مصارحة خاصة للبنات

[وردة التوليب]

بسم الله الرحمن الرحيم

إن من حكمة الله جل في علاه أن شرع النظرة الشرعية بين الرجل والمرأة
عند الخطبة وتكون برؤية الرجل للفتاة وهي مظهرة لما يظهر منها غالبًا
كالشعر واليدين والوجه والقدمين ولبعض العلماء أقوال أخرى ( والله أعلم )

المهم : ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وكل شيء قسمة ونصيب..!!

أريد آراء صريحة ومواقف واقعية إن وجد لو تكرمتم..

ومشكورين مقدماً

[الأميرة الناعمة]

مدري اتوقع ممكن انصدم دقيقتين بس وبعدين عادي

لاني بجلس افكر لو انا اللي ما وافقت وش بكون شعوره

نفس الشي

وثاني شي اذا هو ما وافق هو الخسران :ياهو:

<<< دائما مقنعه حالها بهذه النظرية

:ندو:

[وردة التوليب]

ههههههههههههههههههههههههه هههههههههه

تصدقين نظرية رائعة (تجبر الخاطر)
أشكرلك حظورك عيوني

[كليوباترا]

انا

بصرراحه


كيفه ماراح اخليه يشوفني لو يصير شيصير

<<< البنت تستحي


والله الحين الشباب يلعبوون بس يبغوون

يبصصون بالبنات

عشاان كذا اخذ احد من قرايبي يعرفني واعرفه

احسن لي

واذا جا من برى مافيه مانع بس يشوفني بعد الملكه

واحسن شي مايشووف البنت موبكيفه يلعب بمشاعر الناس

اولاد قليلين ادب

<< ماتحبهم ابد


تحياتي

كيبوو

[نايفه]

المهم : ما شعور الفتاة التي يتقدم عريس لخطبتها
ثم يراها ، وبعد يومين تتصل أم العريس لتخبر أم الفتاة بأن
ابنها لم يوافق على الزواج من ابنتها وكل شيء قسمة ونصيب..!!

أريد آراء صريحة ومواقف واقعية إن وجد لو تكرمتم..

هلا اميرة الورد

بتضايق شوي اكيد ..

لكن مايكون عائق بحياتي ابد بنساه واعتبر ان الله ماكتب لي فيه الخيره
وكل انسان ياخذ نصيبه من الدنيا ..


يعطيك العافيه على المصارحة الرائعة ..

تحياتي وتقديري

[لي طب۶ي الخاآاآص]

من عادات عيلتنا ما يشوف البنت الا بعد ما يملك عليها ...

[للرجولة معنى]

السلام عليكم ورحمة الله وبركاته

أنا لم أقرأ الموضوع لأنه خاص بالبنات فقط......................

دخولي هنا لأقد العذر الشديد لما حصل مني بلا تعمد وعن حسن نية........


فأرجو قبول عذري....

[كليوباترا]

عاادي وشدعووه حيااك الله


بس لازم تووعدنا انك ماتسوويها في البنات

قصدي

تخطب

وتشوف

وتقوول

لا

بس هذا اللي نبي

<<< ذا البنت ملقوفه

[وردة التوليب]

كيبوو


والله الحين الشباب يلعبوون بس يبغوون

يبصصون بالبنات

ههههههههههههههههه
مايحتاج يخطب علشان يبصبص(على قولك)
البنات في كل مكان وعارضين مفاتنهم لاخر درجه


واذا جا من برى مافيه مانع بس يشوفني بعد الملكه

واذا ماأعجبتيه تطلقين علشان تستحين !!!
لا والله خليه يشوفني ويروح ولا اتطلق

مشكوره كيبو نورتي موضوعي بوجودك

[وردة التوليب]

النايفه

هلابك عيوني

فعلاً انا أعتقد إني نفس الشي بتضايق وبنسى
أشكرلك وجودك الرائع

[وردة التوليب]

وسن



من عادات عيلتنا ما يشوف البنت الا بعد ما يملك عليها ...

طيب وإذا ماأعجبته البنت يطلق!!
ولا يعيشون مع بعض بدون انسجام!!
لا حرام عليكم
الشرع ماسمح بهالنظره الا لحكمه

أشكرلك حظورك عيوني

[سعود]

انا جيت يابنات تغطوووو :خجل:


بصراحة انا معي واسطة

جايب امه معه :كلوش: <<== محرم خخخخخخخخخخخخ

لا من جد اعتبروني اخوووكم الصغير وباقول رأيي

ياميرة حرام عليك كان تركتي الموضوع عام لشباب والبنات

انا من رأيي

البنت لما يتقدم لها الشاب

تضع في بالها احتمالين

50 % يوافق

50% عدم الموافقة

يعني مثل الاندية احتمال الفوز او الخسارة

بس اذا كانت البنت ملكة جمال

تحط رجولها في مويه بارده

اكيد بيجلس الشاب يدعي ربه

ويتضرع للمولى عزا وجل انها توافق عليه خخخخخخخخخخخخ


مشكورة اميرة على هيك مواضيع تمس المجتمع السعودي


تحية عطرة



ا

[وردة التوليب]

سعود

صدقت أخوي المفروض كل بنت تحط في بالها أحتمال الرفض علشان تخف عليها الصدمه


بس اذا كانت البنت ملكة جمال

تحط رجولها في مويه بارده

أولاً مقاييس الجمال مو وحده
يمكن اللي تعجبك ماتعجب غيرك
ثانياً الراحه نفسيه
يمكن تشوف وحده ملكه جمال بس تستثقل دمها او ماترتاح لها او....الخ


أشكرلك مرورك أخوي

[طـيـف نـجـد]

انا بقول رايي وبصراحه

انا سبق وانا طلب اهل العروس الشوفه مو مرة كثير بالاصح مرتين

لكن بصراحه انا بعد ماشفت الاول انا مارتحت برغم تمسكه فيني حتى بعد ماتزوج ماتوفق بزواجه
<<<شكله حبني من النظره الاولى
والثاني كان عيبه قصره وربي وانا رفضت

والزواج قسمه ونصيب

يسلمو قلبي على هالموضوع

[أجمل إحساس]

هلا قلبوو اميرة الورد

بصرااحه انا مااقدر اقولك رايي لان

عاداتنا الخطيب مايشوف البنت الا بليلة الدخله..

يعني خبط لزق هههههههههههههههههههههه

بس الوحده اذا كانت واثقه من نفسها مااتوقع بتتأثر

إذا رفضها الخطيب ..

أهم شي الثقه بالنفس غاليتي..

تحياتي المعطره

اجمل احساس

[وردة التوليب]

طيف نجد

صدقتي أختي الزواج قسمه ونصيب

أشكرلك حظورك عيوني

[وردة التوليب]

هلابك اجمل احساس


عاداتنا الخطيب مايشوف البنت الا بليلة الدخله..

صراحة ودي اسأل سؤال
بما انك عايشه بهالظروف
ماتلاحظين حالات الطلاق كثيره بأعذار سخيفه؟
يعني يقول ماأرتحت لها, ماحبيتها , ثقيلة دم...الخ

وش وجهة نظرك بالنظره الشرعية؟؟

[ناعمة]

والله ياعيوني ماببعد جربت

بس يمكن يضيق صدري شووووووي لكن راح انسى


وانصح خواتي بالموافقه على النظره الشرعيه

واتمنى للجميع التوفيق

[أجمل إحساس]

ههههههههههههههههه

صحيح ياميره انا اوافقك على هذا السؤال

وكثير ماسمعت عن حالات طلاق بهذه الاسباب التي ذكرتيها

او مرات بالزواج بأخرى لانها لم تعجبه الاولى..

ولكن ماعسانا ان نفعل نحن البنات اذا كانت هذه عادات وتقاليد

لانستطيع تغييرها دام الرجال متمسكين بهاا..

انا بوجهة نظري النظره الشرعيه مهمه ولازمه

واتمنى ان ارى من يتقدم لخطبتي وانا يراني ايضاً

لأن من منطلق الرؤيه يحدد الشخص الاستمرار اوعدمه

مع من سيشاركه حياته او لا..

ولكن اتوقع بأذن الله ان من سيكون سعيد الحظ

اذا رأني بعد الزواج سيتمسك بي اكثر :خجل:..

