تذكرون قصتي الفلم الهندي؟ الله عوضني خير وتزوجت باركولي

[حواء غرابيل]

السلام عليكم

طبعا ترردت مليون مره اني اكتب هالبشاره اهني
لأني تعرضت لهجوم من بعض البنات ويتني مسجات صج خلتني اقطع عن المنتدى بكبره

الموضوع اللي طاف
http://www.q8yat.com/t902777.html (http://vb.g111g.com/!902777!http://www.q8yat.com/t902777.html)

الحمدلله تبت لله واظن وبفضل دعوات خواتي الصادقه اهني وبره المنتدى الله تقبل توبتي وعوضني خير وسترني

الله عوض صبري على نفسي وعلى بلوتي بالخير

وتزوجت ولله الحمد وزوجي انسان طيب

ولي يومكم ادعي ربي يثبتني ويحفظ قلبي وفرجي وعقلي ونفسي وديني عن الحرام

يابنات ياما ناس ما سوت اغلاط نفس اللي سويتها وتتحلطم وتقول ليش الله مارزقني ورزق غيري مع انها سوت وسوت

يابنات انما الاعمال بالنيات ولكل امرئ مانوى ... الحقد والكراهيه اهي اللي تمحق البركه وتمنع الخير عن صاحبها

صفو النيه ...وادعولي بالستر والذريه الصالحه اللي تعوضني بالحياه اللي كنت احلم فيها واربيهم التربيه السليمه واعطيهم كل الحنان اللي انحرمت منه

يمكن اللي صارلي يكون دافع اني اخاف على عيالي وبناتي انهم يسلكون هالدرب

واربي نفسي على الصبر ... لأن ابليس قام يتسلط علي

واللي قلتلكم عليه قام يدقدق ويتلحوس ويقول ابي ايي اخطبج انا احبج وفرطت فيج مره.. وقلت له اني تزوجت قال ما اصدق لين تراويني عقد الزواج

الله يكفيني شره غيرت خطي للمره الثانيه وخايفه يطلع رقمي مره ثالثه

ادري ان هذا ابليس وتدبيره... لكن يمكرون والله خير الماكرين

اللهم من اراد بي سوء او فضيحه فأشغله بنفسه واجعل كيده في نحره واجعل تدبيره تدميره
حبيت بس ابشر اللي دعولي بظهر الغيب ونسوا السالفه .... ان دعوتكم لي تحققت

وانا ادعيلكم الحين بالتوفيق والسداد والثبات وكل دعوه صالحه لكم منها نصيب

الله لا يحرمني منكم

الله يثبتني ويرزق كل بنت بالزوج الصالح اللي يحفظها ويصونها بدنيتها ودينها :eh_s(7):