برنامج لحساب تكاليف العلف وتكلفة الانتاج وقت البيع

[تاجر مواشي]

اغنام - ابل - دواجن - طيور


السلام عليكم ورحمة الله وبركـاته ...






بما ان هالمنتـدى فادني بالكثير كمبتدئ في تربية الاغنام






او بالاصح الى الان تحت الدراسه ... مع ان الحوش تم بنيانه ولله الحمد .. والامور ماشية بتروي







حبيت اشاركم ببرنامج على الاكسيل سويته علشان يساعدني على فهم التكاليف و المردود عالمشروع :MonTaseR_133:







طبعا البرنامج سويته على حسب فهمي البسيط ... واكيد راح تكون فيه ملاحظات من الجميع وهي مرحب فيها :1-e1283115bb:






ولكن الاهم







فيه افتراضات مبني عليها البرنامج






منها مايلي:






1-الخلايا اللي قابله للتغيير هي باللون الاحمر فقط .. الباقي نتائج وحسابات مبنيه على اللي دخلته فالخلايا الحمرا







2-ان البرنامج يبتدئ بعدد 50 راس جلد ومن بعدها يستمر بالانتاج وزياده القطيع .. طبعا يقدر الواحد يقدر يغير عدد الرؤوس اللي بيبدا فيها







3-البرنامج مبني على النظام المكثف اللي هو 3 ولدات فالسنتين







4-عدد الفحول مبني ايظا فالحسابات على اساس فحل لكل 25 راس







5-يوجد خيار سواءا لبيع جميع الانتاج من رخال و طليان .. او استقطاع بعض او كل الرخال لتظاف للقطيع







6-يتم حساب تكلفة الحلال المباع بتقسيم جميع التكاليف على كامل العدد المباع ... بمعنى ... لنفرض انتجت خمسين رخل وخمسين طلي .. وتبي تبيع الطليان بس ... راح يحسب جميع تكاليفك ويحطها على الطليان .. لان




فيه ناس تعتبر الرخال اظافه لراس المال .. وعلى هالاساس ماتظاف تكاليفها على بيع المنتج .. طبعا اجبرت على هالطريقه لنظرتي اولا وثانيا لسهولة عمل البرنامج







7-امكانية تغيير نظام العلف المتبع على حسب رغبة المستخدم للبرنامج .. وتكون المدخلات لكل خمسين راس .. يعني تدخل طريقة تعليفك لخمسين راس .. والبرنامج يكمل الباقي .. ولكن لايوجد سوا خيارين للعلف ..




اللي فالبرنامج برسيم وشعير .. طبعا تقدر تغيره لتبن بوجه العدو و وافي مثلا .. اهم شي ان الخيارات للعلف فقط خيارين داخله فالحساب







8-اي خيار تحطه للعلف راح تحط سعر العلف لحساب التكاليف ... الشعير تضع سعر الكيس .. والبرسيم تحط سعر الربطه







9-البرنامج يحسب تكاليفك الشهريه ايظا من راتب عامل, علاجات, ومصروفات اخرى







10-البرنامج يمكنك من اجراء الحسابات مع توقع نسبة الوفيات لديك .. سواءا 1% او 50% ...للدقه في حساب تكلفة الانتاج .. والله لا يجيب الخساير








البرنامج ممكن لما تقرون كلامي هنا تقولون شكله حوسه






بس تراه حليو وسهل






اللهم يبيلك كاس شاهي وتروق شوي وانت تتفرج عليه وتتعرف عليه :S4:






العب فيه .. اهم شي التغيير يكون في الخلايا الحمرا فقط







وتقدر تحفظ نسخه تكون اصليه ونسخه ثانيه تعدل فيها على كيفك بعد ما تتعمق فيه







وغير عن البرنامج نفسه .... اللي له ملاحظات على الاسعار والتكاليف او نظام التعليف ياليت يعطينا رايه :biggrin:







هو مجرد برنامج بسيط سويته لنفسي وحبيت اشاركم فيه







وانشالله يفيد احد منكم







والسلام

----------------------------------------------------------------------

راح التعب عالفاضي ............. يامشرفين ... ليه ما اقدر ارفق ملفات؟

مكتوب تحت لا استطيع ارفاق ملفات؟