قصيدة في ضمير الامة.......؟؟

[حواء غرابيل]

اول اشي ابارك حق نفسي والمجلس والعذال اقولهم ..... استعدوووو مبروك عليكم فرساان مطيررر.....وهذي قصيدة للضمير الامة من الشاعر المبدع مشعل الرخيمي
إلى ضمير الامة ( مسلم البراك ) .


1- العمر ساعه والليالي عجوله **** والادمي مابين نازل ورحّال

2- اذا سقى من طيبه اربع فصوله **** يزول لكن ذكره الحي مازال

3- يالله عفوك والقلوب مغسوله **** بالخوف من بطشك ومن سوء الاعمال

4-والشعر من حرصه يديه مغلوله **** الا على رجال له قدر واجلال

5- مسلم البراك رمز الرجوله **** وحنجرته تجابه ثمانين رجال

6- اليا وقف من هيبته وقفو له **** واليا مشى ياطا على روس الاهوال

7- ماطال شي.. الا يدينه تطوله **** حتى ولو من دونه يدين الاجال

8- والنايفات الشم ماهي بحوله **** متنه يشيل جبال ويعنّز جبال

9- يموت ماغير كلام يقوله **** صح الله لسانه على صدق الاقوال

10- كأن هالدنيا تحرى وصوله **** عشان تفخر فيه وتغيض الابطال

11- احس ماعاش بحياته طفوله **** وان عاشها ماعاشها مثل الاطفال

12- كبير ويحل الصعاب بسهوله **** بنى لنا امال وف صدره امال

13- {حمود} يسمع فيه ماشاف زوله **** مؤمن وراضي ماشكى قسوة الحال

14- والناس من زود المحبه دعو له **** ونسوا حقيقه مابها شك وجدال

15- النايفه والطايله والبطوله **** عياله وماينطح عياله عيال

16- والخايب اللي مزعجتنا طبوله **** يجر خيباته على كل موال

17- تغنيك عن جملة كلامه فعوله **** جاهل وناقص ومخزي وطبّال

18- يصيح يالالا واذا صفقو له **** يسري عليه الليل يالال يالال

19- ماتستحق اللوم نفس جهوله **** ومايجحد المعروف ياكود الانذال

20- حنا قبايل عز في كل دوله **** تاريخنا شامخ على مر الاجيال

21- امجادنا جيش تسابق خيوله **** بصمة حوافرها من الجال للجال

22- امجغرفين الطيب عرضه وطوله **** ومأرخين المجد من طيب الافعال

23- وولاءنا ماهو يسام بعموله **** ولاءنا للحق مضرب للامثال

24- والحق شرع الله وسنة رسوله **** والسيف حق الله على كل دجال

وهذا رابط االقصيدة......
http://www.youtube.com/watch?feature...&v=x7WnNM41uRo (http://www.youtube.com/watch?feature=player_detailpage&v=x7WnNM41uRo)


يااارب احفظ بوحموووود ......:yaaaaaarb: