حواء غرابيل
04-02-2012, 03:00 AM
السلام عليكم ورحمة الله وبركاته ،،،،
للاسف ، المجتمع مايتعلم من اخطائه ... ولا يتعلم من التمثيل الخاطئ !!
اليوم مشكلتنا مو الجويهل والفضل ، مع ان عندي ان الفضل افضل من الجويهل بحبتين
لان على الاقل الفضل ، يغلف كلامه ومايعطيها كااااش . اقل مافيها يعني
اما الجويهل ، انطق سنه 2006 وانطق سنه 2008 وانطق اليوم !
بسبة نفس اللفظ !!!!!
( التهجم على القبايل ) بلفظ صريح وقاطع !!!!!!!
اغلب الاسماء الي طلعت اليوم ،،
ماتخلى من النفس الطائفي !!
ولا من النفس الفئوي !!
هذا ولان بعض فئات المجتمع خايفه من ان الفئات الاخرى تاكل بحقها !!
الاخوة الشيعه شافوا ان بعض متطرفي السنة ، لهم حضور قوي
راحوا وطلعوا بعض متطرفيهم !!! ومسكوا لهم مقاعد مع ان مالهم اي حضور يذكر في المجالس الي طافوا
غير الهواش، السب ، اللعن ..
وعلى نفس هالشي بعض متطرفي السنة ، الي ماكان لهم حضور غير تكفير الطرف الاخر ، والسب والشتم
لكن الشعب مسكهم مقاعد ، كرها في الشيعه ، وعلى امل كل المقاعد تكون للسنة فقط !!
الشي الي ماحبه ،،
لمه اخوانا السنة ، يعتبرون وجود الشيعه وانتخابهم تطرف !!
وعلى نفس الوزن، اخوانا الشيعه يعتبرون وجود بعض اسماء السنة هو انتخاب طائفي
وبالنهاية انتو اثنينكم طائفين !!
للشيعه حق التمثيل اينما كانوا ، لكن على شرط .. ما نعطيهم هالحق على اساس فئوي!
انا ماعندي مشكله اصوت حق اي مرشح شيعي ، اذا كانت عنده خطط و رؤية مستقبلية وممكن يعود على الديرة بالنفع !!
لكن متى يصير هالشي مشكله ؟ لمه اصوت له لانه "شيعي" فقط !
وعلى نفس القياس استبدلوا كلمة شيعي بـ سني !!
كلمة الحق تنقال ،
بعض الشيعه ماضطروا يصيرون طائفين الا بعد ماشافوا التعنصر من بعض اعضاء المجلس ضدهم
وهالشي دفعهم للتمسك بشيعيتهم اكثر ، وانتخاب الشيعه للحفاظ على حقوقهم في المجلس !!
ولازم نذكر ان بعض الاعضاء السنة ماتعنصروا ضد الشيعه الا لمه اعضاء الشيعه بالمجلس بدو ياخذون منحنى طائفي في الطرح ،،،
فاستفزوا المتطرفين السنة .. وصار الي صار !!
بالنهايه العتب على منو ؟؟
الشعب .
الشعب اهوه الي كان يملك خيار انه يختار الي يمثله، حتى لو من نفس طائفته .. لكن يكون المرشح بعيد عن الطائفيه !
وما اختار !!
على سبيل المثل حسن جوهر !!
كانت في مؤامرة بالدائرة الاولى ، بــ ازاحة جوهر ، لان مااييب راس الناخبين المتطرفين!
حسن انسان معتدل ! والمتطرفين مايبون هالشي !!
الناخب بصريح العبارة يبي الي يقايش السنه مو الي يصير صديقهم !!
والاسباب ذكرناها فوق !!
وثلث ترباع الاصوات راحت حق محمد هايف ، لان بعض اذا مو اغلب الي صوتوله يشوفونه "اسد السنة"
مع اني اشوف ان محمد هايف مو اقل تطرفا من القلاف !!
يكفي للجميع ان ماوقف عند تحية العلم باعتباره "بدعه"
ونسى ان مجلس الامة - الديموقراطية- الانتخابات ( بكبرها بدعه ) ! لا ثبت عن الرسول ممارستها
ولا ثبت عن السلف الصالح ممارستها !!
وهل البدعه مزاج عند محمد هايف ؟؟
للاسف ان مفرزات هالمجلس ، تنبأ بخطر محدق قادم للكويت ، ويمكن يكون اشدها !!
وللاسف ان اولوية الاصوات عند الي يبي يصوت راحت حق "منو اكثر شي ممكن يبرد جبده بالمجلس"
وعليها ،، الاسماء النظيفة والشريفه اهيه اول من غادرت وراحت الاصوات حق امثال الجويهل والفضل !!
والي زاد الامر سوء ، اهوه تمسك شرائح كبيرة من المجمتع بالفرز الطبقي ( القبلي) .
الصراحه شي مشين الي سواه خالد شخير المطيري ، في ندوته لمه فصخ العقال وقعد يصارخ :
( انا في وجيهكم، انا في وجيهكم، نبي الفزعه،، تكفوون تكفوون يالداوسر، تكفون يالهيلا
تكفون يالهواجر تكفون يامطير إلــخ )
وراح يعدد القبايل ويقول ( تكفون وقفه رجال تكفون وقفه رجال)
استغفرالله العلي العظيم !!
هل هاذي اهيه العقليات الي نبيها توصل للمجلس ؟؟ بهالطريقة ؟؟
نخوة وفزعه ؟ وضرب على وتر القبلية واسفزاز عواطفهم ؟؟؟
نتفهم رغبة خالد المطيري الملحة في الوصول للمجلس ، لكن ما كان يملك احسن من هالطريقة؟؟
افضل من هالطريقة ؟؟
طبعا هالشي سوى حركة مضادة ، وخلى كارهي القبائل يصرون على وجود الجويهل
لان بنظرهم ماكو احد احسن من الجويهل لـ التصدي للقبلية !!
وبكل بساطه، مخرجات التصويت الي نشوفها اليوم ، اهيه اكبر دليل على ان الناخب يشعر بالخوف من فئات وايد مخالفه
وعليها اختار اشد ممثلينه تطرف ، عشان يحارب الفئات الاخرى !!
وانا شخصيا من الحين قاعده اسوي العد التنازلي لحل المجلس القادم ،
الخلل مو بالمجلس الخلل فينا احنا !!!
نقول سلام للتنمية وسلام لتشريع القوانين الي تفيدنا وسلام على القوانين المعلقة والي مانزل فيها قرار!
المجلس الياي بيكون هواش بين سنه وشيعه ، وبين حضر وبدو ...
والسبة انتوو !!
خبزن خبزيته يالرفله اكليه !!!!
الشعب من الاخر مو كفو ديموقراطية ....
للاسف ، المجتمع مايتعلم من اخطائه ... ولا يتعلم من التمثيل الخاطئ !!
اليوم مشكلتنا مو الجويهل والفضل ، مع ان عندي ان الفضل افضل من الجويهل بحبتين
لان على الاقل الفضل ، يغلف كلامه ومايعطيها كااااش . اقل مافيها يعني
اما الجويهل ، انطق سنه 2006 وانطق سنه 2008 وانطق اليوم !
بسبة نفس اللفظ !!!!!
( التهجم على القبايل ) بلفظ صريح وقاطع !!!!!!!
اغلب الاسماء الي طلعت اليوم ،،
ماتخلى من النفس الطائفي !!
ولا من النفس الفئوي !!
هذا ولان بعض فئات المجتمع خايفه من ان الفئات الاخرى تاكل بحقها !!
الاخوة الشيعه شافوا ان بعض متطرفي السنة ، لهم حضور قوي
راحوا وطلعوا بعض متطرفيهم !!! ومسكوا لهم مقاعد مع ان مالهم اي حضور يذكر في المجالس الي طافوا
غير الهواش، السب ، اللعن ..
وعلى نفس هالشي بعض متطرفي السنة ، الي ماكان لهم حضور غير تكفير الطرف الاخر ، والسب والشتم
لكن الشعب مسكهم مقاعد ، كرها في الشيعه ، وعلى امل كل المقاعد تكون للسنة فقط !!
الشي الي ماحبه ،،
لمه اخوانا السنة ، يعتبرون وجود الشيعه وانتخابهم تطرف !!
وعلى نفس الوزن، اخوانا الشيعه يعتبرون وجود بعض اسماء السنة هو انتخاب طائفي
وبالنهاية انتو اثنينكم طائفين !!
للشيعه حق التمثيل اينما كانوا ، لكن على شرط .. ما نعطيهم هالحق على اساس فئوي!
انا ماعندي مشكله اصوت حق اي مرشح شيعي ، اذا كانت عنده خطط و رؤية مستقبلية وممكن يعود على الديرة بالنفع !!
لكن متى يصير هالشي مشكله ؟ لمه اصوت له لانه "شيعي" فقط !
وعلى نفس القياس استبدلوا كلمة شيعي بـ سني !!
كلمة الحق تنقال ،
بعض الشيعه ماضطروا يصيرون طائفين الا بعد ماشافوا التعنصر من بعض اعضاء المجلس ضدهم
وهالشي دفعهم للتمسك بشيعيتهم اكثر ، وانتخاب الشيعه للحفاظ على حقوقهم في المجلس !!
ولازم نذكر ان بعض الاعضاء السنة ماتعنصروا ضد الشيعه الا لمه اعضاء الشيعه بالمجلس بدو ياخذون منحنى طائفي في الطرح ،،،
فاستفزوا المتطرفين السنة .. وصار الي صار !!
بالنهايه العتب على منو ؟؟
الشعب .
الشعب اهوه الي كان يملك خيار انه يختار الي يمثله، حتى لو من نفس طائفته .. لكن يكون المرشح بعيد عن الطائفيه !
وما اختار !!
على سبيل المثل حسن جوهر !!
كانت في مؤامرة بالدائرة الاولى ، بــ ازاحة جوهر ، لان مااييب راس الناخبين المتطرفين!
حسن انسان معتدل ! والمتطرفين مايبون هالشي !!
الناخب بصريح العبارة يبي الي يقايش السنه مو الي يصير صديقهم !!
والاسباب ذكرناها فوق !!
وثلث ترباع الاصوات راحت حق محمد هايف ، لان بعض اذا مو اغلب الي صوتوله يشوفونه "اسد السنة"
مع اني اشوف ان محمد هايف مو اقل تطرفا من القلاف !!
يكفي للجميع ان ماوقف عند تحية العلم باعتباره "بدعه"
ونسى ان مجلس الامة - الديموقراطية- الانتخابات ( بكبرها بدعه ) ! لا ثبت عن الرسول ممارستها
ولا ثبت عن السلف الصالح ممارستها !!
وهل البدعه مزاج عند محمد هايف ؟؟
للاسف ان مفرزات هالمجلس ، تنبأ بخطر محدق قادم للكويت ، ويمكن يكون اشدها !!
وللاسف ان اولوية الاصوات عند الي يبي يصوت راحت حق "منو اكثر شي ممكن يبرد جبده بالمجلس"
وعليها ،، الاسماء النظيفة والشريفه اهيه اول من غادرت وراحت الاصوات حق امثال الجويهل والفضل !!
والي زاد الامر سوء ، اهوه تمسك شرائح كبيرة من المجمتع بالفرز الطبقي ( القبلي) .
الصراحه شي مشين الي سواه خالد شخير المطيري ، في ندوته لمه فصخ العقال وقعد يصارخ :
( انا في وجيهكم، انا في وجيهكم، نبي الفزعه،، تكفوون تكفوون يالداوسر، تكفون يالهيلا
تكفون يالهواجر تكفون يامطير إلــخ )
وراح يعدد القبايل ويقول ( تكفون وقفه رجال تكفون وقفه رجال)
استغفرالله العلي العظيم !!
هل هاذي اهيه العقليات الي نبيها توصل للمجلس ؟؟ بهالطريقة ؟؟
نخوة وفزعه ؟ وضرب على وتر القبلية واسفزاز عواطفهم ؟؟؟
نتفهم رغبة خالد المطيري الملحة في الوصول للمجلس ، لكن ما كان يملك احسن من هالطريقة؟؟
افضل من هالطريقة ؟؟
طبعا هالشي سوى حركة مضادة ، وخلى كارهي القبائل يصرون على وجود الجويهل
لان بنظرهم ماكو احد احسن من الجويهل لـ التصدي للقبلية !!
وبكل بساطه، مخرجات التصويت الي نشوفها اليوم ، اهيه اكبر دليل على ان الناخب يشعر بالخوف من فئات وايد مخالفه
وعليها اختار اشد ممثلينه تطرف ، عشان يحارب الفئات الاخرى !!
وانا شخصيا من الحين قاعده اسوي العد التنازلي لحل المجلس القادم ،
الخلل مو بالمجلس الخلل فينا احنا !!!
نقول سلام للتنمية وسلام لتشريع القوانين الي تفيدنا وسلام على القوانين المعلقة والي مانزل فيها قرار!
المجلس الياي بيكون هواش بين سنه وشيعه ، وبين حضر وبدو ...
والسبة انتوو !!
خبزن خبزيته يالرفله اكليه !!!!
الشعب من الاخر مو كفو ديموقراطية ....