من كيدها تلعب على كل طاروق

[ناجي الصقار]

النداء الأخير

القصيده فيديو على هذا الرابط

‫الشاعر ناجي الصقار والنداء الأخير‬‎ - YouTube (http://www.youtube.com/watch?feature=player_embedded&v=6kkcb5UDteY)



ناديت باسمك يا بعد كل منطوق .....
...... ظليت انادي يا عُمَر في غيابك

يا منبتٍ من لابةٍ ما بها عوق......
...... من لابة اعنوز الجزيره ترابك

من جدنا وائل جدودك علوا فوق......
......فوق الجبال النايفات ورَقَابَك

بين المجالس مجلس ايكون مرموق....
......تقوى وايمان و ورع في زهابك

كم قلت الك يا بوي لا تنزل السوق..
......ولا تلفت لو مضيّع حجابك

أنت النفس فيني ولو كنت مخنوق...
......من عفتك كل اعنزي انتشابك

لا تتبع حوى ولو هَزك الشوق......
....واحذر بياض الخد لا من سَطابك

وإحذر ثلاث اللمس والشَّم والذوق...
......غض النظر لو زولها يلتقى بَك

من كيدها تلعب على كل طاروق...
......مسحوب جيبك والهِلالي شبابك

والطول فارع حيل والخصر ممشوق...
......تمشي دلع قدام حضرة جنابك

لا تسمع من القلب دقات الخفوق....
......واسمع من امجرب وصابه مصابك

يمكن تجيك ابحيلة اللطف والذوق....
...... والسانها المعسول ايسيل لُعابَك

حدر الشفايف وشم خلاب مدقوق...
......مبسم ثناياها ولا بد صابك

لونك تبدل عنك والقلب محروق...
......واجي عليك القاك فاقد صوابك

غايب عن الدنيا ولا يمكن اتفوق...
......منت الذي ربيت واكسَب ثوابك

ما تستِحي واتكون عاشق ومعشوق...
......في مجلسي والله ما ينحكا بك

واني بري منك ولو كنت الي طوق...
......نبقى أنا وامك عليك انتشابك

من خوفها لا ذيك اجت تحبس الموق ...
......لاحدن يذوق الزاد شالت منابك

إلها عليك اديون واشجون وحقوق...
......بوجودها غايب وكامل نصابك

هذي ثلاث اسنين وكسور وفروق....
......مع كل طلة شمس تغسل ثيابك

دومٍ تهذري بك ولعيونك اتوق....
......تدعي على موجٍ خذاك وسرابك

ما مثلها في مغرب الأرض وشروق....
......من شانها وديت لك يا هلابك

لو تقضي سنينك ولا زلت ملحوق...
...... إشفق عليها اليوم تنطر جوابك

ودك تجي حتى لو كنت محقوق....
....قلت الذي عندي وصكيت بابك


ناجي الصقار

.

[لذيــــــــــذ]

صح لسانك يا ناجي ... ولا هنت ...
نص جميل سرقت تفكيري بعض ابياته ...

تحيتي ...

[أنامل الخير]

&& ناجي الصقار &&



قصيدة رائعة


صح لسانك ودام نبضك



بانتظار جديدك دوماً




** أم تركي **

[طارق الحربي]

صح لسآنك اخي
ابيات جميله ومؤثره
تحيآتي

[أنـ الذكريات ـين]

ناجي صقار..


صح لسانكـ..


تحيتيـ

[عبدالرحمن الحميدي]

الشاعر الجميل والراقي الناقد المعروف

ناجي الصقار ابو عمر

حياك ربي وحيا الله شاعريتك الفذه ومنقطعة النضير

والله يصلح عمر ويطول بعمرك يااااارب

[محمد بن ضاوي]

ناجي الصقار ..


صح لسانك ولاهنت


قصيده ذوق من شاعر ذوق

[سامي العطاوي]

ناجي الصقار


صح لسانك ملايين


مبدع دآئما لاهنت

[فايز بن علي]

ناجي الصقار

صح الله لسانك

الله لايهينك على الابداع

[أبوعبدالرحمن]

جزله ومن شاعر جزل

صح قلبك وكلك

ولمت اناملك

تحيتي لك

[أبوعبدالرحمن]

جزله ومن شاعر جزل

صح قلبك وكلك

ولمت اناملك

تحيتي لك

[بيان الغنامي]

ناجي الصقار ونعم فيك وفي قبيلتك
انت شاعر وناقد معروف
ولاتستغرب منك الجزاله كفيت ووفيت
في نصيحتك لولدك عمر والله يطول
بعمره وعمرك ويصلح لنا ولك واخوانا المسلمين
دمت برعاية المولى