مشكلة خصوصية و أحتاج للمساندة

[The punisher]

السلام عليكم ورحمة الله وبركاته

بصراحة ابتدي بالموضوع واحتاج مساعدة يا جماعة...
في الحقيقة انا طالب جامعي... وفي أول سنة .. ومن النوع اللي يحب الدراسة كثير... لكن حصل لي موقف بالجامعة وهل موقف صار لها تقريبا شهرين وانا احاول البحث عن حل للمشكلة.. وهي مشكلة صغيرة بالنسبة لكم لكنها مشكلة كبيرة بالنسبة لي...
لما بدأت الدراسة كانت في بنت تراقبني طول الوقت... وماتخليني ... بالأحر اظن انها تبي علاقة... لكني مابحث عن علاقة بهل سن... لاني افكر بالدراسة أول...
والمشكلة هي ان هل بنت لما ابي اصفط سيارتي... هي تصفط جمبي كل يوم..... واصدقائي قالوا لي ابعدها عنك... وانا حاولت أصارحها لأني تغربلت من حركاتها... لكني من نوع الخجول.. ان صعبة أزعل بنت او اي شيء من هل قبيل..
فتركتها... نفس مايقولون.. اللي بتسوي خلها تسوي ومالي شغل فيها... ومرت الأيام والغربال على جتفي..
صارت تلاحقني لبيتي... علشان تحصلة.. لكني اضيعها بكل مرة؟؟؟؟
فياجماعة أحتاج مساعدة
شنو ممكن أسوي معاها؟ شنو أقول لها
ملاحظة: انا خجول كثير من البناتزز وماعرف شنو أقول لها
الرجاء المساعدة يا أخواني :مدري: :مدري: :مدري:

[مفرح بن مناحي]

أخي الغالي .. The punisher

قد لا أستطيع أن أعطيك الحل المناسب .. لسبب واحد وهو أنني لم أتعود على الجلوس في مقاعد الدراسة بجانب " بنت " ..

ولكن أعتقد " في رأيي المتواضع " .. أن توصل رأيك عن طريق أحد زملائك .. أو عن طريق آخر غير مباشر .. " إذا كنت تخجل من المواجهة " ... !!


وإلا فإن " التهميش " سيؤتي ثماره لا محالة !!!


هذا رأيي ..


وقد يأتي أحد الإخوة .. ليفيدك إن شاء الله ..



لك أطيب تحية ..

[أمل عبدالعزيز]

.
.
.
بصراحة مشكلة عويصة للغاية = يعني صعبة جداً

وبما أنك شخص خجول للغاية وتخاف من البنات فأنا اشور عليك ياأخي والشور خير

أنك ماتروح للمدرسة ألا بولي أمرك

وحاول قدر الإمكان تخلي ولي أمرك بعد هو ألى يردك للبيت

علشان البنت لشافت الوضع كذا تصير تخاف من ولي أمرك وتبعد عنك وتعرف أنك شخص ماتحب اللعب والكلام الغير كويس...

تحياتي لك وزمان أول تحول والحريم صارن يطاردن الرجال ....:احم:

[سمووره]

أخي الفاظل The punisher

والله قصتك غريبه وعجيبه وش ذي البنت اللي انعدم عندها الحياء وصارت اهي اللي تلاحقك في كل مكان

والغريب أنك تقول انك تخجل من البنات والله عن جد انقلب الحال

ليش ماتواجهها وتشوف وش عندها أو تكتب لها رساله مثلا وترسل لها مع احد من زملائك

وإذا ماقدرت على هذه الحلووول مافيه أحسن من التطنيش طنش تعش تنتعش

الله ييسر أمورك ويحفظك من كل سوء