<<<<< العن ام الثقه ياشيخه

هههههههههههههههههههه


تحياتي المعطره

[هاهاها]

مشكووووووورة خيتو

ههههههههههههههههههههههههه ههه

انا بدون نظرة شرعيه

انا بس اهله يطلبون يشوفوني اقولهم يقولون اني نايمة موب في البيت
وبعدها ارفض على طول طبعآ بأسباب

وبعدين هو حصل له ياخذ وحدة مثليييييييييي

:احم:

[وردة التوليب]

غربووووله

أشكرلك حظورك عيوني
وتسلمين على النصيحه

[وردة التوليب]

اجمل احساس

هههههههههههههههههههههه
الله يوفقك دنيا واخره يارب
وان شالله تتغير هالنظريه عندكم

أشكرلك سعة صدرك عيوني

[وردة التوليب]

هاهاها

ههههههههههههههههههههههههه ه
ايه والله وانتي الصادقه
وهو يطول ياخذك

الله يوفقك يارب
اشكرلك حظورك عيوني

[The Math]

السلام عليكم ورحمة الله وبركــاته
عندي سؤال وابي اطرحه
السؤال: لماذا بعض العوائل ترفض من الخطيب روئية البنت الا في ليلة الدخله والشرع شرع بهذهي النظره فلماذا يأيها العوائل؟؟..ولمــاذا ؟وانا اقول واقول ان اغلب اسباب المشاكل من هذه العادات ..؟؟ ارجووو الرد


My Best wishes:ThE MaTH
[email protected]

[كليوباترا]

فيه بنات كثيرر يستحوون يشوفونهم رجاال وبعضهم حتى بعد الملكه يستحوون

وممكن البنت ترفض العريس بمجرد مايقوول يبي يشوفها علشان كذا افضل طريقه من وجهه

نظري ان الاهل اذا كانو موافقين ممكن يخلون العريس يشوفها من غير هي تدري وبكذا يشوفها

على طبيعتها من غير رسميات عجبته البنت حياه الله ماعجبته الباب يفوت جمل وبكذا مايكون

في احراج للبنت ولاجرح لمشاعرها

ولا من شاف ولا من دري

وبس


تحياتي انا العروسه

ههههههه


كيبوو

[وردة التوليب]

محبوب


لماذا بعض العوائل ترفض من الخطيب روئية البنت الا في ليلة الدخله والشرع شرع بهذهي النظره فلماذا يأيها العوائل؟؟
انا عندي نفس التسائل ننتظر أحد يجاوبنا
أشكرلك مرورك أخوي

[وردة التوليب]

كيبوو

حبيبتي الرفض اللي يسأل عنه محبوب أعتقد رفض العائله للنظره مو رفض البنت


ان الاهل اذا كانو موافقين ممكن يخلون العريس يشوفها من غير هي تدري

لالالا خير يشوفها وهي ماتدري!!
ياكثر البلاوي اللي صارت من هالحركة
لا والله يشوفها وهي تدري وتحسب حساب تصرفاتها
وترتب شكلها اصرف لها
واذا راح تتأكد انه مو نصيبها وان شالله خير لها (حتى لو انجرحت)

[كليوباترا]

هذي وجهه نظرك

اما انا مستحيل اخليه يشوفني


ولأهل مايرضوون يمكن من الحرص الزائد عالبنت

وبس

[وردة التوليب]

كيبوو

ههههههههههههههههههههههههه ه
ايه ناويه توهقين الرجال

امزح لاتصدقين

والله يوفقك يارب
وتتزوجين واحد مايشوف بالدنيا غيرك
أشكرلك وجودك وتفاعلك معي عيوني

[كليوباترا]

تسلمين ياعمرري

اصلا ياحظه من ياخذني

بلاك ماتدرين عن شي

خليني ساكته احسن

<<< بدا الغررورر


يعطيك العافيه

[وردة التوليب]

ههههههههههههههههههههههههه ههههههههههههههههههههههه

[كليوباترا]

ههههههه

تضحكين انتي ووجهك

توك صغيرة على ذا الكلام

وخلك اضحكي

مع اني مفكرة اي احد يجيني راح اقوله يخطبك

بس الحين خلاص غيرت رايي



بنات اخرر زمن قويات عيوون ميتين على الرجل<<< كلام العجايز


ههههههههاااي

[وردة التوليب]

مع اني مفكرة اي احد يجيني راح اقوله يخطبك

بس الحين خلاص غيرت رايي

كيبوو من اللي لاعب عليك وقايلك أني متحمسه أتزوج!!:نيني:
خخخخخخخخخخخخخخخخخخخ

[كليوباترا]

