أبو لميس واللي يفهمون في طلاسم الوزارة فيما يخص التحسينات الأخيره - الفروقات حقنا وهدفنا

[حقوق المعلمين]

السلام عليكم


أنا معلمه من دفعة 25 مباشرتي بالضبط كانت في 5/8 / 1425هـ كنت متعينة على عقد اسمه 180 من ضمن معلمات الإنجليزي والحاسب اللي تثبتوا بعد مباشرتهم بـ 6 شهور


خريجة كلية الآداب يعني غير تربوية طبعاً بعد البربسه والتعيين على المستوى الأول الدرجة الرابعه في البدايه ثم النقل للمستوى الثاني الى اقرب درجة لراتبي وهي الدرجة الأولى


وآخر شي حنوا علينا وحطوني عالمستوى المستحق لمؤهلي وهو المستوى الرابع وبراتب يقل حتى عن دفعات باشروا بعدي بحجة ان تحسيننا جميعاً كان لأقرب راتب وبما إني


صرت في بداية سلم المستوى الرابع فطبيعي اللي تعينوا بعدي وصاروا على بداية السلم الخامس بحكم انهم تربويات بيتفوقون علي في الراتب حسبي الله ونعم الوكيل فيهم


ماعلينا المهم سؤالي المحدد هو اني في كذا موضوع وحسب القرار الأخير للعام 1432 يقولون إن دفعة 25 معلمات راح يكونون على الدرجة الخامسه من محرم 1433 هـ


بس الحاصل إني مازلت على الرابعه أو بالأصح صرت على الدرجة الرابعه من بداية محرم وقبلها كنت عالثالثه ,, السؤال إذا كان القرار يشمل جميع معلمات دفعة 25 أكيد


راح يشملني على نفس مستواي اللي هو الرابع بمعنى اني استحق الدرجة الخامسه فياليت اللي عنده خبر يفصل الموضوع ويجاوبني عشان إذا لي حق اروح اطالب فيه


والا حتى في هذي بيظلموني ويدخلون سالفة التربوية وغير التربويه ,, ماني عارفه وش دخل موضوع التربوي وغير التربوي في مسألة الدرجات أنا اللي اعرفهم إن تفاوتهم


في المستوى كافي لتحقيق العدل المزعوم بينهم يعني عشان الواحد غير تربوي ينلطع على نفس درجته والتربوي ياخذ درجة زيادة فوق ماهو اساساً ضامن تفوق الراتب


للتوضيح اكثر التربوي إذا كان عالدرجة الرابعه المستوى الخامس فهو أكيد زايد بـ500 ريال عالأقل على الغير تربوي اللي في نفس الدرجة من المستوى الرابع لكن غباء وزارتنا ماله


حل يمكن في نظرهم العدل ان غير التربوي ينلطع على نفس درجته , والدرجة الإضافية تشمل التربوي فقط وبكذا الخبره مالها أي إعتبار أو قيمة وممكن اللي تعينوا بعدي بسنين على المستوى


الخامس يتفوقون علي في الراتب بس لأنهم عالخامس وانا عالرابع :cry: