(((((((((( هدا ما تتوقعه جماهير الفرق الاخرى عن الاهلي ))))))))))

[الاهلي الراقي]

سلامي للجميع وهاردلكم على الهزيمة اللي ممكن كانت متوقعة من بعض الجمهور اللي عارف ان هده المباريات مباريات خروج المغلوب وبصراحة لم يكن داخل الملعب قائد ينضم الفريق وبالاخص في الثواني الاخيرة.
اي نعم غالبية الجمهور وانا منهم كان متوقع ان الاهلي سوف يفوز ولكن قدر الله وماشاء فعل ولكن لا نغفل الخطاء البدائي اللي ارتكبه جفين البيشي وفي هدا الوقت وبعض الاحيان انا لاالوم جفين كثيرا لان اساس الهجمة بدات من عند الجيزاوي اللي قاعد يتفرج على الاعب وهو يعدي وكامل المر له ايضاء دور في الهدف على العموم خيرها بغيرها وشكرا لكل اللعيبة اجتهدو بس ما الله اراد.

خليني ارجع لموضوعي وهو ان غالبية جماهير الفرق الاخرى واخص الهلال الشباب والاتحاد ان الاهلي لان يحصل على اي بطولة هده السنة وان الاهلي ( فقاعة صابون) وان بعض منهم يقول ان الاهلي لو جاب اي بطوله ويخص الدوري سوف يحلقون شنباتهم او انهم لان يشجعو فريقهم لو الاهلي اخد بطولة هده السنة وهدا على حد قولهم.
اي نعم ممكن يكون كلامهم صحيح وممكن يكون غلط والصحه في توقعهم في نظري انا ان سبب قولهم هدا ان احتياطي الاهلي ليس الاحتياطي اللي يفرق لو غاب اي لاعب من الفريق الاساسي بسبب كرت او اصابة وانا معهم في هدا الشي وعلى سبيل المثال لو اصيب عماد او اخد كرت مين بيلعب مكانه بتقلولي الراهب صراحة ما اعتقد او دفاع مين بيلعب مكان جفين او كامل او محور بدل معتز.

اي نعم الاهلي في فترة الانتقالات الشتوية تم التعاقد مع بلغيث والعيسى ولكن ليس بالكفاية نحتاج في خط الهجوم لاعب يغطي خانة عماد وفيكتور ( مع ان فيكتور مستواه تغير عن السابق) وايضا لا ننسى خانت النجم الحربي يحتاج بديل له في الاحتياط لا يقل مستواه عنه لو اصيب او اخد كرت.

والانتقالات هده لو كانت من بداية الموسم كان في انسجام بين اللعيبة الجدد والاخرين وكان شفنه فريق احسن من كدا مع اني فخور بهدا الفريق وما يقدمه ولكن يحتاج اكثر في الضروف الصعبة.

وايضا لا ننسى فريق كاس فيصل اللي كل مبارة يفوز بالغصب لان هدا في اعتقادي اكبر امل في الحصول على اول بطوله هده السنة.

اسف على الاطالة ومن حبي للاهلي كتبت هدا الموضوع لكي تنتبه الادارة على بعض نقاط الضعف

شكرا اخوكم ابو خالد