اللهم لك الحمد والشكر - ابشركم اعتزلت تشجيع النصر الى ان يرحل كحيلان من النادي ......

[النصرالعالمي]

والله يا جماعة الخير ما ادري وش اكتب - وش اقول وش اخلي -
ان كتبت ان المباراة على ارضنا وضد فريق قادم من درجة اولى والي زاد الطين بله فريق ناقص لاعب شوط كامل وما قدر يفوز علية النصر انا اقول هذي مصيبة بس للاسف بعض الناس راح تقول مندس - وش اكتب وش اقول - والله العظيم شي يوجع القلب -

ان كتبنا وانتقدنا قلوتو مندس - لنا قرن ننصح بلاعب صانع لعب برضو قلتو مندس - قلنا مدرب متقاعد وله اكثر من سبع سنوات عاطل وماينفع للفريق قلتو مندس - قلنا برناوي خلاص انتهاء قلتو مندس - قلنا استعينو بالولمبي قلتو مندس - وش اقول يعني - مدرب ما قدر يفوز الا على الانصار والفتح بشق الانفس واخرتها جددو معه سنتين خخخخخ اي فكر هذا - وبراهنكم والوعد قدام لن يفوز مدربنا الا على فرق المتاخره - ولكن بالنسبه : الاتفاق - الهلال - الشباب - الاتحاد - انسو نفوز عليهم وراح اذكركم -

للاسف تفكيره محدود وتبديله عقيم - اي نعم ماعنده لاعبين لكن يا ناس باوزا باشباه لاعبين صنع المستحيل - لكن مدربنا كل مباراة تشكيلة - غريبة اليوم ما لعب شراحيلي -

وش اكتب - اقول الفريق لعب صح والتغيرات صح لكن الحظ خذلنا - هههههههه اي حظ يا ناس - اليوم حارس هجر يغلط غلطات ما يغلطها حارس مبتدء وكانه يقول يالله سجلو
هدف بس للاسف فريق متهالك - نحمد الله ان الحكم طرد لاعب منهم ولعبو ناقصين لان لو كانو كاملين مااعتقد تنتهي تعادل -
برناوي مصصم على انه يصيد حمام - عبدالغني رفعات كيف ما اتفق - للاسف الروح بعيدة كل البعد عن الفريق - والزيعلي اكبر دليل -
تتوقعون لو الرشيدي والعازمي مصعب العتيبي والنصار ويوسف خميس في فريق غير النصر هل سنراهم في الفريق الاول -
للاسف النصر اصبح يستقطب الرجيع -
تبون الجد خلاص الكلام ما عاد ينفع خلاص - عندي كلام واجد بس الطق في الميت حرام -
ابشركم اعزلت شي اسمه نصر والله ثم والله لن احضر اي مباراة للنصر او اشجعه حتى يذهب فيصل بن تركي -والوليد بدر - اذا انتهاء زمن رخيص وكويس رجعت ان شاء الله - وكذا كذا النصر موجود وين بيروح يعني
اخرتها الدرجة الاولى وبيرجع -

بصراحة استغرب من بعض الجماهير الي تزعل على الهزيمه او التعادل مع فرق المتاخره - ليش الزعل هذا هو المستوى الحقيقي لانه للاسف رجيع الانديه لا يفيد -اللاعبيين المصابين وكبار السن موضه وانتهت بس للاسف رجعها النصر - والي يقهر انه مصمم عليها -
والله ثم والله ثم والله اكتب لكم هذا الكلام وكلي الم وحزن على نصر ماجد والهريفي - كلى حزن على حالنا الي وصلنا اليه -
اخر شي بقولة لكم وستتذكرونه جيدا نهايت الموسم :
هناك ايدي خفية تريد تدمير الفريق واولهم رئيس النادي لانه هو المسئول الاول على الفريق - لان العمل الي يصير في الفريق عمل غير احترافي نهائيا - والاتصالات السعودية اتوقع لها موقف اخر في النهاية -
صورة مع التحية والتقدير للاخ العزيز : مي مي سلموني - وللعضوة روان - وسؤال مهم لهم : هل حال النصر الان عاجبهم -
ارجو من الجميع ان يسامحني اذا غلطت عليه علما اني مسامح كل من غلط على والله يحللكم ويبيحكم - ومسامح الي يبدخلون على هذا الموضوع وبيردون بد غير لائق - مسموحين مقدما -
اخوكم : عاشق النون