الطابور الخامس وقف بالطابور فى التحرير بيبع افكار احلام فتن باسعار الجمله

[أسواق]

كان زمان ايام الحرب العالميه طابور خامس كانت المانيا مجنداه عشان تقلب وتجسس على البلد المراد احتلاله وكان بينقل اخبار ويثير فتن وكان مش معروف عنهم حاجه ايشى طباخ على زبال على سياسى على صحفى على طبال على رقاصه علة كل لون ويتكلم بلغتنا ويناقش قضاينا ويشكك فى كل شىء
لو قلت حمار يقول لا دا حمار تقوله ما انا عارف ان الحمار حمار يقول لك دا اكيد فى اصل شك تكون امه حماره مستورده وابوه حمار بلدى يعنى مش مضمون ولائه تقوله طب دا حمار حصاوى ابن حمار معرفه يقولك انت عارف دا واكل من برسيم مستورد يعنى لحم اكتافه مستورد وقلت يمين يقولوا شمال لا يعجبهم العجب وتحس انهم خايفين على البلد وهم اصل الخراب
شويه يقولك حقوق المرأة بس بجد قصدهم اى مرأه يقول المساكين المساجين اللى مش قادرين يكلموا تستغرب على ايه يقول حقهم يحكموا البلد زى بلاد بره تقوله طب بره تربيه امرأه دا حظهم والمرأة وبعدين الكلب وبعدين الرجل والراجل هناك بيرضع يقولك وماله ما الحياه مشاركه والراجل الشرقى اللى بنات بره بيموتوا عليه عايزينه يبقى غربى وجوده زى عدمه طب ماشى هات حقوق المرأة عايز ايه يقول تحكمكم ايه تحكمكم وتبقى شعب شورة مره تقولوا طب نخلينا ديمقراطيين ونكون بالانتخاب يقول لا هو النساء اكثر من الرجاله ولكن الراجل الشرقى غاسل مخ النساء يعنى مافيش ست بتحب ست غيرت ستات حتى طبيب امراض النسا راجل يعنى ايه نخليها بالعافيه وتعمل كوته عشان تطفحنا الكوته وطب بعدين قبلها قالوا عايز قاضى ست يعنى فاضيه قصدى قاضيه تحكم بين الناس عادى دا مخالف للشرع يطلع واحد بعمه طابور ويقولك الاسلام كرم المرأة وساوى بين الرجل والمرأة وبعدين الست حكماك فى البيت ايه المشكله تحكم فى المحكمه وبعدين هى هتتخانق دى حتى ابتسمتها فى وش المجرم هطمنه ونكدها حكم اعدام لوحده
وبعدين فى هاجس ان ست مسترجله شكلها بصراحه يحض على الفضيله ناويه ترشح نفسها بورق مناديل قصدى ترشيح لرياسه الجمهوريه وليه لا ما فرنسا فى ست ومش اى ست ست بلا هدوم مرشحه نفسها فى الشارع فى حزب اسمه المتعه وسعتها هتلاقى طلاب المتعه على المقر الانتخابى بالطابور ودول فاهمين البرنامج ومن غير شرح وعندهم ثقه فى المرشحه يعنى الطابور مش هيسيب البلد لحالها
فجاة فى مجلس الشعب ناس الشعب انتخبهم نرجع تانى ونعيد السؤال مين انتحبهم الشعب يعنى هم ممثلين للشعب وماله
حقهم طب الديمقراطيه مخليه كل شىء بالانتخاب حتى رؤساء اللجان الفرعيه لمجلس الشعب
بس بس ايه كده الاغلبيه هتاخدها كلها مش هم اغلبيه انت زعلان ليه لما مش عارف تجيب اصوات بتنعر ليه ما انت اللى خايب هما زمبهم ايه اعضاء اصحاب اغلبيه بدون تزوي وانتخاب
وسيادتك مش لاقى حد يختارك خلاص خليك ديمقراطى واقبل الديمقراطيه بلاش ديمقراطيه اسرائيل فى مفاوضات السلام للفلسطنين حق تقرير المصير اللى اسرائيل مجهزاه لهم فقط
وبعدين يقولوا قال انسحب من انتخابات اللجان ما انت عارف النتيجه مسبقا زى اللى يسقط فى الامتحان ويقول اصلهم مستقصدنى
الامر غريب الطابور الخامس غريب طب هما بيشككوا فى ايه
ان الاخوان وخدها بلطجه ولا ديمقراطيه انتخاب ولا عافيه
طب انت زعلان ليه رافض شعاراتك بالدوله المدنيه والحريه والانتخاب واحترام رغبه الشعب والاحتكام للصناديق
ولا صناديق حسنى بس المطلوبه الطابور مش ناوى يجبها البر وبكرة هتلاقى كام عضو هههههههههه هما فعلا كلهم كام عضوا هيعلنوا انسحابهم من المنجلس معترضيين على تحكم الاخوان والسلف وعايزين نعيد اللعب من تانى يعنى ايه ياابنى يقولو نحل المجلس ونعمل انتخابات جديده بس المرة دى عايزين مراقبين من رجاله العادلى وزكى بدر يعنى يعرفوا ينتخبوا بجد عشان يكون فى مجلس دمخراطى جديد عشان الشعب المره دى مفهمش او اختار غلط الموضوع مخزى لان الطابور اللى كان واقف بالطابور وراء الغرب ولحم اكتافهم حتى دعايتهم من خيرهم مش هيبقى له وجود هيبقى صوت نمله على صخرة صماء
بقول بجد لو فى بجد فى دمكم نقطه دم مصريه وخايفين ذى شعارتكم على مصر بلدكم او واحده من بلدانكم لانكم متتعدى الجنسيات سيبوا البلد تنهض ولما حاجه تحصل تضر البلد حاولوا تصلحوها سوا المعارضه مش عشان تعارض وتتصيد الاخطا ء المعارضه عين بصيره خارج الملعب بتصحح الاخطاء لا ن فى الاخر المركب واحده ولا انتو حاجزين فى سفينه تانيه واوعى تكون تيتنك او السلام السفريه مش مضمونه صدقونى سفينه مصر المخلصه فقط اللى هتكمل المشوار وعمار يا مصر:clapinghand: