أنا ماراح أتزوج والسبب تعاقدات كحيلان

[النصرالعالمي]

خسرنا من الهلال ب4
كنا سيئين للغايه .. فيصل بن تركي المدافع تسبب في هدفين
نعم ليس عمر من أتاه الكلام بل كحيلان من تم (( سبه ))

والله العظيم لافيصل بن تركي ولا سعد يوم كان في النصر
ولا ماجدونا ولا الرمز عندي أغلى من النصر


بس ليييييييييييييييييه ؟؟؟؟

الظلم ياجماعة الخير شين
كحيلان عنده سلبيات وعنده أيجابيات
ليش الغلط عليه باللفظ الجارح

والله عيب هكذا تربينا
أنا وربي بس بعد المباراه كنت زعلان
بس بعد ماروقت وفكرت

خلاص قدر الله وماشاء فعل
النصر ((( فاشل فنياً ))) ولاتزعلون من الكلمه من زمان
يعني وقفت على كحيلان صار له 3 سنوات

تدرون وش غلطته أنه عشمنا وعشمنا ولا ترى هو أفضل من اللي سبقوه كلهم
بأستثناء الأمير عبدالرحمن بن سعود يرحمه الله

على الأقل هو يمكن أكثر شخص صرف من جيبه على النصر
نعم فيه تخبط كبير بعملية الصرف بس بالنهايه من جيبه
واللي يقول طيب والديون اللي على النادي أقولك من زود الصرف جت هالديون

بالعربي الفصيح الرجل كان متحمس لأعادة النصر
بس حتى الآن ماتوفق ويمقن يتوفق مستقبلاً ويمقن لا

أرجع للعنوان

اقتباس:
أنا ماراح أتزوج والسبب تعاقدات كحيلان

ياجماعه أنا ماراح أتزوج بنت صار فيها كحه
خلاص أنا ماراح أتزوج لأن مافيه بنت ماصار فيه كحه

هذي أهديها للي ينتقدون أنتقال طلال عسيري لنصر
لأن معه رباط صليبي طيب ..

تدري أن بفريقك بس ..

(( حسين عبدالغني - أسامه عاشور - سعود حمود - وليد الطايع ))
وحالياً طارق العواد وسابقاً سعد الحارثي وناصر السبيعي وحتى أحمد الجيزاني
كلهم فيهم أصابات الرباط الصليبي خلاص هالأصابه صارت شيء عادي ولايخوف
وكثير من الاعبين تجاوزها

وقس على النصر بقية النوادي السعوديه

ومن الاعبين اللي معهم كحه اقصد رباط
طلال عسيري اللي مقدم مستويات حلوه مع نجران
وتراه بيكون أحتياطي للغامدي .. يمقن الطايع ما أعجب ماتورانا

على فكره ترى أمس كنت جالس مع كحيلان وقالي أكتب هالموضوع
ودافع عني .. وربي يامن ستتهموني معرفتي لكحيلان مثل معرفتكم له

فما لي أي مصلحه أني أدافع عنه بس هذي وجهة نظري
وأتمنى الرد يليق بقيمة فارس العنزي :happy:

قبل لأختم

السعران وعزيز وعسيري اضافه للفريق
بس فيه لاعبين كثير بالفريق الأول أتمنى التخلص منهم
بدون ذكر أسماء فجمهور النصر دائماً مايذكرهم
وأحلال لاعبين من الأولمبي مكانهم

أتمنى في الموسم المقبل تكون الصفقات بالشكل التالي :

حارس مرمى محلي .. الأماني بفايز السبيعي

ظهير أيسر محلي .. الأماني بياسر الشهراني

قلب دفاع أسيوي

صانع العاب لاتيني

صانع العاب سعودي .. الأماني بيحيى الشهري

مهاجم أفريقي هداف

ويلعب معهم من فريقنا ( محمد عيد - خالد الغامدي - أبراهيم غالب - خالد عزيز - محمد السهلاوي )