن اجل


اذا الوضع مطمئن و نخسر بـ 4 و 3 اذا كان غير مطمئن وش يصير ؟


السهلاوي روعنه فـ تسديد ركله الجزاء لاهو الي محطها ولا هو الي سددها بدقه

شوته أي كلام


الفريق كـ مجمل فكر مافيه ثقافه كوره مافيه


كل واحد مخه بركبته


ما يفهم شيء


التحرك بدون كره صفر و التمرير 50% غلط

و اصلاً حنا غير قادرين على نقل اللعب لملعب الخصم


وهذا اكبر دليل على ضعفنا و على ضعف الاعبين

من الناحيه التكتيكيه و الفكريه و المستوى وكل مافي الكره سيء فيهم


والله الكلام كثير


لكن يرحم امكم خافو الله فينا

و استقيل يا بن تركي انت و أدارتك

يرحم والديك ترى النادي مهب لك بس اطلع خلاص

يكفي فضايح