:نيني:


تعالي دخلى بعيوني اوسعها لك


خلاص ولايهمك

اصلا انتي بعدك صغيرة عالزواج



صح


ماني مزوجتك

[بائعـة الريحان]

مشكورة اختي على الموضوووووووووع

بس لو بعد النظرة الشرعية يقول ما يبيني

بصلي وبدعي عليه

وبروووووووح اتصل على امه

واقووووول لها من زين ولدك هاللي ما يبيني يكفى

توم كروز هو

شووفيه وجهه كان وجه النعامة
والله يتحمد ربه ويصلي ركعتين شكر اني تنازلت وقبلت

اشوووووفه بس

مو وجه نعمة هوو

واسد في وجهها

وشكرررررا اختي على الموضوع الرائع

[وردة التوليب]

قنابيل

أف أف أف
ردت فعلك قويه مررره

وش دعوه الا الله يساعده
والحمدلله انه راح دامكم على البر

من وجهة نظري يروح بعد النظرة الشرعية أفضل بكثير من أنه يروح ومعك ولد ولا بنت

حكمي عقلك أختي
وأشكرلك حظورك أختي

[روعــة]

انا عادي بالعكس افرح قولي ليش اقولك ليش

لاني طبعا قبل النظره الشرعيه

بستخير وبدعي ربي

بعدين اذا ماوافق موشرط اني موحلوه

تكون هذي الخيره الي اختارها لي ربي انه يبعده

عني لانه مافيه خير لي

وبالعكس مثل ماقلتي اميرتي يروح الحين احسن من يروح

ومعي بيبي ..

وشكرا لك خيتي

[وردة التوليب]

هلا بنوته
كلامك عين العقل
الله يكملك بعقلك

أشكرلك حظورك

[متغليه]

هلا فيكم يا صبايااااا

موضوع حلوو ويسلم روحك يا غلاااا على طرحك للموضوع الحلووو


وبصراااااحه حناا من سلمناااا ما يشوف الخطيب خطيبته إلى بليلة العمر لكن والله اني مزعجه ابوي اقول انا بشوفه غصب هههههههههه

لو كان من بعيد طبعاااا يمكن مايعجبني <<<<<<< احلى يواثقه

وعلى فكره اخوي اسعود ترا مو مهم الجمال بعد للبنت مو مهم جمال الرجل اهم شي اخلاقه

وترا الرجال مخابر مو مناظررررر


ولو صارلي الموقف وقال ما ابيها هونت راح انصدم صحيح لكن عادي راح اعدي الموضوووووووووع بكل سهوله


مو صدمه لاني مو واثقه بحالي لا لان الزواج قسمه ونصيب

ويمكن انا ألاقي الي يصلح لي وهذي خيره من الله


واسفه على الاطالــــــــــــــــه

وفرصه سعيده خواتي وتقبلوووووووو تحياتي لكم




أختكم %%%%%%%%%%%%%%% متغليه %%%%%%%%%%%%%

[وردة التوليب]

هلا والله اختي متغليه

اولا احب ارحب فيك بينا
ثانيا وجهة نظرك صحيحه% مو اهم شي جمال البنت

منوره الموضوع والمنتدى عيوني

[شعاع الحزن]

من عادات عيلتنا ما يشوف البنت الا بعد ما يملك عليها >>>> هذه نظرية في عيلتنا ومجتمعنا اللي انا عايشه فيه ...

طبعا لازم امه واخته يشوفون البنت ويروحون ويوصفونها له بالكامل

اذا عجبته ودخلت في دماغه يروح يخطبها

لان بنات الناس موب لعبه حتى يدخل كل البيوت ويتكشف على اعراضهم والسبب الاخ جاااااااااي يخطب

تحياتي لكِ

رضــــــــــا قلبي

[وردة التوليب]

رضا قلبي

حبيبتي أسمها نظرة شرعية يعني شارعها الدين
وتأكدي الأسلام مايشرع شي الى له حكمة
وبالنظرة الشرعية تخف حالات الطلاق

وتأكدي ماأحد يقدم على ها الخطوة وهو يلعب
وتأكدي اهلك ماراح يخلونه يشوفك اذا هو مو كفوا

وأشكرك عيوني على طلتك الحلوه